రాయలసీమ న్యూస్, ఇంటర్నేషనల్ డెస్క్:
విమానంలో భయానక క్షణాలు.. నెతన్యాహుకు వివరించిన ప్లై దుబాయ్‌ కెప్టెన్‌ స్మిత్‌ మచ్చర్‌
ఇజ్రాయెల్‌లో ఇటీవల చోటుచేసుకున్న విమాన ఘటనలో ప్రాణాపాయం నుంచి బయటపడిన ప్లై దుబాయ్‌ పైలట్‌ కెప్టెన్‌ స్మిత్‌ మచ్చర్‌ తన అనుభవాన్ని ఇజ్రాయెల్‌ ప్రధాని నెతన్యాహుకు వివరించారు. విమానంలో కో పైలట్‌ అకస్మాత్తుగా తనపై దాడి చేసిన విధానం, ఆ తర్వాత జరిగిన పరిణామాల గురించి ఆయన వివరంగా చెప్పినట్లు సమాచారం.
కెప్టెన్‌ స్మిత్‌ మచ్చర్‌ తెలిపిన వివరాల ప్రకారం, విమానం సాధారణంగా ప్రయాణిస్తుండగా కో పైలట్‌ ముందుగా ప్రార్థన చేసినట్లు చెప్పారు. ఆ తర్వాత వెనుక నుంచి తనపై దాడికి దిగినట్లు ఆయన వివరించారు. తొలి దెబ్బకే తనకు దాదాపు చూపు కోల్పోయినట్లు ఆయన చెప్పినట్లు తెలుస్తోంది.
అకస్మాత్తుగా జరిగిన ఈ దాడితో విమానం నియంత్రణ తప్పే పరిస్థితి ఏర్పడిందని, విమానం కిందికి పడిపో తుందని గ్రహించినట్లు కెప్టెన్‌ వివరించినట్లు సమాచారం. ఈ పరిస్థితిలో కాక్పిట్‌ డోర్‌ తెరవడానికి ప్రయత్నించినట్లు, అయితే కో పైలట్‌ ఆ ప్రయత్నాన్ని అడ్డుకున్నాడని ఆయన చెప్పినట్లు తెలుస్తోంది.
కెప్టెన్‌ స్మిత్‌ మచ్చర్‌ వివరణ ప్రకారం, మొదటి ప్రయత్నంలో విఫలమైన తర్వాత అతికష్టం మీద మళ్లీ ప్రయత్నించి కాక్పిట్‌ డోర్‌ తెరిచినట్లు తెలిపారు. ఆ తర్వాత విమానంలో ఉన్న ప్రయాణికులు చేసిన చర్యల గురించి కూడా ఆయన నెతన్యాహుకు వివరించినట్లు సమాచారం.
ప్రయాణికులు ఆ సమయంలో ఎలా స్పందించారో, పరిస్థితిని ఎలా అదుపులోకి తెచ్చారో గురించి కెప్టెన్‌ వివరించగా, ఆ వివరాలు అధికారికంగా పూర్తిగా వెల్లడించలేదు. అయితే, విమానంలో ఉన్నవారి సహకారంతోనే పెద్ద ప్రమాదం తప్పిందని అధికార వర్గాలు సూచిస్తున్నాయి.
ఈ ఘటనపై ఇజ్రాయెల్‌ అధికారులు దర్యాప్తు కొనసాగిస్తున్నారు. కో పైలట్‌ ప్రవర్తన, దాడి వెనుక ఉన్న కారణాలు, భద్రతా లోపాలపై విచారణ జరుగుతోంది. విమాన భద్రతా ప్రమాణాలపై మరోసారి చర్చ మొదలైంది.
