జూలై 10న విడుదల అక్కినేని అఖిల్‌ ‘లెనిన్‌’

19 photos

1 / 20

అక్కినేని నాగార్జున కుమారుడు అక్కినేని అఖిల్‌, భాగ్యశ్రీ బోర్సే జంటగా నటిస్తున్న తాజా చిత్రం ‘లెనిన్‌’ విడుదలకు సిద్ధమైంది.

ఈ చిత్రాన్ని మురళీ కిశోర్‌ అబ్బూరు దర్శకత్వంలో రూపొందించారు. అన్నపూర్ణ స్టూడియోస్‌ సమర్పణలో నాగార్జున, సూర్యదేవర నాగవంశీ ఈ సినిమాను నిర్మిస్తున్నారు.

యాక్షన్‌, భావోద్వేగాలకు ప్రాధాన్యం కలిగిన కథాంశంతో రూపొందుతున్న ఈ చిత్రంపై అఖిల్‌ అభిమానుల్లో మంచి ఆసక్తి నెలకొంది. అఖిల్‌కు ఇది కీలక చిత్రంగా పరిశ్రమ వర్గాలు భావిస్తున్నాయి.

ఈ నేపథ్యంలో ప్రచార కార్యక్రమాలను వేగవంతం చేస్తూ చిత్ర బృందం ముందుకు సాగుతోంది. తాజాగా ఈ మూవీకి సంబంధించిన HD స్టిల్స్‌ను విడుదల చేశారు.

సినిమా విడుదల తేదీ దగ్గరపడుతున్న తరుణంలో ‘లెనిన్‌’ ట్రైలర్‌ను కూడా మేకర్స్‌ విడుదల చేశారు.

ట్రైలర్‌లో అఖిల్‌ పాత్ర తీరు, కథలోని ఉత్కంఠభరితమైన అంశాలను చూపిస్తూ ప్రేక్షకుల్లో ఆసక్తి రేకెత్తించేలా కట్‌ చేశారు. ట్రైలర్‌కు అక్కినేని నాగార్జున వాయిస్‌ ఓవర్‌ అందించడం ప్రత్యేక ఆకర్షణగా మారింది.

నాగార్జున సమర్పణలో వస్తున్న ఈ చిత్రంపై అన్నపూర్ణ స్టూడియోస్‌ వర్గాలు విశ్వాసం వ్యక్తం చేస్తున్నాయి. అఖిల్‌ కెరీర్‌లో కొత్త మలుపు తీసుకురాగల చిత్రంగా ‘లెనిన్‌’ను చిత్ర బృందం భావిస్తోంది.

జూలై 10న థియేటర్లలో విడుదల కానున్న ఈ సినిమా ఎలా నిలుస్తుందో చూడాలి.