రాయలసీమ న్యూస్, వై.యస్.ఆర్:
అర్హులైన ప్రతి ఒక్కరూ ఇళ్ల స్థలాలకు దరఖాస్తు చేసుకోవాలి: MLA నంద్యాల వరదరాజులరెడ్డి
ప్రొద్దుటూరు నియోజకవర్గంలో అర్హులైన వారికి ప్రభుత్వం అందిస్తున్న ఇళ్ల స్థలాల పథకానికి దరఖాస్తులు చేసుకోవాలని MLA నంద్యాల వరదరాజులరెడ్డి పిలుపునిచ్చారు. గురువారం ప్రొద్దుటూరులో ఆయన పలు కార్యక్రమాల్లో పాల్గొని మాట్లాడారు. ఈ సందర్భంగా పట్టణ, గ్రామీణ ప్రాంతాల ప్రజలకు ఇళ్ల స్థలాల కేటాయింపు, ఇళ్ల నిర్మాణానికి ప్రభుత్వం చేస్తున్న ఏర్పాట్లను వివరించారు.
నంద్యాల వరదరాజులరెడ్డి తెలిపారు ప్రొద్దుటూరు నియోజకవర్గంలో ఇళ్ల స్థలాల కోసం అర్హత కలిగిన ప్రతి ఒక్కరికి అవకాశం కల్పించేందుకు చర్యలు చేపట్టినట్లు చెప్పారు. పట్టణ ప్రాంతాల్లో నివసిస్తున్న వారికి 2 సెంట్లు, గ్రామీణ ప్రాంతాల్లో నివసిస్తున్న వారికి 3 సెంట్లు చొప్పున ఇంటి స్థలాలు కేటాయించేలా ప్రభుత్వం నిర్ణయించినట్లు ఆయన వివరించారు.
ఇప్పటికే స్థలం ఉన్న వారు కూడా ఇంటి నిర్మాణం కోసం దరఖాస్తు చేసుకోవచ్చని MLA స్పష్టం చేశారు. ఇళ్ల నిర్మాణానికి సంబంధించి రూ.3 లక్షల విలువ గల ఇళ్లు మంజూరు అయ్యాయని ఆయన పేర్కొన్నారు. ఈ పథకం ద్వారా గృహరహిత కుటుంబాలకు శాశ్వత నివాసం కల్పించడమే లక్ష్యమని తెలిపారు.
అర్హులైన ప్రతి ఒక్కరూ ఈ అవకాశాన్ని వినియోగించుకోవాలని, అవసరమైన పత్రాలు సిద్ధం చేసుకుని సంబంధిత కార్యాలయాల్లో దరఖాస్తులు సమర్పించాలని MLA సూచించారు. ఇళ్ల స్థలాల కేటాయింపులో పారదర్శకతకు ప్రాధాన్యం ఇస్తున్నామని, అర్హత ప్రమాణాలు పూర్తి చేసిన వారందరికీ ప్రయోజనం చేకూరేలా అధికారులను ఆదేశించినట్లు ఆయన చెప్పారు.
ప్రొద్దుటూరు నియోజకవర్గంలో గృహ నిర్మాణ పథకాలు వేగంగా అమలు కావడానికి ప్రజలు, ప్రజాప్రతినిధులు, అధికారులు సమన్వయంతో పనిచేయాలని MLA నంద్యాల వరదరాజులరెడ్డి అభిప్రాయపడ్డారు. గృహరహిత కుటుంబాల సమస్యను దశలవారీగా పరిష్కరించేందుకు ప్రభుత్వం కట్టుబడి ఉందని ఆయన పేర్కొన్నారు.
