రాయలసీమ న్యూస్, వై.యస్.ఆర్: కూటమి పాలన రెండేళ్ల నమ్మకం, అభివృద్ధి–సంక్షేమం కార్యక్రమంలో భాగంగా ప్రొద్దుటూరు మండలం కొత్తపల్లె గ్రామ పంచాయతీ పరిధిలోని వివేకానంద కాలనీలో "ఇంటింటికీ తెలుగుదేశం" కార్యక్రమాన్ని ఎమ్మెల్యే నంద్యాల వరదరాజుల రెడ్డి నిర్వహించారు. ఇంటింటికీ సంక్షేమాభివృద్ధి కూటమి ద్వారానే సాధ్యమని ఆయన ప్రజలకు వివరించారు.
కార్యక్రమం ఎనిమిదో రోజు సందర్భంగా వివేకానంద కాలనీలోకి చేరుకున్న వరదరాజుల రెడ్డి, కాలనీలోని ప్రతి ఇంటిని సందర్శిస్తూ ప్రజలను ఆప్యాయంగా పలకరించారు. కూటమి ప్రభుత్వం రెండేళ్లలో చేపట్టిన అభివృద్ధి పనులు, అమలు చేసిన సంక్షేమ పథకాల గురించి ప్రజలకు వివరాలు తెలియజేశారు. ఈ సందర్భంగా కూటమి పాలనలో చేపట్టిన కార్యక్రమాల వివరాలతో కూడిన కరపత్రాలను పంపిణీ చేశారు.
ఇంటింటికీ వెళ్లి ప్రజల సమస్యలను అడిగి తెలుసుకున్న ఎమ్మెల్యే, వాటి పరిష్కారానికి సంబంధిత అధికారులతో వెంటనే చర్యలు తీసుకునేలా హామీ ఇచ్చారు. ప్రజల నుంచి వచ్చిన ఫిర్యాదులు, సూచనలను నమోదు చేసి, వాటిని ప్రాధాన్యంగా తీసుకుని పరిష్కరించే దిశగా ప్రయత్నాలు చేస్తామని స్థానిక నాయకులకు తెలిపారు.
సామాజిక భద్రతా పింఛన్ల పెంపుపై కూడా వరదరాజుల రెడ్డి ప్రజలకు వివరించారు. సామాజిక భద్రతా పింఛన్లను రూ.4 వేల నుంచి వివిధ కేటగిరీల లబ్ధిదారులకు రూ.6 వేల, రూ.10 వేల, రూ.15 వేల వరకు పెంచడం ద్వారా వృద్ధులు, దివ్యాంగులు, ఇతర లబ్ధిదారులకు ఆర్థిక భరోసా కల్పించామని ఆయన పేర్కొన్నారు. ఈ పెంపు వల్ల గ్రామీణ ప్రాంతాల్లోని పేద కుటుంబాలకు కొంత ఉపశమనం లభించిందని స్థానికులు అభిప్రాయపడ్డారు.
కార్యక్రమంలో స్థానిక నాయకులు చిట్టిబోయిన గంగాధర్, శివగంగాధర్, ఆవుల దస్తగిరి, హసీనా, జయసింహ, నడిపి దస్తగిరి, సిద్దమ్మ, దండుబోయిన శివ తదితరులు పాల్గొన్నారు. వీరు కాలనీలో ప్రజలను సమీకరించి, కార్యక్రమం విజయవంతం కావడానికి సమన్వయం చేశారు.
ఈ కార్యక్రమంలో మాజీ ఎంపీపీ నంద్యాల రాఘవరెడ్డి, రాష్ట్ర షేక్ వెల్ఫేర్ అండ్ డెవలప్మెంట్ కార్పొరేషన్ చైర్మన్ & TDP రాష్ట్ర ప్రధాన కార్యదర్శి Vs ముక్తియార్, ప్రొద్దుటూరు TDP పరిశీలకులు కొండవీటి భావన, నంద్యాల ఆనంద్ భార్గవ్ రెడ్డి, లింగాపురం AGR బ్యాంకు చైర్మన్ సిద్ధారెడ్డి నాగముని రెడ్డి, TDP మాజీ పట్టణ అధ్యక్షులు ఇవి సుధాకర్ రెడ్డి, ప్రభావతి, స్వర్ణలత, జనసేన సుంకర మురళీ, ప్రసాద్, బూతురు వెంకట్రామిరెడ్డి, ఖాసీం, అంగన్వాడి యూనియన్ అధ్యక్షురాలు బోగా శివ కళ్యాణి, లక్ష్మి, కృష్ణవేణి, మాజీ కౌన్సిలర్లు కమాల్ బాషా, జిలాన్, వెంకట సుబ్బయ్య, శ్రీనివాసుల రెడ్డి, రాజ్ కులాయప్ప, బూన్, యేసోబ్ తదితరులు పాల్గొన్నారు.
