రాయలసీమ న్యూస్, కర్ణాటక డెస్క్: బెంగళూరు నగరంలోని బగలూర్‌ మెయిన్‌ రోడ్డులో అమెజాన్‌ ఆఫీస్‌ సమీపంలో పుట్‌పాత్‌పై ఏర్పాటు చేసిన ట్రాన్స్‌ఫార్మర్‌ బాక్స్‌ అకస్మాత్తుగా పేలిపోయిన ఘటన కలకలం రేపింది. మంగళవారం మధ్యాహ్నం సమయంలో జరిగిన ఈ ప్రమాదంలో ఇద్దరు వ్యక్తులు గాయపడ్డారని స్థానిక సమాచారం. గాయపడిన వారిని సమీపంలోని ఆసుపత్రికి తరలించినట్లు తెలుస్తోంది.
పేలుడు సంభవించిన సమయంలో అక్కడి పుట్‌పాత్‌పై నడుచుకుంటూ వెళ్తున్న ఓ విద్యార్థిని తృటిలో ప్రాణాపాయం నుంచి తప్పించుకుంది. పేలుడు శబ్దంతో అక్కడి ప్రజలు భయంతో పరుగులు పెట్టారు. ట్రాన్స్‌ఫార్మర్‌ బాక్స్‌ చుట్టుపక్కల ఉన్న నిర్మాణాలకు స్వల్ప నష్టం జరిగినట్లు ప్రత్యక్ష సాక్షులు చెబుతున్నారు.
పుట్‌పాత్‌లపై విద్యుత్‌ పరికరాలను ఏర్పాటు చేసే విధానం, వాటి నిర్వహణపై ఈ ఘటన మరోసారి ప్రశ్నలు లేవనెత్తింది. పాదాచారులు ఎక్కువగా వచ్చే ప్రాంతాల్లో ఇలాంటి పరికరాలు ప్రజల భద్రతకు ముప్పు కలిగించేలా ఉండకూడదని స్థానికులు అభిప్రాయపడుతున్నారు. ముఖ్యంగా కార్యాలయాలు, విద్యాసంస్థలు, వాణిజ్య కేంద్రాలు ఎక్కువగా ఉన్న రహదారుల వెంట పుట్‌పాత్‌లపై ఏర్పాటు చేసే ట్రాన్స్‌ఫార్మర్లు, బాక్సుల విషయంలో మరింత జాగ్రత్త అవసరమని వారు సూచిస్తున్నారు.
విద్యుత్‌ పరికరాల ఏర్పాటు, నిర్వహణలో ప్రజల భద్రతకు ప్రాధాన్యత ఇవ్వాల్సిన అవసరాన్ని ఈ ప్రమాదం మరోసారి గుర్తుచేసింది. పాదాచారుల రాకపోకలు అధికంగా ఉండే ప్రాంతాల్లో ట్రాన్స్‌ఫార్మర్లు, విద్యుత్‌ బాక్సుల స్థితిగతులపై అధికారులు ప్రత్యేక దృష్టి పెట్టాలని ప్రజలు కోరుతున్నారు. పరికరాల నాణ్యత, రక్షణ కవచాలు, నియమిత తనిఖీలపై మరింత కట్టుదిట్టమైన చర్యలు తీసుకుంటే ఇలాంటి ఘటనలను నివారించవచ్చని వారు భావిస్తున్నారు.
ఈ ఘటనపై సంబంధిత విద్యుత్‌ శాఖ అధికారులు, స్థానిక సంస్థలు సమగ్ర విచారణ జరిపి, భవిష్యత్తులో ఇలాంటి ప్రమాదాలు జరగకుండా తగిన చర్యలు తీసుకోవాలని స్థానికులు డిమాండ్‌ చేస్తున్నారు.
