రాయలసీమ న్యూస్, తిరుపతి: తిరుపతి నియోజకవర్గంలో 8వ క్లస్టర్ సమావేశాన్ని ఇన్ఛార్జి దంపూరి భాస్కర్ యాదవ్ ఆధ్వర్యంలో నిర్వహించారు. ఈ సమావేశానికి నియోజకవర్గ ఇన్ఛార్జి జేబీ శ్రీనివాస్, యాదవ కార్పొరేషన్ ఛైర్మన్ నరసింహ యాదవ్ హాజరయ్యారు. పార్టీ పిలుపు మేరకు నిర్వహించిన డోర్ టు డోర్ కార్యక్రమాన్ని విజయవంతంగా పూర్తి చేసిన 28, 30, 31, 36, 38వ డివిజన్ల అధ్యక్షులు, కార్యదర్శులు, బీఎల్ఏలు, నాయకులు, కార్యకర్తలను దుశాలువాలతో సత్కరించి అభినందించారు.
సమావేశంలో పార్టీ శ్రేణుల సేవా కార్యక్రమాలు, రానున్న స్థానిక సంస్థల ఎన్నికల వ్యూహంపై చర్చ జరిగింది. డివిజన్ స్థాయిలో బలమైన కమిటీలు, బూత్ స్థాయిలో సమన్వయం, ఓటర్లను ప్రత్యక్షంగా కలిసే కార్యక్రమాలపై నాయకత్వం సూచనలు ఇచ్చింది. డోర్ టు డోర్ కార్యక్రమంలో ప్రతి ఇంటిని చేరుకుని పార్టీ విధానాలు, ప్రభుత్వ సంక్షేమ పథకాలను ప్రజలకు వివరించిన విధానాన్ని నాయకులు సమీక్షించారు.
ఈ సందర్భంగా జేబీ శ్రీనివాస్ పార్టీ కార్యక్రమాలను విజయవంతం చేసిన ప్రతి కుటుంబ సభ్యుడికి అభినందనలు తెలిపారు. కార్యకర్తలు, నాయకులకు ఎలాంటి ఇబ్బందులు లేకుండా చూసుకునే బాధ్యత తనదేనని ఆయన స్పష్టం చేశారు. గత ఎన్నికల్లో వైసీపీ పాలనలో జరిగిన పరిణామాలను ప్రజలు గమనించారని, ఆ అనుభవం ఆధారంగా రానున్న ఎన్నికల్లో ప్రజలు సరైన నిర్ణయం తీసుకుంటారని ఆయన అభిప్రాయపడ్డారు.
తిరుపతి నియోజకవర్గంలోని 66 డివిజన్లలో కూటమి అభ్యర్థులను గెలిపించేందుకు ప్రతి కార్యకర్త కృషి చేయాలని నాయకత్వం పిలుపునిచ్చింది. స్థానిక సంస్థల ఎన్నికల్లో విజయం సాధించి ముఖ్యమంత్రి నారా చంద్రబాబు నాయుడుకు విజయాన్ని బహుమతిగా అందించాలన్న లక్ష్యంతో పార్టీ శ్రేణులు ముందుకు సాగాలని సమావేశంలో నిర్ణయించారు.
కార్యక్రమంలో ఎస్సీ కార్పొరేషన్ డైరెక్టర్ కుమారమ్మ, క్లస్టర్ నాయకులు సుబ్బు యాదవ్, ఆముదాల తులసి, షేక్ మహబూబ్ బాషా తదితరులు పాల్గొన్నారు. సమావేశం అనంతరం క్లస్టర్ స్థాయిలో తదుపరి కార్యాచరణ ప్రణాళికపై చర్చించి, డివిజన్ వారీగా బాధ్యతలను కేటాయించారు. కార్యక్రమం శాంతియుతంగా, ఉత్సాహభరిత వాతావరణంలో ముగిసింది.
