రాయలసీమ న్యూస్, బిజినెస్ డెస్క్: గత రెండ్రోజులుగా తగ్గుదల నమోదు చేసిన బంగారం ధరలు గురువారం ఉదయం అకస్మాత్తుగా పెరిగి మదుపర్లను, వినియోగదారులను ఆశ్చర్యానికి గురి చేశాయి. గురువారం ఉదయం 9 గంటల తర్వాత బంగారం ధరలు యూటర్న్ తీసుకోవడంతో మార్కెట్‌లో చురుకుదనం కనిపించింది. కనిష్ఠ స్థాయిల వద్ద మదుపర్లు కొనుగోళ్లకు ఆసక్తి చూపడంతో బంగారంపై డిమాండ్ పెరిగినట్లు మార్కెట్ వర్గాలు సూచిస్తున్నాయి.

గుడ్ రిటర్న్స్ వెబ్‌సైట్ ప్రకారం.. జూలై 2 గురువారం ఉదయం 10.00 గంటల సమయంలో హైదరాబాద్, విజయవాడలో 24 క్యారెట్ల 10 గ్రాముల పసిడి ధర రూ.1,44,550గా నమోదైంది. నిన్నటి ధరతో పోలిస్తే ఇది రూ.3,770 మేర పెరుగుదల. ఇదే సమయంలో 22 క్యారెట్ల 10 గ్రాముల ఆర్నమెంటల్ బంగారం ధర రూ.1,32,500గా ఉండగా, నిన్నటి కంటే రూ.3,450 పెరిగింది.

బంగారంతో పాటు వెండి ధరలు కూడా పైకి కదిలాయి. నిన్నటితో పోలిస్తే వెండి కిలో ధరలో రూ.5,000 వరకు పెరుగుదల నమోదైంది. ప్రస్తుతం హైదరాబాద్, విజయవాడలో కిలో వెండి ధర సుమారు రూ.2.5 లక్షలుగా ఉంది.

తెలంగాణలోని ప్రధాన నగరాల్లో 10 గ్రాముల బంగారం తాజా ధరలు ఇలా ఉన్నాయి: హైదరాబాద్, నిజామాబాద్, ఖమ్మం, వరంగల్‌లలో 24 క్యారెట్ల 10 గ్రాముల బంగారం ధర రూ.1,44,550గా, 22 క్యారెట్ల ధర రూ.1,32,500గా, 18 క్యారెట్ల ధర రూ.1,08,410గా ఉంది.

ఆంధ్రప్రదేశ్‌లోని ప్రధాన నగరాల్లో కూడా ఇదే రేట్లు కొనసాగుతున్నాయి. విజయవాడ, విశాఖపట్నం, గుంటూరు, నెల్లూరు, తిరుపతిలో 24 క్యారెట్ల 10 గ్రాముల బంగారం ధర రూ.1,44,550, 22 క్యారెట్ల ధర రూ.1,32,500, 18 క్యారెట్ల ధర రూ.1,08,410గా ఉంది.

దేశంలోని ఇతర ప్రధాన నగరాల్లో బంగారం ధరలు స్వల్ప తేడాలతో నమోదయ్యాయి. చెన్నైలో 24 క్యారెట్ల 10 గ్రాముల బంగారం ధర రూ.1,46,180, 22 క్యారెట్ల ధర రూ.1,34,000, 18 క్యారెట్ల ధర రూ.1,11,600గా ఉంది. ముంబై, కోల్‌కతా, బెంగళూరు, కేరళ ప్రాంతాల్లో 24 క్యారెట్ల ధర రూ.1,44,550, 22 క్యారెట్ల ధర రూ.1,32,500, 18 క్యారెట్ల ధర రూ.1,08,410గా ఉంది. న్యూఢిల్లీ‌లో 24 క్యారెట్ల ధర రూ.1,44,700, 22 క్యారెట్ల ధర రూ.1,32,650, 18 క్యారెట్ల ధర రూ.1,08,560గా నమోదైంది. అహ్మదాబాద్‌లో 24 క్యారెట్ల ధర రూ.1,44,600, 22 క్యారెట్ల ధర రూ.1,32,550, 18 క్యారెట్ల ధర రూ.1,08,460గా ఉంది.

మార్కెట్ నిపుణులు బంగారం, వెండి ధరలు అంతర్జాతీయ మార్కెట్ ధోరణులు, డాలర్ మారకం విలువ, స్థానిక డిమాండ్ వంటి పలు అంశాలపై ఆధారపడి ఎప్పటికప్పుడు మారుతుంటాయని సూచిస్తున్నారు. నగలు కొనుగోలు చేసే ముందు తాజా రేట్లను మరోసారి పరిశీలించడం వినియోగదారులకు మేలని వారు సూచిస్తున్నారు.