రాయలసీమ న్యూస్, చిత్తూరు: స్థానిక ZPTC, MPTC ఎన్నికల్లో కూటమి అభ్యర్థులను గెలిపించి గ్రామాల అభివృద్ధికి తోడ్పడాలని ప్రజలను కోరుతూ ఐరాల మండలంలో విస్తృతంగా ప్రచారం కొనసాగుతోంది. ఆదివారం జరిగిన ప్రచార కార్యక్రమంలో ఎమ్మెల్యే ఇంటింటికీ వెళ్లి ఓటర్లను కలుసుకున్నారు.
ఐరాల మండలంలోని బొమ్మ సముద్రం సెగ్మెంట్, పుత్ర మద్ది సెగ్మెంట్, కామినేనిపల్లి సెగ్మెంట్‌లలో ఎమ్మెల్యే పర్యటించారు. ప్రతి గ్రామంలోనూ స్థానిక ప్రజలతో సమావేశమై, కూటమి అభ్యర్థులను గెలిపించాల్సిన అవసరాన్ని వివరించారు.
ఈ సందర్భంగా ఎమ్మెల్యే మాట్లాడుతూ రాష్ట్ర ముఖ్యమంత్రి నారా చంద్రబాబునాయుడు ప్రజల అభివృద్ధి కోసం Super Six పథకాలను అమలు చేస్తున్నారని తెలిపారు. మహిళల అభివృద్ధి దిశగా RTC ఉచిత ప్రయాణం వంటి కార్యక్రమాలు ప్రారంభించడంతో పాటు, రైతుల అభివృద్ధి కోసం అనేక సంక్షేమ పథకాలు అమలు చేస్తున్నారని వివరించారు.
ఐరాల మండలంలో తెలుగు దేశం పార్టీ తరఫున పోటీ చేస్తున్న MPTC అభ్యర్థులు, జన సేన పార్టీ తరఫున ZPTC అభ్యర్థిగా పోటీ చేస్తున్న మహేష్ స్వేరో లను గెలిపించాలని ఎమ్మెల్యే కోరారు. గ్లాస్ గుర్తుపై ఓటు వేసి వారిని అఖండ మెజారిటీతో విజయం సాధించేలా చేయాలని ఓటర్లను అభ్యర్థించారు.
పంచాయతీల్లో తాగునీటి సమస్యలు, CC రోడ్ల నిర్మాణం, పరిసరాల పరిశుభ్రత వంటి అంశాలు మరింత మెరుగుపడాలంటే కూటమి ప్రభుత్వాన్ని బలపరచాల్సిన అవసరం ఉందని ఎమ్మెల్యే పేర్కొన్నారు. ఇందుకోసం కూటమి అభ్యర్థులను గెలిపించాలని ప్రజలను కోరారు.
గ్రామీణ ప్రాంతాల అభివృద్ధి, మౌలిక సదుపాయాల విస్తరణ, సంక్షేమ పథకాల అమలు కోసం కూటమి అభ్యర్థులే సరైన ఎంపిక అని ఎమ్మెల్యే ప్రచారంలో స్పష్టం చేశారు. స్థానిక సమస్యలను పరిష్కరించేందుకు కూటమి ప్రభుత్వం కట్టుబడి ఉందని ఆయన ఓటర్లకు హామీ ఇచ్చినట్లు పార్టీ వర్గాలు తెలిపాయి.
ఈ ప్రచార కార్యక్రమంలో కాణిపాక దేవస్థానం చైర్మన్ మని నాయుడు , ఐరాల మండల తెలుగు దేశం పార్టీ అధ్యక్షుడు గంగారావు హరిబాబు నాయుడు , ఎన్నికల పోల్ మానేజిమెంట్ అధ్యక్షుడు గిరిబాబు నాయుడు , క్లస్టర్ ఇంచార్జి మోహన్ నాయుడు , మహిళా సీనియర్ నాయకురాలు లతా , తెలుగు దేశం పార్టీ నాయకులు, కార్యకర్తలు పాల్గొన్నారు. గ్రామాల వారీగా సమావేశాలు నిర్వహిస్తూ, ఓటర్లను కూటమి అభ్యర్థులకు అనుకూలంగా ఆకర్షించే ప్రయత్నం చేశారు.
