రాయలసీమ న్యూస్, వై.యస్.ఆర్: కడప జిల్లా ప్రొద్దుటూరు పెన్నానగర్లో ఆగస్టు 28, 2026న ఉదయం విస్తృత కార్డన్ సెర్చ్ ఆపరేషన్ నిర్వహించినట్లు పోలీసులు తెలిపారు. ప్రొద్దుటూరు ఒకటవ పట్టణ పోలీస్ స్టేషన్ పరిధిలో ఈ ఆపరేషన్ను ఉదయం 4.30 గంటల నుంచి 7 గంటల వరకు చేపట్టారు.
ప్రొద్దుటూరు ASP విభు కృష్ణ IPS తెలిపారు कि ప్రజల శాంతిభద్రతలకు విఘాతం కలిగించే అసాంఘిక కార్యకలాపాలపై పోలీస్ శాఖ ఉక్కుపాదం మోపుతోందని చెప్పారు. కడప జిల్లా SP రాజశ్రీ నచికేత్ విశ్వనాథ్ IPS ఆదేశాల మేరకు, ASP విభు కృష్ణ IPS ఆధ్వర్యంలో ప్రొద్దుటూరు సబ్ డివిజన్ పరిధిలోని అధికారులు, సిబ్బంది కలిసి పెన్నానగర్లో కార్డన్ అండ్ సెర్చ్ ఆపరేషన్ నిర్వహించారు.
ప్రజల భద్రత, శాంతిభద్రతల పరిరక్షణకు అత్యంత ప్రాధాన్యత ఇస్తున్నామని, అక్రమ మద్యం, గంజాయి మరియు ఇతర మాదకద్రవ్యాల అక్రమ రవాణా, పేకాట, బెట్టింగ్, రౌడీయిజం, అక్రమ కార్యకలాపాలు తదితర చట్టవిరుద్ధ చర్యలను ఎట్టి పరిస్థితుల్లోనూ సహించబోమని ASP విభు కృష్ణ స్పష్టం చేశారు.
అసాంఘిక కార్యకలాపాలకు పాల్పడే వ్యక్తులపై నిరంతరం నిఘా కొనసాగిస్తూ, అందిన సమాచారం మేరకు ప్రత్యేక తనిఖీలు, దాడులు నిర్వహిస్తున్నామని ఆయన తెలిపారు. చట్టాన్ని ఉల్లంఘించే వ్యక్తులు ఎంతటి వారైనా, వారి స్థాయి, హోదాతో సంబంధం లేకుండా చట్టప్రకారం కఠిన చర్యలు తీసుకుంటామని హెచ్చరించారు.
ముఖ్యంగా యువత మాదకద్రవ్యాలు మరియు ఇతర అసాంఘిక కార్యకలాపాలకు దూరంగా ఉండాలని, తల్లిదండ్రులు తమ పిల్లల ప్రవర్తనపై ప్రత్యేక శ్రద్ధ వహించాలని ASP సూచించారు. ప్రజలు తమ పరిసరాల్లో జరుగుతున్న అసాంఘిక లేదా అనుమానాస్పద కార్యకలాపాలపై పోలీసులకు సమాచారం అందించాలని, సమాచారం అందించే వారి వివరాలను గోప్యంగా ఉంచుతామని ఆయన తెలిపారు.
“ప్రజల భద్రత విషయంలో రాజీ లేదు. శాంతిభద్రతలకు విఘాతం కలిగించే అసాంఘిక శక్తులపై చట్టపరంగా కఠిన చర్యలు తప్పవు” అని విభు కృష్ణ IPS గారు స్పష్టం చేశారు.
ఈ ఆపరేషన్లో భాగంగా Suspects Sheeters, అసాంఘిక కార్యకలాపాలకు పాల్పడుతున్న వారి ఇళ్లను గుర్తించి తనిఖీలు నిర్వహించారు. అదేవిధంగా 28 మోటార్ వాహనాలను పోలీసులు స్వాధీనం చేసుకున్నారు.
ఈ కార్డన్ సెర్చ్ ఆపరేషన్లో T.V. కొండారెడ్డి, CI ప్రొద్దుటూరు I Town PSతో పాటు ఇతర పోలీసు సిబ్బంది పాల్గొన్నారు. పెన్నానగర్ పరిసరాల్లో శాంతిభద్రతల పరిరక్షణ, చట్టవిరుద్ధ కార్యకలాపాల నిర్మూలన లక్ష్యంగా ఈ చర్యలు కొనసాగుతున్నాయని పోలీసు వర్గాలు పేర్కొన్నాయి.
