ఫోటోలు - చైనా లో టైఫూన్‌ ‘బావి’బీభత్సం

11 photos

1 / 12

పసిఫిక్‌ సముద్రంలో 13 రోజుల క్రితం ఏర్పడి విస్తారంగా విరుచుకుపడుతున్న టైఫూన్‌ బావి ప్రభావంతో చైనా తీవ్రంగా వణికిపోతోంది. భారీ వర్షాలు, గాలులతో అక్కడి జనజీవనం అస్తవ్యస్తమవుతోంది. అనేక ప్రాంతాల్లో రహదారులు జలమయంగా మారి, వాహనాలు వరదనీటిలో కొట్టుకుపోతున్న దృశ్యాలు సోషల్‌ మీడియాలో వైరల్‌ అవుతున్నాయి

టైఫూన్‌ బావి కారణంగా ఏర్పడిన వాతావరణ పరిస్థితులపై చైనా జాతీయ వాతావరణ కేంద్రం అప్రమత్తం చేస్తోంది. మంగళవారం కూడా అనేక ప్రాంతాల్లో భారీ వర్షాలు కురిసే అవకాశం ఉందని కేంద్రం హెచ్చరించింది. ప్రమాదాన్ని దృష్టిలో ఉంచుకుని ప్రభావిత ప్రాంతాల్లోని అన్ని విద్యాసంస్థలకు సెలవులు ప్రకటించారు.

లియావోనింగ్‌ ప్రావిన్స్‌లో టైఫూన్‌ బావి ప్రభావం తీవ్రంగా ఉండటంతో అక్కడి ప్రజలను ముందస్తు జాగ్రత్తల భాగంగా సురక్షిత ప్రాంతాలకు తరలిస్తున్నారు. ఇప్పటివరకు సుమారు 2,60,000 మందిని అక్కడి నుంచి తరలించినట్లు స్థానిక అధికారుల సమాచారం. వరదనీటిలో కార్లు బొమ్మల్లా కొట్టుకుపోతున్న వీడియోలు, ఫొటోలు ఇంటర్నెట్‌లో విస్తృతంగా పంచుకుంటున్నారు.

పసిఫిక్‌ సముద్రంలో ఏర్పడిన ఈ టైఫూన్‌ విస్తీర్ణం ఫ్రాన్స్‌ దేశం అంతా విస్తరించినంత పెద్దదిగా ఉందని వాతావరణ నిపుణులు చెబుతున్నారు.

బావి ప్రభావం చైనాతో పాటు జపాన్‌, తైవాన్‌, ఫిలిప్పీన్స్‌, ఉత్తర కొరియా వంటి దేశాల్లో కూడా కనిపిస్తోంది. అక్కడి తీర ప్రాంతాల్లో గాలుల వేగం పెరగడంతో సముద్రం ఉద్ధృతంగా అలలు ఎగసిపడుతోంది.

తక్కువ ఎత్తులో ఉన్న ప్రాంతాల్లో వరదనీరు చేరే ప్రమాదం ఉండటంతో అక్కడి ప్రజలను ఎత్తైన ప్రాంతాలకు తరలించే పనులు కొనసాగుతున్నాయి.