రాయలసీమ న్యూస్, స్పోర్ట్స్ డెస్క్:
ఇంగ్లండ్‌తో తుది వన్డేకు భారత్ రెఢీ!
రెండు మార్పులతో బరిలోకి..
భారత్, ఇంగ్లండ్ జట్ల మధ్య హోరాహోరీగా సాగుతున్న మూడు మ్యాచుల వన్డే సిరీస్ ఇప్పుడు క్లైమాక్స్ దశకు చేరుకుంది. సిరీస్ విజేత ఎవరో తేల్చే మూడో, చివరి వన్డేకు క్రికెట్ మక్కాగా పేరొందిన లండన్‌లోని చారిత్రాత్మక 'లార్డ్స్' మైదానం వేదికగా నిలవనుంది. ఇప్పటికే బర్మింగ్‌హామ్‌లో జరిగిన తొలి వన్డేలో భారత్ ఘనవిజయం సాధించగా, కార్డిఫ్‌లో జరిగిన రెండో వన్డేలో ఇంగ్లండ్ పుంజుకుని విజయం సాధించింది. దీంతో ప్రస్తుతం సిరీస్ 1-1తో సమం కావడంతో, ఆదివారం లార్డ్స్ వేదికగా జరగనున్న మ్యాచ్ ఇరు జట్లకు కీలకంగా మారింది.
లార్డ్స్ మైదానంలో టీమిండియా వన్డే ట్రాక్ రికార్డు పరిశీలిస్తే మిశ్రమంగా ఉంది. ఇక్కడ భారత్ ఇప్పటివరకు ఆడిన 9 వన్డే మ్యాచ్‌ల్లో కేవలం 3 మ్యాచ్‌ల్లో మాత్రమే విజయం సాధించగా 5 మ్యాచ్‌ల్లో ఓటమి చవిచూసింది. మరో మ్యాచ్ టైగా ముగిసింది. ఈ చరిత్రాత్మక వేదికపై ప్రతికూల రికార్డు ఉన్నప్పటికీ ప్రస్తుత ఫామ్ దృష్ట్యా గిల్ సేన సిరీస్ కైవసం చేసుకోవాలనే పట్టుదలతో ఉంది.
వాషింగ్టన్ సుందర్‌ ఔట్.. జట్టులోకి హర్ష్‌ దూబె..
మూడు వన్డేల సిరీస్‌లో భాగంగా ఇంగ్లాండ్, భారత్ మధ్య ఆదివారం మూడో వన్డే జరగనుంది. తొలి రెండు మ్యాచ్‌ల్లో ఇరుజట్లు చెరో మ్యాచ్ గెలిచాయి. సిరీస్ నిర్ణయాత్మక మ్యాచ్‌కు ముందు భారత జట్టులో ఒక మార్పు చోటుచేసుకుంది. రెండో వన్డే సందర్భంగా తొడ కండరాల గాయం బారినపడిన వాషింగ్టన్ సుందర్‌ మూడో వన్డేకు దూరమయ్యాడు. అతడి స్థానంలో స్పిన్ బౌలింగ్ ఆల్‌రౌండర్ హర్ష్‌ దూబె(Harsh Dubey)ను జట్టులోకి తీసుకున్నట్లు బీసీసీఐ ప్రకటించింది. హర్ష్‌ దూబె ఇటీవల అఫ్గానిస్థాన్‌తో జరిగిన సిరీస్‌లో అరంగేట్రం చేశాడు. ధర్మశాలలో జరిగిన ఆ మ్యాచ్‌లో 47 పరుగులు ఇచ్చి 3 వికెట్లు పడగొట్టాడు. జులై 23 నుంచి జింబాబ్వేతో జరగనున్న మూడు టీ20ల సిరీస్‌కు హర్ష్‌ దూబె ఇప్పటికే ఎంపికైన విషయం తెలిసిందే.
