రాయలసీమ న్యూస్, వై.యస్.ఆర్: ప్రొద్దుటూరు నియోజకవర్గంలో పేదలకు ముఖ్యమంత్రి సహాయనిధి ద్వారా ఆర్థిక భరోసా కల్పించే కార్యక్రమం కొనసాగుతోంది. ప్రొద్దుటూరు తెలుగు దేశం పార్టీ కార్యాలయంలో నిర్వహించిన కార్యక్రమంలో నియోజకవర్గానికి సంబంధించిన 30వ విడతగా 53 మంది లబ్ధిదారులకు మొత్తం 52.62 లక్షల రూపాయల ముఖ్యమంత్రి సహాయనిధి చెక్కులను పంపిణీ చేశారు. ఈ కార్యక్రమంలో నంద్యాల వరదరాజుల రెడ్డి ఎమ్మెల్యే పాల్గొని లబ్ధిదారులకు చెక్కులను అందజేశారు.
కూటమి ప్రభుత్వం ఏర్పడి రెండు సంవత్సరాల కాలంలో CM రిలీఫ్ ఫండ్ పంపిణీ కార్యక్రమంలో ప్రొద్దుటూరు నియోజకవర్గం రాష్ట్రవ్యాప్తంగా రెండో, మూడో స్థానాల్లో నిలుస్తోందని ఎమ్మెల్యే వరదరాజుల రెడ్డి తెలిపారు. ప్రొద్దుటూరు నియోజకవర్గానికి సంబంధించి ఇప్పటి వరకు మొత్తం 1,355 మందికి సుమారు 11,87,70,589 రూపాయల ముఖ్యమంత్రి సహాయనిధి చెక్కులను పంపిణీ చేసినట్లు ఆయన వివరించారు.
రాష్ట్రంలోని ప్రతి పౌరుడికి మెరుగైన వైద్య సదుపాయాలు అందించేందుకు కూటమి ప్రభుత్వం చిత్తశుద్ధితో పనిచేస్తోందని ఎమ్మెల్యే వరదరాజుల రెడ్డి పేర్కొన్నారు. వైద్య ఆరోగ్య రంగాలకు ప్రభుత్వం భారీగా నిధులు కేటాయించి పేదలకు అండగా నిలుస్తోందని ఆయన చెప్పారు.
పేదలకు మెరుగైన వైద్యం అందించే లక్ష్యంతో కూటమి ప్రభుత్వం ముందుకు సాగుతోందని ఎమ్మెల్యే వరదరాజుల రెడ్డి తెలియజేశారు. ఎలాంటి చికిత్స తీసుకున్నా అందుకు ముఖ్యమంత్రి సహాయనిధి నుంచి ఆర్థిక సాయం అందించి కుటుంబాలకు భరోసాగా ఉంటున్నామని ఆయన అన్నారు.
ప్రజలకు అండగా నిలుస్తూ అవసరమైన ఆర్థిక భరోసా కల్పించడం కూటమి ప్రభుత్వ చిత్తశుద్ధికి నిదర్శనమని ఎమ్మెల్యే వరదరాజుల రెడ్డి పేర్కొన్నారు. సీఎం సహాయనిధి ద్వారా పేద కుటుంబాలు వైద్య ఖర్చుల భారాన్ని తగ్గించుకోవడానికి ఈ నిధులు ఉపయోగపడుతున్నాయని ఆయన అభిప్రాయపడ్డారు.
ఈ కార్యక్రమంలో మాజీ MPP నంద్యాల రాఘవరెడ్డి, మాజీ MLC బచ్చల పుల్లయ్య, రాష్ట్ర విశ్వ బ్రాహ్మణ సంక్షేమ డైరెక్టర్ శ్రీనివాసాచారి, TDP కడప పార్లమెంట్ అధికార ప్రతినిధి ఘంటసాల వెంకటేశ్వర్లు, TDP పట్టణ అధ్యక్షుడు చల్లా రాజగోపాల్ యాదవ్, మాజీ మున్సిపల్ వైస్ చైర్మన్ వెంకటకొండయ్య తదితరులు పాల్గొన్నారు.
