రాయలసీమ న్యూస్, టెక్నాలజీ డెస్క్: దేశంలోని ప్రముఖ టెలికాం సంస్థ జియో హోమ్ వినియోగదారుల కోసం కొత్త Jio Home 3-in-1 సర్వీస్ ప్యాక్‌లను ప్రకటించింది. ఈ ప్యాక్‌లలో హై-స్పీడ్ Wi-Fi, 1,000కు పైగా లైవ్ టీవీ ఛానెల్స్, 12 ప్రముఖ OTT ప్లాట్‌ఫారమ్‌ల యాక్సెస్ ఒకే ప్లాన్‌లో లభించనున్నాయి. అదనంగా, కేవలం TV మాత్రమే లేదా కేవలం Wi-Fi మాత్రమే కోరుకునే వినియోగదారుల కోసం ప్రత్యేక ప్లాన్‌లను కూడా కంపెనీ అందుబాటులోకి తీసుకొచ్చింది. ఈ ప్లాన్‌ల ప్రారంభ ధర నెలకు రూ.400గా నిర్ణయించారు.

ఇంటర్నెట్, టీవీ ఛానెల్స్, OTT సేవలు అన్నీ ఒకే ప్లాన్‌లో కావాలనుకునే వినియోగదారులకు Jio Home 3-in-1 ప్లాన్‌లు అనువుగా ఉండేలా రూపొందించారు.

రూ.2,122 ప్లాన్

ఈ ప్లాన్ ధర రూ.2,122. ప్రతి 2 నెలలకు 1 నెల ఉచితంగా లభిస్తుంది. నెలవారీ అయ్యే ఖర్చు రూ.707. ఇందులో 100 Mbps బ్రాడ్‌బ్యాండ్ స్పీడ్, 1,000కు పైగా లైవ్ టీవీ ఛానెల్స్, 12 OTT ప్లాట్‌ఫారమ్‌ల యాక్సెస్ అందుబాటులో ఉంటాయి.

రూ.2,222 ప్లాన్

ఈ ప్లాన్ ధర రూ.2,222. ప్రతి 3 నెలలకు 1 నెల ఉచితంగా లభిస్తుంది. నెలవారీ అయ్యే ఖర్చు రూ.555. ఇందులో 30 Mbps బ్రాడ్‌బ్యాండ్ స్పీడ్, 1,000కు పైగా లైవ్ టీవీ ఛానెల్స్, 12 OTT యాప్‌ల యాక్సెస్ లభిస్తుంది.

ఈ 3-in-1 ప్లాన్‌లలో కొత్త కనెక్షన్ తీసుకునే వినియోగదారులకు ఉచిత డోర్‌స్టెప్ ఇన్‌స్టాలేషన్, సర్వీస్ సౌకర్యం కూడా జియో అందిస్తోంది.

కేవలం TV ప్లాన్‌లు

కేవలం టీవీ ఛానెల్స్ మాత్రమే కావాలనుకునే వినియోగదారుల కోసం జియో ప్రత్యేక TV ప్లాన్‌లను ప్రవేశపెట్టింది.

రూ.2,000 ప్లాన్: ఈ ప్లాన్ ధర రూ.2,000. వాలిడిటీ 5 నెలలు. నెలకు అయ్యే ఖర్చు రూ.400. ఇందులో 1,000కు పైగా లైవ్ టీవీ ఛానెల్స్, 200కు పైగా HD ఛానెల్స్, 15కు పైగా ప్రాంతీయ భాషల ఛానెల్స్ అందుబాటులో ఉంటాయి.

రూ.1,000 ప్లాన్: ఈ ప్లాన్‌కు 2 నెలల వాలిడిటీ ఉంటుంది. రూ.200 సెటప్ ఫీజు వసూలు చేస్తారు. అదే మొత్తంలో రూ.200 విలువైన బెనిఫిట్ బ్యాక్ కూడా వినియోగదారులకు లభిస్తుంది.

కేవలం Wi-Fi ప్లాన్‌లు

ఇంటర్నెట్ మాత్రమే అవసరమయ్యే వినియోగదారుల కోసం జియో రెండు బ్రాడ్‌బ్యాండ్ ప్లాన్‌లను అందిస్తోంది.

100 Mbps ప్లాన్: 5 నెలల ప్లాన్ ధర రూ.3,000. నెలకు రూ.600 చొప్పున ఖర్చు అవుతుంది. 2 నెలల ప్లాన్ ధర రూ.1,500. సెటప్ ఫీజు రూ.300. అదే మొత్తంలో రూ.300 విలువ బ్యాక్ అందిస్తారు.

30 Mbps ప్లాన్: 5 నెలల ప్లాన్ ధర రూ.2,200. నెలకు రూ.450 చొప్పున ఖర్చు అవుతుంది. 2 నెలల ప్లాన్ ధర రూ.1,100. సెటప్ ఫీజు రూ.200. అదే మొత్తంలో రూ.200 విలువ బ్యాక్ లభిస్తుంది.

ఏ ప్లాన్ ఎవరికి?

TV Only ప్లాన్ – కేవలం టీవీ ఛానెల్స్ మాత్రమే చూసే వినియోగదారులకు అనుకూలం. Wi-Fi Only ప్లాన్ – ఇంటర్నెట్ సేవ మాత్రమే అవసరమయ్యే వారికి సరిపోతుంది. 3-in-1 ప్లాన్ – Wi-Fi, TV, OTT సేవలను ఒకే ప్యాక్‌లో తక్కువ ఖర్చుతో పొందాలనుకునే కుటుంబాలకు ఉత్తమ ఎంపికగా జియో సూచిస్తోంది.

కొత్త Jio Home ప్లాన్‌లతో వినియోగదారులు తమ అవసరాలకు అనుగుణంగా TV, ఇంటర్నెట్ లేదా రెండింటినీ OTT సేవలతో కలిపి ఒకే సబ్‌స్క్రిప్షన్‌లో పొందే అవకాశం కలుగుతోంది. ముఖ్యంగా నెలవారీగా విడివిడిగా చెల్లింపులు చేయాల్సిన అవసరం లేకుండా, ఒకే ప్లాన్‌లో అన్ని సేవలు అందుబాటులో ఉండటం ఈ ప్యాక్‌ల ప్రత్యేకతగా కంపెనీ పేర్కొంటోంది.