రాయలసీమ న్యూస్, కర్నూలు: కర్నూలు: నగరపాలక సంస్థ కార్యాలయంలో ఏపీడీపీఎంఎస్ హెల్ప్డెస్క్ను గురువారం కమిషనర్ చల్లా ఓబులేసు ప్రారంభించారు. భవన నిర్మాణ అనుమతులు, డీపీఎంఎస్కు సంబంధించిన సమస్యలను ఒకేచోట పరిష్కరించడంతో పాటు దరఖాస్తుల పరిశీలన, అనుమతి ప్రక్రియను వేగవంతం చేయడం లక్ష్యంగా ఈ హెల్ప్డెస్క్ను ఏర్పాటు చేసినట్లు కమిషనర్ తెలిపారు.
డీపీఎంఎస్ వ్యవస్థ ద్వారా భవన అనుమతుల మంజూరు, సంబంధిత సాంకేతిక పరిశీలన, పత్రాల ధృవీకరణ వంటి పనులు జరుగుతున్న నేపథ్యంలో, దరఖాస్తుదారులు ఎదుర్కొంటున్న ఇబ్బందులను తగ్గించేందుకు హెల్ప్డెస్క్ ఉపయోగపడుతుందని కమిషనర్ పేర్కొన్నారు. భవన యజమానులు, దరఖాస్తుదారులు, ఆర్కిటెక్ట్లు, ఎల్టీపీలు డీపీఎంఎస్కు సంబంధించిన సమస్యల పరిష్కారం కోసం హెల్ప్డెస్క్ సేవలను వినియోగించుకోవాలని ఆయన సూచించారు.
దరఖాస్తుల పరిశీలన, సంబంధిత పనులు త్వరితగతిన పూర్తయ్యేలా హెల్ప్డెస్క్ ద్వారా అవసరమైన సహాయాన్ని అందించే విధంగా ఏర్పాట్లు చేసినట్లు కమిషనర్ వివరించారు. దరఖాస్తు దశల వారీగా అవసరమైన సమాచారం, మార్గదర్శకాలు, సాంకేతిక సూచనలు హెల్ప్డెస్క్ ద్వారా అందుబాటులో ఉంటాయని తెలిపారు.
ఈ సందర్భంగా మున్సిపల్ కార్యాలయంలో హెల్ప్డెస్క్ వద్ద అవసరమైన సిబ్బంది, కంప్యూటర్ సదుపాయాలు, డీపీఎంఎస్కు సంబంధించిన డేటా యాక్సెస్ వంటి ఏర్పాట్లు చేసినట్లు అధికారులు పేర్కొన్నారు. దరఖాస్తుదారులు ప్రత్యక్షంగా హెల్ప్డెస్క్ను సంప్రదించడంతో పాటు, అవసరమైతే సంబంధిత అధికారులతో సమన్వయం చేసి సమస్యల పరిష్కారం చేపడతారని తెలిపారు.
కార్యక్రమంలో ఇంచార్జీ డిసిపి శబ్నం శాస్ర్తీ, పట్టణ ప్రణాళిక అధికారి అంజాద్ బాష, సూపరింటెండెంట్ సుబ్బన్న, తదితరులు పాల్గొన్నారు. హెల్ప్డెస్క్ ప్రారంభంతో నగరపాలక సంస్థ పరిధిలో భవన అనుమతుల మంజూరు ప్రక్రియ మరింత సులభతరం కానుందని అధికారులు ఆశాభావం వ్యక్తం చేశారు.
