రాయలసీమ న్యూస్, ఎంటర్టైన్మెంట్ డెస్క్: రామ్ చరణ్, బుచ్చిబాబు కాంబినేషన్లో రూపొందుతున్న స్పోర్ట్స్ యాక్షన్ డ్రామా చిత్రం ‘పెద్ది’ నుంచి తాజా పాటగా ‘మస్సా మస్సా’ లిరికల్ వీడియోను చిత్రబృందం విడుదల చేసింది. విజయవాడలో జరిగిన ప్రీ రిలీజ్ ఈవెంట్ సందర్భంగా ఈ పాటను ప్రేక్షకుల ముందుకు తీసుకువచ్చారు.
రామ్ చరణ్, బుచ్చిబాబు సంయుక్తంగా చేస్తున్న ఈ చిత్రం ‘పెద్ది’ ఈ గురువారం ప్రపంచవ్యాప్తంగా థియేటర్లలో విడుదల కానుంది. ఇప్పటికే ఈ సినిమా నుంచి విడుదలైన పాటలన్నీ మంచి ఆదరణను సొంతం చేసుకుని, ఒక్కో పాట మరొకదాన్ని మించిపోతూ ప్రేక్షకులను ఆకట్టుకుంటున్నాయి. ఈ నేపథ్యంలో థీమ్ సాంగ్గా చెప్పుకునే ‘మస్సా మస్సా’ లిరికల్ వీడియోపై కూడా అభిమానుల్లో ఆసక్తి నెలకొంది.
‘మస్సా మస్సా’ పాటకు అనంత శ్రీరామ్ సాహిత్యం అందించగా, సంగీతాన్ని A. R. రెహమాన్ సమకూర్చారు. ఈ గీతాన్ని విశాల్ మిశ్ర ఆలపించాడు. రామ్ చరణ్ పాత్ర రూపకల్పన, అతని మేకోవర్, పాత్ర కోసం పడ్డ శ్రమను ఈ లిరికల్ వీడియోలో స్పష్టంగా చూపించారు. పాటలోని దృశ్యాలు, కట్లు, రామ్ చరణ్ ప్రెజెన్స్ అభిమానులను ఆకర్షించేలా ఉండేలా మేకర్స్ రూపొందించినట్లు కనిపిస్తోంది.
పాట సాహిత్యం కూడా ఆలోచింపజేసే విధంగా, పాత్ర ప్రయాణాన్ని ప్రతిబింబించేలా ఉందని సినీ వర్గాలు పేర్కొంటున్నాయి. స్పోర్ట్స్ నేపథ్యంతో కూడిన యాక్షన్ డ్రామాగా వస్తున్న ఈ చిత్రంలో రామ్ చరణ్ లుక్, బాడీ లాంగ్వేజ్, ఎమోషనల్ ఆర్క్ను ఈ పాటలో భాగంగా చూపించిన విధానం సోషల్ మీడియాలో చర్చనీయాంశంగా మారింది.
ఆన్లైన్లో విడుదలైన కొద్ది సేపటికే ‘మస్సా మస్సా’ లిరికల్ వీడియో ట్రెండింగ్లోకి చేరింది. డిజిటల్ ప్లాట్ఫారమ్లలో ఈ పాటకు మంచి వ్యూస్, షేర్లు వస్తున్నాయి. రామ్ చరణ్ అభిమానులతో పాటు సాధారణ ప్రేక్షకుల నుంచీ కూడా ఈ పాటకు స్పందన రావడం గమనార్హం.
‘పెద్ది’ విడుదల అవుతుండటంతో ప్రమోషనల్ కార్యక్రమాలను చిత్రబృందం వేగవంతం చేసింది. ప్రీ రిలీజ్ ఈవెంట్, పాటల విడుదలలతో సినిమాపై హైప్ పెరుగుతోంది. రామ్ చరణ్ కెరీర్లో మరో విభిన్నమైన పాత్రగా ‘పెద్ది’ నిలుస్తుందని అభీమానులు ఆశిస్తున్నారు.
