రాయలసీమ న్యూస్, ఇంటర్నేషనల్ డెస్క్:
మూడేళ్లకు పైగా కోమాలో ఉన్న థాయ్ ప్రిన్సెస్ బాజ్రకితీయభా మృతి
థాయ్‌లాండ్ రాజ కుటుంబానికి చెందిన ప్రిన్సెస్ బాజ్రకితీయభా మృతి చెందారు. మూడు సంవత్సరాలకు పైగా కోమాలో ఉన్న ఆమె మరణించినట్లు థాయ్ రాజభవనం ప్రకటించింది. ఆమె వయసు 47 సంవత్సరాలు.2022 డిసెంబర్‌లో కుక్కలను వ్యాయామానికి తీసుకెళ్లిన సమయంలో ప్రిన్సెస్ బాజ్రకితీయభా అకస్మాత్తుగా కుప్పకూలారు. ఆమెకు గుండెలో ఏర్పడిన మైకోప్లాస్మా సంక్రమణ వల్ల గుండె స్పందన తీవ్రంగా అసమానంగా మారడం దీనికి కారణమని వైద్యులు నిర్ధారించారు.
శుక్రవారం ఉదయం విడుదల చేసిన ప్రకటనలో రాజభవనం, ఆమెకు చికిత్స అందించిన వైద్య బృందం చేసిన ప్రయత్నాల గురించి వివరించింది. ఆమె గురువారం సాయంత్రం చులలోంగ్కోర్న్ హాస్పిటల్ లో మరణించినట్లు తెలిపింది.
“The medical team provided the closest and most intensive care possible, but her condition continued to decline progressively,”
అని రాజభవనం ప్రకటనలో పేర్కొంది. స్థానిక కాలమానం ప్రకారం సాయంత్రం 19:48 గంటలకు, GMT ప్రకారం 12:48 గంటలకు ఆమె ప్రాణాలు కోల్పోయినట్లు వెల్లడించింది.
కింగ్ వాజిరాలోంగ్కోర్న్ కు జన్మించిన ఏడుగురు సంతానంలో ప్రిన్సెస్ బాజ్రకితీయభా పెద్ద కుమార్తె. 1978 డిసెంబర్ 7న ఆయన మొదటి భార్య, తన బంధువైన ప్రిన్సెస్ సోమశవాళీ కి ఆమె జన్మించారు. ఆమె మరణంతో థాయ్ రాజ కుటుంబం అత్యంత ప్రతిభావంతురాలిగా, ప్రజల్లో స్పష్టమైన గుర్తింపు పొందిన సభ్యురాలిని కోల్పోయింది. ఇంకా స్పష్టత లేని రాజ్య వారసత్వ వ్యవస్థలో కీలక పాత్ర పోషించే అవకాశమున్న వ్యక్తిగా ఆమెను పరిగణించారు.
న్యాయశాస్త్రంలో శిక్షణ పొందిన ప్రిన్సెస్ బాజ్రకితీయభా , అమెరికాలోని కార్నెల్ యూనివర్సిటీ లో రెండు పోస్ట్- గ్రాడ్యుయేట్ పట్టాలు సాధించారు. అనంతరం న్యూ యార్క్ లోని యునైటెడ్ నేషన్స్ లో థాయ్ మిషన్ లో కొంతకాలం పనిచేశారు. ఆ తర్వాత బెంగకొక లోని ఆత్తోర్న్య్ - జనరల్ కార్యాలయం సహా దేశంలోని పలు ప్రాంతాల్లో ఆ సంస్థలోనే సేవలందించారు.
2012 నుండి 2014 వరకు ఆమె ఆస్ట్రియా లో థాయిలాండ్ రాయబారిగా పనిచేశారు. ఆ సమయంలో యునైటెడ్ నేషన్స్ ఆఫీస్ ఆన్ డ్రగ్స్ అండ్ క్రైమ్ తో సన్నిహిత సంబంధాలు ఏర్పరుచుకున్నారు. జైలు వ్యవస్థలో సంస్కరణల అవసరంపై, ముఖ్యంగా జైళ్లలోకి వెళ్లే సున్నిత వర్గాల మహిళల పరిస్థితిపై ఆమె బహిరంగంగా మాట్లాడడం ప్రారంభించారు. మహిళా ఖైదీల సంఖ్య ప్రపంచంలోనే అత్యధికంగా ఉన్న దేశాల్లో థాయిలాండ్ ఒకటిగా నిలుస్తోంది.
తర్వాత థాయిలాండ్ కు తిరిగి వచ్చిన ఆమెను UNODC, సౌత్ ఈస్ట్ ఆసియ లో రూల్ అఫ్ లా కోసం అంబాసిడర్ గా నియమించింది. చిన్న స్థాయి మత్తు పదార్థాల కేసుల్లోనూ తీవ్ర శిక్షలు విధించే థాయిలాండ్ క్రిమినల్ న్యాయ వ్యవస్థలో సంస్కరణల కోసం ఆమె నిరంతరం కృషి చేశారు.
2021లో కింగ్ వాజిరాలోంగ్కోర్న్ తన ప్రైవేట్ బాడీగార్డ్ విభాగంలో ఆమెను చీఫ్ అఫ్ స్టాఫ్ గా నియమించి, జనరల్ హోదా ఇచ్చారు. ప్రిన్సెస్ బాజ్రకితీయభా శారీరక దృఢత్వంపై ప్రత్యేక శ్రద్ధ పెట్టే వ్యక్తిగా, దీర్ఘదూర పరుగు పోటీల్లో తరచూ పాల్గొనేవారిగా కూడా ప్రసిద్ధి చెందారు.
ఆమె ప్రతిభ, తండ్రి ఆమెపై ఉంచిన నమ్మకం కారణంగా రాజ్య వారసత్వంపై జరుగుతున్న ఊహాగానాల్లో ప్రిన్సెస్ బాజ్రకితీయభా పేరు తరచూ వినిపించేది. 73 ఏళ్ల కింగ్ వాజిరాలోంగ్కోర్న్ ఇప్పటివరకు వారసుడిని అధికారికంగా ప్రకటించలేదు. థాయ్ సంప్రదాయం ప్రకారం వారసుడు పురుషుడై ఉండాలి. అయితే 1974లో రాజ్యాంగంలో చేసిన సవరణ ప్రకారం మహిళ కూడా సింహాసనం అధిరోహించే అవకాశం ఉంది.
రాజుకు ఐదుగురు కుమారులు ఉన్నారు. రెండో వివాహం ద్వారా పుట్టిన నలుగురు కుమారులను 1996లో ఆయన త్యజించారు. అప్పటి నుంచి వారు తమ తల్లితో కలిసి అమెరికాలో నివసిస్తున్నారు. మూడో భార్య ద్వారా పుట్టిన కుమారుడు దీపఙ్కర్న్ ప్రస్తుతం భావితర రాజుగా పరిగణించబడుతున్నప్పటికీ, రాజ్య వ్యవస్థకు ఉన్న ప్రాధాన్యం దృష్ట్యా ఆయన ఆ బాధ్యతలు నిర్వర్తించే సామర్థ్యంపై ప్రశ్నలు లేవనెత్తబడ్డాయి.
చాలా మంది థాయ్ రాజభక్తుల దృష్టిలో ప్రిన్సెస్ బాజ్రకితీయభా , తన తండ్రికి వారసురాలిగా, లేదా ప్రిన్స్ దీపఙ్కర్న్ కు సహాయపడే రీజెంట్ గా అత్యంత ఆశాజనక వ్యక్తిగా కనిపించారు. ఆమె మరణంతో థాయిలాండ్ లో రాజ్య వారసత్వంపై ప్రశ్నలు మళ్లీ ముందుకు వచ్చాయి. అయితే దేశంలో అమల్లో ఉన్న కఠినమైన లెస్ మేజిస్ట్రేట్ చట్టాల కారణంగా ఈ అంశంపై బహిరంగ చర్చ దాదాపు అసాధ్యంగా మారింది.
