రాయలసీమ న్యూస్, నంద్యాల: బనగానపల్లె, నంద్యాల జిల్లా: స్వర్ణ ఆంధ్ర–స్వచ్ఛ ఆంధ్ర లక్ష్యంతో బనగానపల్లె నియోజకవర్గాన్ని పరిశుభ్రంగా, పచ్చదనంతో, ఆరోగ్యకరమైన వాతావరణంతో తీర్చిదిద్దేందుకు ప్రభుత్వం కృషి చేస్తోందని రాష్ట్ర రోడ్లు, భవనాల శాఖ (R&B), ఐ&ఐ శాఖల మంత్రి బీసీ జనార్దన్ రెడ్డి తెలిపారు.
బనగానపల్లెలో స్వర్ణ ఆంధ్ర–స్వచ్ఛ ఆంధ్ర కార్యక్రమంలో భాగంగా పంచాయతీ కార్మికుల కోసం ఈ-ఆటోలను ప్రారంభించి అందజేశారు. స్థానిక ప్రజాప్రతినిధులు, అధికారులు, పంచాయతీ సిబ్బంది పాల్గొన్న ఈ కార్యక్రమంలో మంత్రి ఈ-ఆటోలను ప్రారంభించి, గ్రామీణ పరిశుభ్రతను మరింత బలోపేతం చేయాలనే ప్రభుత్వ సంకల్పాన్ని వివరించారు.
ముఖ్యమంత్రి నారా చంద్రబాబు నాయుడు స్ఫూర్తితో సుస్థిర భవిష్యత్తు కోసం స్వచ్ఛ ఆంధ్ర కార్యక్రమాన్ని ప్రజల భాగస్వామ్యంతో ముందుకు తీసుకెళ్తున్నాం.
ఈ-ఆటోల అందుబాటుతో గ్రామాలు, పట్టణాల్లో చెత్త సేకరణ మరింత సమర్థవంతంగా నిర్వహించేందుకు అవకాశం ఏర్పడుతుందని మంత్రి బీసీ జనార్దన్ రెడ్డి పేర్కొన్నారు. పరిశుభ్రతతో పాటు పర్యావరణ పరిరక్షణకు ఈ చర్యలు ఎంతో దోహదపడతాయని ఆయన అభిప్రాయపడ్డారు.
ఈ-ఆటోల ద్వారా చెత్త సేకరణ వ్యవస్థను బలోపేతం చేస్తాం. పచ్చని పర్యావరణం, పరిశుభ్రమైన సమాజం, సమృద్ధి చెందిన ఆంధ్రప్రదేశ్ నిర్మాణమే మన అందరి సంకల్పం.
పరిశుభ్రత కేవలం ప్రభుత్వ బాధ్యత కాదని, ప్రతి ఒక్కరి బాధ్యతగా భావించాలని మంత్రి సూచించారు. ప్రజలు తమ ఇళ్ల పరిసరాలు, వీధులు, కాలనీలను పరిశుభ్రంగా ఉంచేందుకు ముందుకు రావాలని ఆయన పిలుపునిచ్చారు.
పరిశుభ్రతను మన జీవనశైలిలో భాగం చేసుకోవాలి. ప్రభుత్వం అందించే సదుపాయాలను ప్రజలు సమర్థవంతంగా వినియోగించుకుంటే స్వచ్ఛ ఆంధ్ర లక్ష్యం సాధ్యం అవుతుంది.
పర్యావరణ పరిరక్షణతో పాటు ఉపాధి అవకాశాలను పెంపొందిస్తూ అభివృద్ధి, సమృద్ధి వైపు బనగానపల్లె నియోజకవర్గాన్ని ముందుకు తీసుకెళ్తామని మంత్రి బీసీ జనార్దన్ రెడ్డి స్పష్టం చేశారు. ఈ-ఆటోల ద్వారా పంచాయతీ కార్మికులకు సౌకర్యవంతమైన రవాణా, భద్రతతో కూడిన పని వాతావరణం కలుగుతుందని ఆయన పేర్కొన్నారు.
స్వర్ణ ఆంధ్ర–స్వచ్ఛ ఆంధ్ర లక్ష్య సాధనలో భాగంగా బనగానపల్లెలో ప్రారంభించిన ఈ-ఆటో సేవలు, గ్రామీణ పరిశుభ్రత రంగంలో కొత్త దశకు నాంది పలుకుతాయని స్థానిక ప్రజాప్రతినిధులు అభిప్రాయపడ్డారు. కార్యక్రమంలో Ramanaiah, Banaganepalle సహా పలువురు పాల్గొన్నారు.
