రాయలసీమ న్యూస్, ఎంటర్టైన్మెంట్ డెస్క్: ఈ వారం తెలుగు ప్రేక్షకులకు థియేటర్లు, ఓటీటీ వేదికలపై సినిమాల సందడి గట్టిగానే ఉండబోతోంది. ముఖ్యంగా థియేటర్లలో చిన్న సినిమాలే ఎక్కువగా విడుదల కానుండగా, ఓటీటీలో మాత్రం మా ఇంటి బంగారం వంటి క్రేజీ సినిమాలు స్ట్రీమింగ్కు సిద్ధమయ్యాయి. జూలై 14 నుంచి 18 వరకు వివిధ తేదీల్లో మొత్తం 20 సినిమాలు, వెబ్సిరీస్లు ప్రేక్షకుల ముందుకు రానున్నాయి.
ముందుగా థియేటర్ల విషయానికి వస్తే, జూలై 17న ఒక్కరోజే ఏకంగా ఏడు కొత్త సినిమాలు ప్రేక్షకులను పలకరించనున్నాయి. ఓ సుకుమారి, రాజా ది రాజా, మిష్టర్ మిడిల్ క్లాస్, వదలా, ఆపరేషన్ అరుణారెడ్డి, ఒక కోర్ట్ కేస్ చిత్రాలు అదే రోజున విడుదల కానున్నాయి. ఇదే తేదీన ప్రముఖ దర్శకుడు రామ్ గోపాల్ వర్మ రూపొందించిన హిట్ చిత్రం రక్తచరిత్ర రీ–రిలీజ్ రూపంలో మళ్లీ థియేటర్లలోకి వస్తోంది.
జూలై 18న మరో చిన్న సినిమా వెంకట్రామయ్య గారి తాలూకా విడుదలకు సిద్ధమవుతోంది. ఇలా రెండు రోజుల్లో మొత్తం ఎనిమిది సినిమాలు థియేటర్లలో ప్రేక్షకుల ముందుకు రానుండటం విశేషం. పెద్ద సినిమాలు లేకపోయినా, విభిన్న జానర్లలో చిన్న, మధ్యతరహా చిత్రాలు ఎక్కువగా ఉండటం గమనార్హం.
ఓటీటీ వేదికలపై కూడా ఈ వారం విడుదలల హంగామా తక్కువేమీ కాదు. Jio Hotstarలో జూలై 17 నుంచి కుటుంబ కథా చిత్రంగా ప్రచారం పొందుతున్న మా ఇంటి బంగారం స్ట్రీమింగ్ కానుంది. అదే వేదికలో తమిళ సిరీస్ Second Love, అలాగే Wuthering Heights కూడా ప్రేక్షకులకు అందుబాటులోకి వస్తాయి. జూలై 16 నుంచి Ready Or Not 2 స్ట్రీమింగ్ ప్రారంభం కానుంది.
Amazon Prime Videoలో జూలై 14 నుంచి హారర్ థ్రిల్లర్గా చెప్పబడుతున్న Back Rooms, జూలై 15 నుంచి యాక్షన్ డ్రామా Ride Or Die స్ట్రీమింగ్కు వస్తాయి. అదనంగా Yamishi Bhai సిరీస్, జూలై 17 నుంచి Young Farts కూడా ప్రైమ్లో అందుబాటులో ఉండనున్నాయి.
Zee5లో జూలై 17 నుంచి Transfer Trimurtulu స్ట్రీమింగ్ ప్రారంభం కానుంది. Netflixలో అదే తేదీన 23 000 Leben, Hearts Topper Forever విడుదలకు సిద్ధమవుతుండగా, జూలై 18 నుంచి రొమాంటిక్ ఎంటర్టైనర్ Spooky In Love ప్రేక్షకులను అలరించనుంది.
ఇటీవలి వారాల్లో వరుసగా థియేటర్లు, ఓటీటీల్లో విడుదలల సంఖ్య పెరుగుతుండగా, ఈ వారం కూడా అదే ధోరణి కొనసాగుతోంది. పెద్ద స్టార్ సినిమాలు లేకపోయినా, విభిన్న భాషలు, జానర్లలో చిన్న సినిమాలు, వెబ్సిరీస్లు ఎక్కువగా ఉండటంతో ప్రేక్షకులకు ఎంపికల పరంగా మంచి అవకాశాలు లభిస్తున్నాయి.
