రాయలసీమ న్యూస్, ఆంధ్రప్రదేశ్ డెస్క్: లెర్నర్స్ లైసెన్స్ రిజిస్ట్రేషన్ (LLR) కోసం ఇకపై ఇంటి నుంచే ఆన్లైన్ పరీక్ష రాయే సౌకర్యాన్ని అందుబాటులోకి తీసుకొచ్చారు. డ్రైవింగ్ లైసెన్స్ పొందేందుకు తొలి దశగా ఉండే LLR పరీక్షను అభ్యర్థులు తమ ఇళ్లలోనే కంప్యూటర్ ద్వారా రాయగలిగే విధంగా వ్యవస్థను రూపొందించారు.
ఈ సౌకర్యాన్ని వినియోగించుకోవాలనుకునే అభ్యర్థులు ముందుగా sarathi.parivahan.gov.in వెబ్‌సైట్‌లోకి వెళ్లి అవసరమైన వివరాలను నమోదు చేయాలి. ఆన్లైన్ ద్వారా నిర్దేశిత ఫీజును చెల్లించిన తర్వాత సంబంధిత అప్లికేషన్ ఆటోమేటిక్‌గా జనరేట్ అవుతుంది. ఆ తరువాత పరీక్ష రాయడానికి అభ్యర్థికి అనుమతి లభిస్తుంది.
పరీక్ష రాయడానికి కెమెరా ఉన్న డెస్క్టాప్ లేదా ల్యాప్టాప్ తప్పనిసరి. నిర్ణయించిన సమయానికి అభ్యర్థి తన సిస్టమ్ ద్వారా ఆన్లైన్ పరీక్షలో పాల్గొనాలి. పరీక్షలో మొత్తం 20 ప్రశ్నలు ఉంటాయి. వీటిలో కనీసం 12 ప్రశ్నలకు సరైన సమాధానాలు ఇస్తే పరీక్షలో ఉత్తీర్ణత సాధించినట్లుగా పరిగణిస్తారు.
అభ్యర్థి 12 లేదా అంతకంటే ఎక్కువ ప్రశ్నలకు సరైన సమాధానాలు ఇచ్చిన వెంటనే LLR జారీ అవుతుంది. ఆన్లైన్ పరీక్ష ఫలితాన్ని వెంటనే ప్రాసెస్ చేసి, లెర్నర్స్ లైసెన్స్‌ను అందుబాటులోకి తీసుకొస్తారు. దీంతో పరీక్ష ఫలితాల కోసం ఎక్కువ రోజులు వేచి చూడాల్సిన అవసరం ఉండదు.
కంప్యూటర్ లేదా ఇంటర్నెట్ సౌకర్యం లేని అభ్యర్థుల కోసం కూడా ప్రత్యామ్నాయ ఏర్పాట్లు చేశారు. గ్రామ, వార్డు సచివాలయాల్లో కంప్యూటర్ సదుపాయాన్ని కల్పించి, అక్కడే ఆన్లైన్ పరీక్ష రాయేలా అవకాశం కల్పిస్తున్నారు. ఈ విధంగా గ్రామీణ ప్రాంతాల్లోని అభ్యర్థులు కూడా సులభంగా LLR పరీక్ష రాయగలుగుతున్నారు.
ఇంటి నుంచే పరీక్ష రాయే సౌకర్యం అందుబాటులోకి రావడంతో అభ్యర్థులు రవాణా కార్యాలయాలకు పలుమార్లు వెళ్లాల్సిన అవసరం తగ్గనుంది. సమయం, ఖర్చు రెండింటినీ ఆదా చేసుకునే అవకాశం కలుగుతుందని అధికారులు భావిస్తున్నారు. ఆన్లైన్ విధానం ద్వారా పరీక్ష ప్రక్రియ పారదర్శకంగా, వేగంగా పూర్తవుతుందని సంబంధిత విభాగం పేర్కొంటోంది.
