రాయలసీమ న్యూస్, ఎంటర్‌టైన్‌మెంట్ డెస్క్: స్వాతంత్ర్య దినోత్సవం సందర్భంగా ఈ వారం సినిమా ప్రేక్షకులకు థియేటర్లు, ఓటీటీ వేదికలపై కొత్త చిత్రాలు, వెబ్‌ సిరీస్‌లు వరుసగా అందుబాటులోకి రానున్నాయి. ఆగస్టు 14, 15 తేదీలను కేంద్రంగా చేసుకుని మొత్తం 20 సినిమాలు, సిరీస్‌లు విడుదలకు సిద్ధమయ్యాయి. వీటిలో తెలుగు సినిమాలతో పాటు హిందీ, మరాఠీ, స్పానిష్‌ భాషల చిత్రాలు, అంతర్జాతీయ సిరీస్‌లు కూడా ఉన్నాయి.

ముందుగా థియేటర్ల విషయానికి వస్తే, ఆగస్టు 14న ఎనిమిది సినిమాలు ప్రేక్షకుల ముందుకు రానున్నాయి. వాటిలో అగధ, మకుటం, పళ్ళబరుసు, విశ్వనాథ్ అండ్ సన్స్, పాంచాలి పంచ బర్త్రుక వంటి చిత్రాలు ఉన్నాయి. ఇవన్నీ అదే రోజున విడుదలకు సిద్ధమయ్యాయి. హిందీలో అవరపన్ 2, అలాగే చారిత్రక నేపథ్యంతో రూపొందిన బట్వారా 1947 కూడా ఆగస్టు 14న థియేటర్లలోకి వస్తున్నాయి.

ఆగస్టు 15న మరో తెలుగు చిత్రం హుషారు పిట్టలు ప్రేక్షకులను పలకరించనుంది. స్వాతంత్ర్య దినోత్సవ సెలవులను దృష్టిలో పెట్టుకుని థియేటర్లలో విడుదలవుతున్న ఈ చిత్రాలు కుటుంబ ప్రేక్షకులను ఆకర్షించేలా ఉండాలని చిత్ర బృందాలు ఆశిస్తున్నాయి.

ఓటీటీ వేదికలపై కూడా ఈ వారం విడుదలల హంగామా కొనసాగనుంది. Netflixలో ఆగస్టు 11 నుంచి మౌరిన్హో వెబ్‌ సిరీస్‌ స్ట్రీమింగ్‌ కానుంది. ఆగస్టు 13 నుంచి భావోద్వేగాలతో కూడిన A చైల్డ్ అఫ్ మై ఓన్ డాక్యుమెంటరీ అందుబాటులోకి రానుంది. ఆగస్టు 14 నుంచి హిందీ రొమాంటిక్‌ డ్రామా కాక్టెయిల్ 2 స్ట్రీమింగ్‌ ప్రారంభం కానుంది. అలాగే మిడ్ వింటర్ బ్రేక్ , Rory Scovel – షో మస్ట్ గో ఆన్ కూడా ఈ వేదికలోనే ప్రేక్షకులకు అందుబాటులో ఉంటాయి.

అమెజాన్ ప్రైమ్ లో ఆగస్టు 12 నుంచి హాలీవుడ్‌ సిరీస్‌ Reacher సీజన్లో 4 స్ట్రీమింగ్‌ కానుంది. ఆగస్టు 13 నుంచి థ్రిల్లర్‌ సిరీస్‌ ది ట్రైటర్స్ సీజన్లో 2 ప్రేక్షకులను అలరించనుంది. డిస్నీ ప్లస్ హాట్ స్టార్ లో ఆగస్టు 10 నుంచి హౌస్ అఫ్ ది డ్రాగన్ సీజన్లో 3 ఫినాలే ప్రసారం అవుతోంది. ఆగస్టు 15 నుంచి యుద్ధ నేపథ్యంతో రూపొందిన సిరీస్‌ 108 బేస్ హాస్పిటల్ – Uri స్ట్రీమింగ్‌ కానుంది.

జీ 5లో ఆగస్టు 14 నుంచి హిందీ చిత్రం భారత్ భాగ్య విధాత , మరాఠీ చిత్రం నిబ్బా నిబ్బి స్ట్రీమింగ్‌ కానున్నాయి. ఆపిల్ TV ప్లస్ లో ఆగస్టు 12 నుంచి స్పానిష్‌ క్రైమ్‌ డ్రామా విమెన్ ఇన్ బ్లూ Season 2 ప్రేక్షకులకు అందుబాటులోకి రానుంది.

స్వాతంత్ర్య దినోత్సవ వారం కావడంతో థియేటర్లలో, ఓటీటీల్లో ఇలా వరుసగా విడుదలవుతున్న చిత్రాలు, సిరీస్‌లు ప్రేక్షకులకు విభిన్న జానర్లలో వినోదాన్ని అందించనున్నాయి. కుటుంబ కథలు, థ్రిల్లర్‌లు, క్రైమ్‌ డ్రామాలు, డాక్యుమెంటరీలు ఇలా అన్ని రకాల కంటెంట్‌ ఈ వారం ప్రేక్షకుల ముందుకు రానుండటంతో సినిమా ప్రేమికులు తమకు నచ్చిన వేదికలో, నచ్చిన కంటెంట్‌ను ఎంచుకునే అవకాశాన్ని పొందుతున్నారు.