రాయలసీమ న్యూస్, చిత్తూరు: పుంగనూరు: పుంగనూరు టీడీపీ కార్యాలయంలో నియోజకవర్గ ఇంచార్జ్ మధుసూదన్ నాయుడు ప్రెస్ మీట్ నిర్వహించారు. ఈ సందర్భంగా ఎంపీ మిథున్ రెడ్డి చేసిన వ్యాఖ్యలకు ఆయన తీవ్రంగా స్పందించారు. హంద్రీనీవా కాలువ, సమ్మర్ స్టోరేజ్, బైపాస్ రోడ్డు నిర్మాణం, కేసుల నమోదు వంటి అంశాలపై మధుసూదన్ నాయుడు విమర్శలు చేశారు.
హంద్రీనీవా కాలువ ద్వారా నీటి సరఫరా, చెరువుల నింపుదల విషయాలను ఆయన ప్రస్తావించారు. హంద్రీనీవా జలాలను కుప్పంకు తరలించడం, సమ్మర్ స్టోరేజ్ నిర్మాణం, వైసీపీ ప్రభుత్వ కాలంలో జరిగిన చర్యలపై మధుసూదన్ నాయుడు ఆరోపణలు చేశారు. టీడీపీ పాలనలో చెరువుల నింపుదల, ప్రజలకు నీటి అందుబాటు, వైసీపీ పాలనలో ప్రజాధన వినియోగం అంశాలను ఆయన పోల్చిచూపారు.
హంద్రీనీవా కాలువ ద్వారా నీళ్లు తెప్పించిన ఘనత చంద్రబాబు నాయుడు దే. హంద్రీనీవా కాలువ ద్వారా నీళ్లును కుప్పంకు తీసుకెళుతున్న మాట నిజమే.
వైసీపీ ప్రభుత్వ హాయములో హంద్రీనీవా కాలవలో ట్రాక్టర్లతో నీళ్లు నింపిన చరిత్ర మీది. 33 కోట్లతో సమ్మర్ స్టోరేజ్ నిర్మించి ప్రజాధనాన్ని దుర్వినియోగం చేసింది మీరు కాదా.
గతంలో కూడా అన్ని చెరువులను నింపింది మేమె. ఇక కూడా హంద్రీనీవా జలాలతో చెరువులను నింపుతాం.
సమ్మర్ స్టోరేజ్ మీ కుటుంబానికి లబ్ధి చేకూర్చడం కోసం చేశారే తప్ప. పుంగనూరు ప్రజలకు 10 సంవత్సరాలలో ఒక బిందెడు నీళ్లు ఇచ్చారా.
వైసీపీ ప్రభుత్వంలో 498 మంది టీడీపీ నాయకుల, కార్యకర్తల పై కేసులు పెట్టిన ఘనత మీది. అదే పని మేము చేస్తే మీ కథ వేరేగా ఉండేది.
గత 17 సంవత్సరాల నుండి మీరు ఏం అభివృద్ధి చేశారు. బైపాస్ రోడ్డు కూడా మీ సొంత లాభాల కోసమే నిర్మించారు. బైపాస్ చుట్టుపక్కల ఉన్న భూములన్నీ రైతుల దగ్గర లాక్కున్నారు.
మిథున్ రెడ్డి వ్యాఖ్యలపై ఈ కౌంటర్ ద్వారా మధుసూదన్ నాయుడు పుంగనూరు నియోజకవర్గంలో అభివృద్ధి, నీటి ప్రాజెక్టులు, కేసుల రాజకీయాలపై వైసీపీ ప్రభుత్వాన్ని నిలదీశారు. టీడీపీ పాలనలో జరిగిన పనులు, వైసీపీ పాలనలో జరిగిన చర్యలను ప్రజల ముందుంచే ప్రయత్నం చేశారు.
