రాయలసీమ న్యూస్, ఎంటర్టైన్మెంట్ డెస్క్:
వరుస విజయాల జోష్లో నార్నే నితిన్ కొత్త రొమాంటిక్ ఎంటర్టైనర్ #NN5 ప్రారంభం
యువ హీరో నార్నే నితిన్ కెరీర్ ప్రస్తుతం జెట్ స్పీడ్లో దూసుకుపోతోంది. వరుసగా మూడు విజయాలు సాధించిన ఆయన, ఇప్పుడు మరో క్రేజీ ప్రాజెక్ట్తో ప్రేక్షకుల ముందుకు రావడానికి సిద్ధమవుతున్నారు. ఇప్పటికే యువతలో మంచి క్రేజ్ను సంపాదించుకున్న నార్నే నితిన్, మరోసారి యూత్ను ఆకట్టుకునే రొమాంటిక్ ఎంటర్టైనర్తో అలరించబోతున్నారు.
#NN5 వర్కింగ్ టైటిల్తో రూపొందుతున్న ఈ చిత్రాన్ని దర్శకుడు రాధా కృష్ణ రెడ్డి తెరకెక్కిస్తున్నారు. ప్రముఖ నిర్మాణ సంస్థ KVN ప్రొడక్షన్స్ ఈ సినిమాను అత్యంత ప్రతిష్టాత్మకంగా నిర్మిస్తోంది. కొద్ది రోజుల క్రితం విడుదలైన అనౌన్స్మెంట్ పోస్టర్కు మంచి స్పందన లభించడంతో సినిమాపై అంచనాలు మరింతగా పెరిగాయి.
పూజా కార్యక్రమాలతో ఈ ప్రాజెక్ట్ అధికారికంగా ప్రారంభం కావడంతో చిత్రబృందం పూర్తి స్థాయిలో షూటింగ్కు సిద్ధమవుతోంది. యువతను ఆకట్టుకునే ప్రేమకథతో పాటు వినోదానికి పెద్దపీట వేసేలా ఈ చిత్రాన్ని రూపొందిస్తున్నట్లు సమాచారం. రొమాన్స్, ఎంటర్టైన్మెంట్కి సమాన ప్రాధాన్యం కలిగేలా స్క్రిప్ట్ను సిద్ధం చేసినట్లు చిత్ర వర్గాలు తెలియజేస్తున్నాయి.
ఈ చిత్రంలో నార్నే నితిన్ సరసన ఇద్దరు హీరోయిన్లు నటిస్తున్నారు. ‘బుట్ట బొమ్మ’ సినిమాతో తెలుగు ప్రేక్షకులకు పరిచయమైన అనేక సురేంద్రన్ మరోసారి టాలీవుడ్ లో తన అదృష్టాన్ని పరీక్షించుకోనున్నారు. మరోవైపు కన్నడ చిత్రసీమలో మంచి గుర్తింపు పొందిన మేఘ శెట్టి ఈ సినిమాతో తెలుగు సినీ పరిశ్రమలో అడుగుపెడుతున్నారు. ఇద్దరు హీరోయిన్ల పాత్రలు కూడా కథలో కీలకంగా ఉండనున్నాయని సమాచారం.
సినీ ప్రముఖుల సమక్షంలో ఈరోజు ఈ సినిమా ప్రారంభోత్సవం జరిగింది. నిర్మాత వెంకట్ K. నారాయణ తొలి క్లాప్ కొట్టగా, ప్రముఖ సినిమాటోగ్రాఫర్ సెంథిల్ కుమార్ కెమెరాను స్విచ్ ఆన్ చేశారు. దర్శకుడు కళ్యాణ్ శంకర్ తొలి షాట్కు దర్శకత్వం వహించారు. అనంతరం నిర్మాత స్క్రిప్ట్ను దర్శకుడు రాధా కృష్ణ రెడ్డికి అందించి షూటింగ్ను అధికారికంగా ప్రారంభించారు.
నార్నే నితిన్ వరుస విజయాల తర్వాత వస్తున్న సినిమా కావడంతో ఈ ప్రాజెక్ట్పై ట్రేడ్ వర్గాల్లో కూడా ఆసక్తి నెలకొంది. ఇటీవల యువ హీరోల చిత్రాలకు ప్రేక్షకుల నుంచి మంచి ఆదరణ లభిస్తున్న నేపథ్యంలో, #NN5 కూడా అదే జోరును కొనసాగిస్తుందనే ఆశాభావం వ్యక్తమవుతోంది.
