రాయలసీమ న్యూస్, ఎంటర్టైన్మెంట్ డెస్క్: కిరణ్ అబ్బవరం, శ్రీ గౌరీప్రియ జంటగా నటించిన ‘చెన్నై లవ్ స్టోరీ’ చిత్రం జూలై 24న థియేటర్లలో విడుదలై మంచి విజయాన్ని సాధించింది. SKN, సాయి రాజేష్, ధీరజ్ మొగిలినేని నిర్మాణంలో, రవి నంబూరి దర్శకత్వంలో రూపొందిన ఈ చిత్రం మొదటి షో నుంచే సానుకూల స్పందనను అందుకుంది. ప్రేక్షకులను భావోద్వేగభరిత కథతో కదిలించి, కిరణ్ అబ్బవరం కెరీర్లో మరో విజయవంతమైన చిత్రంగా నిలిచింది.
థియేటర్లలో ఈ సినిమా దాదాపు 60 కోట్ల గ్రాస్ వసూళ్లు సాధించినట్లు చిత్రబృందం తెలిపింది. ప్రేమ, హాస్యం, భావోద్వేగాల మేళవింపుతో చెన్నై నేపథ్యంగా సాగిన ఈ కథ ప్రేక్షకులను ఆకట్టుకుంది. థియేటర్లలో చూసిన ప్రేక్షకుల నుంచి వచ్చిన మంచి స్పందనతో, ఇప్పుడు ఈ చిత్రాన్ని మరింత విస్తృతమైన ప్రేక్షకుల ముందుకు తీసుకెళ్లేందుకు ఓటీటీ వేదికగా సోనీ లివ్ను ఎంచుకున్నారు.
‘చెన్నై లవ్ స్టోరీ’ ఆగస్టు 21 నుంచి సోనీ లివ్ ఓటీటీ వేదికపై స్ట్రీమింగ్ కానుంది. తెలుగు తో పాటు తమిళం, మలయాళం, కన్నడ, హిందీ భాషల్లో కూడా ఈ చిత్రం అందుబాటులోకి రానుంది. థియేటర్లలో ఈ సినిమాను చూడలేకపోయిన ప్రేక్షకులు ఇప్పుడు ఓటీటీలో తమ ఇష్టమైన భాషలో ఈ చిత్రాన్ని వీక్షించే అవకాశం పొందుతున్నారు.
ఓటీటీ స్ట్రీమింగ్ ప్రకటన సందర్భంగా హీరో కిరణ్ అబ్బవరం మీడియాతో మాట్లాడారు. ‘చెన్నై లవ్ స్టోరీ’ తనకు ఎంతో ప్రత్యేకమైన చిత్రమని, ఫస్ట్ లవ్కు సంబంధించిన అనుభూతులను ఈ సినిమా ఎంతో అందంగా ఆవిష్కరించిందని ఆయన అభిప్రాయపడ్డారు. సోనీ లివ్ ద్వారా ఈ చిత్రం వివిధ ప్రాంతాలు, భాషలకు చెందిన ప్రేక్షకుల ముందుకు రానుండటంతో, మరింత విస్తృతమైన ప్రేక్షకాదరణ పొందుతుందనే ఆశాభావం వ్యక్తమవుతోంది.
ఫస్ట్ లవ్తో ముడిపడిన అమాయకత్వం, ఉత్సాహం, భావోద్వేగాలను ఎంతో అందంగా చూపించిన సినిమా ‘చెన్నై లవ్ స్టోరీ’. ఈ సినిమా నాకు చాలా ప్రత్యేకమైనది. ఇప్పుడు ఈ సినిమా సోనీ లివ్ ద్వారా వివిధ ప్రాంతాలు, భాషలకు చెందిన ప్రేక్షకుల ముందుకు రాబోతుంది.
