రాయలసీమ న్యూస్, వై.యస్.ఆర్: జనసేన పార్టీ స్థానిక సంస్థల ఎన్నికల అవగాహన కార్యక్రమం శనివారం కడప పార్లమెంటు పరిధిలో నిర్వహించారు. ఈ సమావేశం R&B Guest Houseలో జరిగింది. స్థానిక సంస్థల ఎన్నికల్లో పార్టీ వ్యూహం, బలాబలాలు, వార్డు స్థాయి పరిస్థితులపై ఈ సందర్భంగా సమీక్ష చేపట్టారు.
ఈ కార్యక్రమంలో పొద్దుటూరు నియోజకవర్గానికి చెందిన ప్రొద్దుటూరు మున్సిపాలిటీ పరిధిలోని వార్డుల పరిస్థితిపై ప్రత్యేకంగా చర్చించారు. ప్రొద్దుటూరు పట్టణ మున్సిపాలిటీలో మొత్తం ఎన్ని వార్డులు ఉన్నాయో, వాటిలో జనసేన పార్టీ గెలుపు సాధించే అవకాశాలు ఎక్కడ ఎక్కువగా ఉన్నాయో అనే అంశాలపై వివరాలు సమగ్రంగా సమీక్షించినట్లు పార్టీ వర్గాలు తెలిపాయి.
కడప పార్లమెంటు పరిధిలో స్థానిక సంస్థల ఎన్నికలకు సంబంధించి జనసేన పార్టీ తీసుకుంటున్న చర్యలు, భవిష్యత్ కార్యాచరణపై ఈ సమావేశంలో చర్చించినట్లు సమాచారం. ప్రతి వార్డు స్థాయిలో పార్టీ శక్తి, గత ఎన్నికల ఫలితాలు, ప్రస్తుత రాజకీయ పరిస్థితులపై అవగాహన కల్పించడమే ఈ కార్యక్రమం లక్ష్యంగా పెట్టుకున్నట్లు పేర్కొన్నారు.
ఈ సమావేశంలో కడప పార్లమెంట్ కోఆర్డినేటర్ దేవ వరప్రసాద్, రాజోలు ఎమ్మెల్యే, కడప పార్లమెంటు సహాయ బృందం సభ్యులు పాల్గొన్నారు. ప్రొద్దుటూరు పార్లమెంట్ స్థానిక సంస్థల ఎన్నికలకు సంబంధించిన వివరాలను అక్కిదానరి రామారావు ఈ సమావేశంలో వివరిస్తూ, ప్రొద్దుటూరు మున్సిపాలిటీ వార్డు వారీగా పార్టీ స్థితిగతులను సమావేశానికి హాజరైన నాయకులకు తెలియజేశారు.
స్థానిక సంస్థల ఎన్నికల్లో జనసేన పార్టీ బలపడే ప్రాంతాలు, మరింతగా శ్రద్ధ పెట్టాల్సిన వార్డులు, పార్టీ కార్యకర్తల సమన్వయం, ప్రజలతో అనుసంధానం వంటి అంశాలపై కూడా ఈ సమావేశంలో చర్చించినట్లు పార్టీ వర్గాలు వెల్లడించాయి. కడప పార్లమెంటు పరిధిలో జనసేన పార్టీ స్థానిక సంస్థల ఎన్నికలను సీరియస్గా తీసుకుని, ముందస్తు వ్యూహరచనకు ఈ అవగాహన కార్యక్రమం ఉపయోగపడనుందని భావిస్తున్నారు.
