రాయలసీమ న్యూస్, వై.యస్.ఆర్: కడప జిల్లా ప్రొద్దుటూరు నియోజకవర్గం రాజుపాలెం మండల పరిధిలోని వెల్లాల గ్రామంలో చెన్నకేశవ స్వామి నూతన ఆలయ నిర్మాణానికి భూమి పూజ నిర్వహించారు. ఈ కార్యక్రమంలో ఎమ్మెల్యే నంద్యాల వరదరాజుల రెడ్డి పాల్గొన్నారు. CGF నిధుల ద్వారా సుమారు 4 కోట్ల రూపాయల వ్యయంతో ఆలయ నిర్మాణం చేపట్టనున్నట్లు స్థానికులు తెలిపారు.
వెల్లాల గ్రామంలో ఉన్న ప్రస్తుత దేవస్థానానికి విస్తరణ అవసరం ఉండటంతో, భక్తుల సౌకర్యార్థం నూతన ఆలయ నిర్మాణానికి ప్రతిపాదనలు సిద్ధమయ్యాయి. అనంతరం సంబంధిత శాఖల అనుమతులతో పాటు CGF నిధుల మంజూరు జరగడంతో భూమి పూజ కార్యక్రమాన్ని నిర్వహించారు.
భూమి పూజ కార్యక్రమంలో మాజీ ZPTC సభ్యులు తోట మహేశ్వర రెడ్డి, EO రమణ, గోపల్లె సుబ్బిరెడ్డి, దేవస్థాన చైర్మన్ లక్ష్మీనారాయణ రెడ్డి, దేవస్థాన మాజీ చైర్మన్లు రామసుబ్బారెడ్డి, కుమ్మరపల్లె వెంకటరామిరెడ్డి పాల్గొన్నారు. అలాగే TDP రాజుపాలెం మండల అధ్యక్షుడు కృష్ణారెడ్డి, K.C కెనాల్ డిస్ట్రిబ్యూటరీ కమిటీ అధ్యక్షుడు రాజుపాలెం కృష్ణారెడ్డి, శెట్టిపల్లె చంద్ర, జగదీష్ రెడ్డి, నాగిరెడ్డి, చిన్నోడు, శీను, సానా వెంకట సుబ్బారెడ్డి, కులూరు మల్లిఖార్జున రెడ్డి, సుబ్బారెడ్డి, కొట్టాల జగన్ మోహన్ రెడ్డి, వెంగలాయపల్లె శ్రీనివాసుల రెడ్డి, రాంమోహన్ రెడ్డి, నాగలక్ష్మి రెడ్డి, రమేష్ రెడ్డి, బాలాంజనేయులు తదితరులు హాజరయ్యారు.
భూమి పూజ అనంతరం ఆలయ నిర్మాణ పనులను త్వరితగతిన ప్రారంభించేలా స్థానిక ప్రజాప్రతినిధులు, దేవస్థాన కమిటీ సభ్యులు చర్చించారు. గ్రామ ప్రజలు పెద్ద సంఖ్యలో హాజరై చెన్నకేశవ స్వామిని దర్శించుకుని ప్రత్యేక పూజలు నిర్వహించారు. నూతన ఆలయం నిర్మాణం పూర్తయిన తర్వాత ప్రాంతీయ భక్తులకు మరింత సౌకర్యాలు కలుగుతాయని గ్రామస్థులు ఆశాభావం వ్యక్తం చేస్తున్నారు.
