పరీక్షల అవకతవకలపై జంతర్ మంతర్ మంట: కేంద్రంపై విద్యార్థుల ఆగ్రహ నినాదాలు

17 photos · వివిధ పోటీ పరీక్షలలో అవకతవకలు, ప్రశ్నాపత్రాల లీకులు, ఫలితాల ఆలస్యం వంటి అంశాలకు నిరసనగా ఢిల్లీలోని జంతర్ మంతర్ వద్ద కాక్రోచ్‌ జనతా పార్టీ ఆద్వర్యంలో విద్యార్థులు, నిరుద్యోగ యువత భారీగా ఆందోళన చేపట్టారు. పరీక్షల నిర్వహణలో వైఫల్యాలకు కేంద్ర ప్రభుత్వం బాధ్యత వహించాలని, విద్యాశాఖ మంత్రి ధర్మేంద్ర ప్రధాన్ రాజీనామా చేయాలని, పరీక్షల వ్యవస్థలో సంస్కరణలు చేసి బాధ్యులపై చర్యలు తీసుకోవాలని వారు డిమాండ్ చేశారు.

1 / 18

పరీక్షల నిర్వహణలో వైఫల్యాలకు నిరసనగా కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలంటూ జంతర్ మంతర్ వద్ద విద్యార్థులు, యువత ఆందోళన

ఈ నిరసన కార్యక్రమాన్ని ‘కాక్రోచ్ జనతా పార్టీ (సీజేపీ)’ ఆధ్వర్యంలో నిర్వహించారు. ఉదయం నుంచే ఢిల్లీలోని పలు ప్రాంతాల నుంచి విద్యార్థులు, యువజన సంఘాల కార్యకర్తలు జంతర్ మంతర్ వైపు తరలివచ్చారు. పరీక్షల నిర్వహణలో పారదర్శకత లోపించిందని, బాధ్యులపై చర్యలు తీసుకోవాలని వారు కోరారు. పరీక్షల తేదీల మార్పులు, ప్రశ్నాపత్రాల లీకులు, ఫలితాల ఆలస్యం వంటి అంశాలపై ఆందోళనకారులు ఆగ్రహం వ్యక్తం చేసినట్లు అక్కడి వర్గాలు చెబుతున్నాయి.

జంతర్ మంతర్ వద్ద కొనసాగుతున్న ఈ నిరసనపై అధికార వర్గాల స్పందన కోసం విద్యార్థులు ఎదురుచూస్తున్నారని తెలుస్తోంది.

పరీక్షల కోసం సంవత్సరాల తరబడి సిద్ధమవుతున్న విద్యార్థుల భవిష్యత్తు ప్రమాదంలో పడుతోందని, బాధ్యతాయుతమైన వ్యవస్థ అవసరమని వారు భావిస్తున్నట్టు సమాచారం.

నిరసన కార్యక్రమం కారణంగా జంతర్ మంతర్ పరిసర ప్రాంతాల్లో ట్రాఫిక్‌కు అంతరాయం ఏర్పడినట్టు సమాచారం. వాహనాల రాకపోకలు మందగించడంతో ప్రయాణికులు ఇబ్బందులు ఎదుర్కొన్నారని స్థానికులు చెబుతున్నారు. పరిస్థితిని అదుపులో ఉంచేందుకు పోలీసులు అదనపు బలగాలను వినియోగించినట్టు తెలుస్తోంది.

కేంద్ర విద్యాశాఖ మంత్రి ధర్మేంద్ర ప్రధాన్ తక్షణమే పదవి నుంచి తప్పుకోవాలని డిమాండ్ చేస్తూ వారు నినాదాలు చేశారు.

దేశ రాజధాని ఢిల్లీలోని జంతర్ మంతర్ వద్ద శనివారం ఉదయం తీవ్ర ఉత్కంఠ నెలకొంది. వివిధ పోటీ పరీక్షల నిర్వహణలో చోటుచేసుకున్న వైఫల్యాలు, అవకతవకలపై అసంతృప్తి వ్యక్తం చేస్తూ విద్యార్థులు, నిరుద్యోగ యువత పెద్ద సంఖ్యలో అక్కడకు చేరుకున్నారు.

అక్కడికి చేరుకున్న విద్యార్థులు ప్లకార్డులు ప్రదర్శిస్తూ తమ డిమాండ్లను తెలియజేశారు. పరీక్షల నిర్వహణ బాధ్యత కేంద్ర ప్రభుత్వంపై ఉందని, బాధ్యత వహిస్తూ విద్యాశాఖ మంత్రి ధర్మేంద్ర ప్రధాన్ రాజీనామా చేయాలని వారు కోరుతున్నట్లు తెలుస్తోంది.

జంతర్ మంతర్ పరిసరాల్లో ఉదయం నుంచే పోలీసులు మోహరించారు. నిరసనకు వచ్చినవారిని నిర్దిష్ట ప్రదేశంలోనే నిలిపేలా ఏర్పాట్లు చేశారు.

పరీక్షల వ్యవస్థలో సంస్కరణలు చేపట్టాలని, భవిష్యత్తులో ఇలాంటి గందరగోళం పునరావృతం కాకుండా చర్యలు తీసుకోవాలని ఆందోళనకారులు కోరుతున్నారని అక్కడి వర్గాలు పేర్కొంటున్నాయి.

పరీక్షల నిర్వహణలో జరిగిన లోపాలపై సమగ్ర విచారణ జరిపి, బాధ్యులపై చర్యలు తీసుకోవాలని, విద్యార్థులకు న్యాయం జరిగేలా చూడాలని వారు డిమాండ్ చేస్తున్నట్టు అక్కడి వర్గాలు చెబుతున్నాయి.