రాయలసీమ న్యూస్, ఎంటర్టైన్మెంట్ డెస్క్: హైదరాబాద్:- ఈ వారాంతానికి థియేటర్లలో కేవలం రెండు కొత్త సినిమాలే ప్రేక్షకులను పలకరించాయి. వాటిలో ఒకటి రామ్ చరణ్ నటించిన ‘పెద్ది’, మరొకటి వరుణ్ ధావన్ హీరోగా వచ్చిన రొమాంటిక్ కామెడీ చిత్రం ‘హై జవానీ తో ఇష్క్ హోనా హై’. అయితే థియేటర్లలో విడుదలైన ఈ రెండు చిత్రాలకే వినోదం పరిమితమైపోలేదు. ఎందుకంటే ఇవాళ (జూన్ 5) ఒక్కరోజే ప్రముఖ ఓటీటీ ప్లాట్ఫారమ్లలో 20కి పైగా కొత్త సినిమాలు, వెబ్ సిరీస్లు స్ట్రీమింగ్కు అందుబాటులోకి వచ్చాయి.
యాక్షన్, థ్రిల్లర్, క్రైమ్, రొమాన్స్, కామెడీ, హారర్, స్పై డ్రామా ఇలా దాదాపు అన్ని జోనర్లలో ప్రేక్షకుల అభిరుచికి తగ్గ కంటెంట్ను ఓటీటీ సంస్థలు విడుదల చేశాయి. తెలుగు, హిందీ, తమిళం, కన్నడతో పాటు స్పానిష్, కొరియన్, ఇంగ్లీష్ వంటి భాషల్లోనూ కొత్త చిత్రాలు, సిరీస్లు ప్రేక్షకుల ముందుకు వచ్చాయి.
ఆహా తెలుగు ప్లాట్ఫారమ్లో ‘అగ్లీ స్టోరీ’ అనే తెలుగు సైకలాజికల్ బోల్డ్ రొమాంటిక్ థ్రిల్లర్ జూన్ 5 నుంచి స్ట్రీమింగ్లోకి వచ్చింది. ఆహా తమిళ్లో ‘సత్తేంద్రు మారుధు వాణిలయ్’ అనే తమిళ రొమాంటిక్ థ్రిల్లర్ను విడుదల చేశారు. జియో హాట్స్టార్లో హిందీ స్పై యాక్షన్ చిత్రం ‘ధురంధర్ 2: ది రివేంజ్’ (తెలుగు డబ్బింగ్) అందుబాటులోకి వచ్చింది.
నెట్ఫ్లిక్స్లో జూన్ 5 నుంచి ‘29’ (తెలుగు డబ్బింగ్ తమిళ రొమాంటిక్ కామెడీ), ‘ది మార్క్డ్ ఉమెన్’ (స్పానిష్ క్రైమ్ మిస్టరీ), ‘మెక్సికో 86’ (స్పానిష్ స్పోర్ట్స్ కామెడీ), ‘ఆఫీస్ రొమాన్స్’ (అమెరికన్ రొమాంటిక్ కామెడీ ఫిల్మ్), ‘టీచ్ యూ ఏ లెసన్’ (కొరియన్ థ్రిల్లర్ వెబ్ సిరీస్) స్ట్రీమింగ్ ప్రారంభమైంది.
జీ5లో ‘పేట్రియాట్’ (తెలుగు డబ్బింగ్ మలయాళ థ్రిల్లర్), ‘బ్రౌన్’ (హిందీ సైకలాజికల్ క్రైమ్ థ్రిల్లర్ వెబ్ సిరీస్), ‘కేడీ ది డెవిల్’ (తెలుగు డబ్బింగ్ కన్నడ గ్యాంగ్స్టర్) విడుదలయ్యాయి. అమెజాన్ ప్రైమ్లో ‘ది పిరమిడ్ స్కీమ్’ (హిందీ క్రైమ్ డ్రామా వెబ్ సిరీస్), ‘పీటర్’ (కన్నడ క్రైమ్ థ్రిల్లర్ డ్రామా మూవీ) స్ట్రీమింగ్కు వచ్చాయి.
సన్ నెక్ట్స్ ఓటీటీలో ‘ది రైజ్ ఆఫ్ అశోక’ (తెలుగు డబ్బింగ్ కన్నడ పీరియాడిక్), ‘మెకానిక్ రాకీ’ (తెలుగు యాక్షన్ కామెడీ) అందుబాటులోకి వచ్చాయి. సోనీ లివ్లో ‘గుల్లాక్ సీజన్ 5’ (తెలుగు డబ్బింగ్ హిందీ కామెడీ సిరీస్) స్ట్రీమింగ్ ప్రారంభమైంది. వికి ఓటీటీలో ‘ది లై వి లివ్డ్ ఇన్’ (కొరియన్ మిస్టరీ థ్రిల్లర్ వెబ్ సిరీస్), హోయ్చోయ్ ఓటీటీలో ‘బీబీ ప్యారా’ (బెంగాలీ డార్క్ థ్రిల్లర్) విడుదలయ్యాయి.
ఆపిల్ ప్లస్ టీవీలో ‘కేప్ ఫియర్’ (ఇంగ్లీష్ సైకలాజికల్ హారర్ క్రైమ్ థ్రిల్లర్ వెబ్ సిరీస్) స్ట్రీమింగ్కు వచ్చింది. ఈ వారం ఓటీటీలో విడుదలైన చిత్రాల్లో తెలుగు డైరెక్ట్ మూవీ ‘అగ్లీ స్టోరీ’ ప్రత్యేక ఆకర్షణగా నిలుస్తోంది. నందు, అవికా గోర్ ప్రధాన పాత్రల్లో నటించిన ఈ సైకలాజికల్ రొమాంటిక్ థ్రిల్లర్లో బోల్డ్ లవ్, రిలేషన్షిప్ ఎలిమెంట్స్తో పాటు సస్పెన్స్ అంశాలు ఉండటంతో ప్రేక్షకుల్లో ఆసక్తి నెలకొంటోంది.
డబ్బింగ్ చిత్రాల పరంగా ‘పేట్రియాట్’, కన్నడ గ్యాంగ్స్టర్ డ్రామా ‘కేడీ ది డెవిల్’, ‘ది రైజ్ ఆఫ్ అశోక’, హిందీ స్పై యాక్షన్ థ్రిల్లర్ ‘ధురంధర్ 2: ది రివేంజ్’ మంచి ఎంపికలుగా కనిపిస్తున్నాయి. అలాగే ‘బ్రౌన్’ సైకలాజికల్ క్రైమ్ థ్రిల్లర్ వెబ్ సిరీస్, ఫ్యామిలీ ఎంటర్టైనర్ ‘గుల్లాక్ సీజన్ 5’ కూడా ప్రేక్షకుల్లో ఆసక్తి రేకెత్తిస్తున్నాయి.
అంతర్జాతీయ కంటెంట్ను ఇష్టపడే ప్రేక్షకుల కోసం ‘కేప్ ఫియర్’, ‘ది మార్క్డ్ ఉమెన్’ వంటి క్రైమ్, మిస్టరీ, హారర్ థ్రిల్లర్లు ఈ వారం ఓటీటీలో ప్రత్యేక స్థానం దక్కించుకున్నాయి. ఒక్కరోజులోనే ఇన్ని కొత్త రిలీజ్లు రావడంతో ఇంట్లోనే ఉండి విభిన్న జోనర్లలో వినోదాన్ని ఆస్వాదించే వీలొచ్చింది.
