రాయలసీమ న్యూస్, వై.యస్.ఆర్: ప్రొద్దుటూరు పురపాలక సంఘం చేపడుతున్న పౌర సేవల మెరుగుదల చర్యలకు ప్రజల నుంచి సానుకూల స్పందన లభిస్తోంది. రాష్ట్ర ప్రభుత్వం IVRS విధానం ద్వారా సెప్టెంబర్ నెలకు సంబంధించి ప్రజల నుంచి నేరుగా సేకరించిన నివేదిక ప్రకారం పబ్లిక్ పాజిటివ్ పెర్చెప్తిఒన్ విభాగంలో వైఎస్ఆర్ కడప జిల్లా స్థాయిలో ప్రొద్దుటూరు పురపాలక సంఘం అగ్రస్థానంలో నిలిచింది.

జాయింట్ కలెక్టర్ మరియు ప్రొద్దుటూరు పురపాలక సంఘం ప్రత్యేక అధికారి శ్రీమతి నిధి మీనా, IAS మార్గదర్శకత్వం, పరిపాలనా పర్యవేక్షణతో పాటు మున్సిపల్ కమిషనర్ తూతిక శ్రీనివాస విశ్వనాథ్ నేతృత్వంలో అధికారులు, సిబ్బంది సమన్వయంతో పనిచేస్తూ పౌర సేవల నాణ్యతను పెంపొందించేందుకు కృషి చేస్తున్నారు. ప్రజలకు అందించే సేవల్లో పారదర్శకత, జవాబుదారీతనం, సమర్థవంతమైన పర్యవేక్షణకు ప్రాధాన్యతనిస్తూ పట్టణ ప్రజల సమస్యల పరిష్కారానికి ప్రత్యేక చర్యలు చేపడుతున్నారు.

కమిషనర్ బాధ్యతలు స్వీకరించిన అనంతరం గత రెండు నెలలుగా పారిశుధ్య నిర్వహణ, తాగునీటి సరఫరా, రోడ్ల నిర్వహణ, వీధి దీపాల మరమ్మతులు, ఇంటింటి చెత్త సేకరణ, ప్రజా ఫిర్యాదుల పరిష్కారం వంటి కీలక అంశాలపై ప్రత్యేక దృష్టి సారించారు. క్షేత్రస్థాయిలో పర్యటిస్తూ పరిస్థితులను పరిశీలించడం, సంబంధిత అధికారులకు అవసరమైన సూచనలు ఇవ్వడం, ప్రజల నుంచి వచ్చే ఫిర్యాదులపై స్పందించడం వంటి చర్యలు ప్రజా సేవల మెరుగుదలకు దోహదపడుతున్నాయి.

జాయింట్ కలెక్టర్ మరియు ప్రత్యేక అధికారి శ్రీమతి నిధి మీనా సహకారం, కమిషనర్ పర్యవేక్షణ, సంబంధిత విభాగాల అధికారులు, సిబ్బంది సమష్టి కృషి ఫలితంగా ప్రజల నుంచి లభిస్తున్న సానుకూల స్పందన పురపాలక సంఘానికి మరింత ప్రోత్సాహాన్నిస్తోంది.

ప్రజల సమస్యలను నేరుగా తెలుసుకుని, వారి అభిప్రాయాలు, సూచనలకు ప్రాధాన్యతనిస్తూ పరిష్కార మార్గాలను చూపేందుకు ప్రతి సోమవారం నిర్వహిస్తున్న “కమిషనర్‌తో ముఖాముఖి” కార్యక్రమం ప్రత్యేక ప్రాధాన్యత సంతరించుకుంది. ఈ కార్యక్రమం ద్వారా ప్రజలు తమ సమస్యలను నేరుగా కమిషనర్ దృష్టికి తీసుకువచ్చే అవకాశం పొందుతున్నారు. సమస్యల స్వభావాన్ని పరిశీలించి సంబంధిత అధికారులకు తగిన ఆదేశాలు జారీ చేస్తూ వాటి పరిష్కారానికి చర్యలు తీసుకుంటున్నారు.

ప్రజలకు అందుబాటులో ఉండే పాలన, ఫిర్యాదులపై సత్వర స్పందన, అధికారుల మధ్య సమన్వయం, పౌర సేవలపై నిరంతర పర్యవేక్షణకు ప్రాధాన్యత ఇవ్వడం ద్వారా పురపాలక సేవల పట్ల ప్రజల్లో విశ్వాసాన్ని మరింత పెంపొందించేందుకు ప్రయత్నాలు కొనసాగుతున్నాయి. ప్రజా సమస్యలకు ప్రాధాన్యతనిస్తూ, క్షేత్రస్థాయి అవసరాలకు అనుగుణంగా సేవలను మెరుగుపరచడం ద్వారా ప్రజల సంతృప్తిని పెంచడమే లక్ష్యంగా పురపాలక సంఘం ముందుకు సాగుతోంది.

ప్రభుత్వం IVRS విధానం ద్వారా సేకరించిన ప్రజాభిప్రాయాల ప్రకారం నాలుగు ప్రధాన పౌర సేవల్లో ప్రొద్దుటూరు పురపాలక సంఘం పనితీరు ఇలా ఉంది: వీధి దీపాల నిర్వహణలో 81.08 శాతం మంది సేవలు సంతృప్తికరంగా ఉన్నాయని అభిప్రాయపడి జిల్లాలో మొదటి స్థానం లభించింది. రోడ్ల నిర్వహణలో తమ నివాస ప్రాంతాల్లో రోడ్లు గుంతలు లేకుండా సక్రమంగా ఉన్నాయని 60.31 శాతం మంది స్పందించగా, ఈ విభాగంలోనూ జిల్లా స్థాయిలో మొదటి స్థానంలో నిలిచింది.

ఇంటింటి చెత్త సేకరణలో పురపాలక పారిశుధ్య సిబ్బంది ప్రతిరోజూ ఇంటింటికీ వచ్చి చెత్త సేకరిస్తున్నారని 89.01 శాతం మంది ప్రజలు తెలియజేయగా, ఈ విభాగంలో జిల్లా స్థాయిలో రెండో స్థానాన్ని సాధించింది. తాగునీటి సరఫరాలో పురపాలక సంఘం అందిస్తున్న తాగునీరు తాగడానికి అనుకూలంగా ఉందని 76.37 శాతం మంది అభిప్రాయపడి, ఈ విభాగంలోనూ రెండో స్థానంలో నిలిచింది. ఈ ఫలితాలు పౌర సేవల పట్ల ప్రజల అభిప్రాయాలను ప్రతిబింబించడమే కాకుండా, మరింత మెరుగైన సేవలు అందించేందుకు పురపాలక సంఘానికి బాధ్యతను, ప్రోత్సాహాన్ని కలిగిస్తున్నాయి.

జాయింట్ కలెక్టర్ మరియు ప్రత్యేక అధికారి శ్రీమతి నిధి మీనా, IAS సహకారం, మార్గదర్శకత్వం పురపాలక పరిపాలనలో సమన్వయాన్ని పెంపొందించేందుకు దోహదపడుతోంది. ప్రజలకు అందించే సేవల నాణ్యతను మెరుగుపరచడం, పట్టణ సమస్యల పరిష్కారానికి ప్రాధాన్యత ఇవ్వడం, వివిధ విభాగాల పనితీరును సమర్థవంతంగా పర్యవేక్షించడం వంటి అంశాల్లో అధికారులు సమష్టిగా పనిచేస్తున్నారు. ప్రజల నుంచి అందే అభిప్రాయాలను సేవల మెరుగుదలకు ఉపయోగించుకుంటూ లోపాలను గుర్తించి సరిదిద్దుకోవడం, మెరుగైన ఫలితాలు సాధించిన విభాగాలను ప్రోత్సహించడం, మిగిలిన సేవల్లోనూ ప్రజల సంతృప్తిని పెంచడం వంటి అంశాలపై పురపాలక సంఘం దృష్టి సారిస్తోంది.

ఈ నేపథ్యంలో ప్రజల నుంచి లభిస్తున్న సానుకూల స్పందన మరింత బాధ్యతతో పనిచేసేందుకు పురపాలక యంత్రాంగానికి ఉత్సాహాన్నిస్తోందని మున్సిపల్ కమిషనర్ తూతిక శ్రీనివాస విశ్వనాథ్ పేర్కొన్నారు. జాయింట్ కలెక్టర్ మరియు ప్రత్యేక అధికారి శ్రీమతి నిధి మీనా, IAS సహకారం, మార్గదర్శకత్వంతో పాటు పురపాలక అధికారులు, సిబ్బంది సమష్టి కృషి ప్రజలకు మెరుగైన సేవలు అందించడంలో కీలకమని ఆయన అభిప్రాయపడ్డారు.

“ప్రజల సంతృప్తే మా పనితీరుకు అసలైన కొలమానం. ప్రభుత్వం IVRS విధానం ద్వారా సేకరించిన నివేదికలో నమోదైన సానుకూల స్పందన మా అధికారులకు, సిబ్బందికి మరింత ఉత్సాహాన్నిస్తోంది. జాయింట్ కలెక్టర్ మరియు ప్రత్యేక అధికారి శ్రీమతి నిధి మీనా గారి సహకారం, మార్గదర్శకత్వంతో ప్రజలకు మరింత మెరుగైన సేవలు అందించేందుకు కృషి చేస్తున్నాం. ప్రతి సోమవారం నిర్వహించే ‘కమిషనర్‌తో ముఖాముఖి’ కార్యక్రమం ద్వారా ప్రజల సమస్యలను నేరుగా తెలుసుకుని, వాటి పరిష్కారానికి చర్యలు తీసుకుంటున్నాం.

ప్రజల సహకారంతో పౌర సేవలను మరింత మెరుగుపరుస్తూ, ప్రొద్దుటూరు పట్టణాన్ని పరిశుభ్రంగా, సుందరంగా, సురక్షితంగా, అభివృద్ధి చెందిన పట్టణంగా తీర్చిదిద్దేందుకు నిరంతరం కృషి చేస్తాం. సాధించిన ఈ గుర్తింపుతో సంతృప్తి చెందకుండా, ప్రజల అంచనాలకు అనుగుణంగా సేవల నాణ్యతను మరింత పెంచుతాం” అని కమిషనర్ తెలిపారు.

ప్రజల భాగస్వామ్యం, జాయింట్ కలెక్టర్ మరియు ప్రత్యేక అధికారి సహకారం, కమిషనర్ పర్యవేక్షణ, అధికారుల సమన్వయం, సిబ్బంది అంకితభావంతో పౌర సేవల నాణ్యతను మరింత పెంచుతూ ప్రజలకు పారదర్శకంగా, బాధ్యతాయుతంగా సేవలు అందించేందుకు ప్రొద్దుటూరు పురపాలక సంఘం కట్టుబడి ఉందని కమిషనర్ పేర్కొన్నారు.