రాయలసీమ న్యూస్, తెలంగాణ డెస్క్:

నేను క్రోధంగా వచ్చా.. నాకు అడ్డొస్తే తొక్కుకుంటూ పోతా..

భవిష్యవాణి చెప్పిన మాతంగి స్వర్ణలత

సికింద్రాబాద్ ఉజ్జయిని మహంకాళి బోనాలు నేత్రపర్వంగా జరుగుతున్నాయి. ఈ ఉత్సవాల సందర్భంగా సోమవారం రంగం భవిష్యవాణిని మాతంగి స్వర్ణలత వినిపించారు. పలు అంశాల గురించి ఆమె భవిష్యవాణి వినిపించారు.

నేను క్రోధంగా వచ్చా..

ప్రశ్న: ఘటాల ఊరేగింపు నుంచి బోనాలు, షాకలు సమర్పించారు సంతోషమా..?

మాతంగి స్వర్ణలత:

  • మౌనంగా ఉన్న మాతంగి స్వర్ణలత..

  • ఎందుకు చెప్పాలి, నేను సంతోషంగా రాలేదు, క్రోధంగా వచ్చా, ఎందుకు సమాధానం చెప్పాలి.

  • నా మాటలు ఆచరించనప్పుడు ఎందుకు సమాధానాలు చెప్పాలి.

  • రెండు మాసాలు అయిపోయాయి, విగ్రహ ప్రతిష్ఠ చేయడం లేదు.

  • నా ఆగ్రహానికి గురవుతున్నారు..

  • ఆపదలు వచ్చిన, ప్రమాదాలు వచ్చిన కాపాడుతున్నా.

  • నా మాట ఆచరించడం లేదు.

  • అడ్డుపుల్ల వేసిన తొలగిస్తా, ఎవరు అడ్డొచ్చిన తీసుకుపోతా.

  • నేను ఊరుకోను, విగ్రహ ప్రతిష్ఠ చేయాలి.

ఈ ఏడాది కుంభవర్షాలు..

ప్రశ్న: ఈ ఏడాది ఎక్కువగా వర్షాలు ఉన్నాయా..?

మాతంగి స్వర్ణలత:

  • గత ఏడాది చెప్పినట్లుగా ఈ ఏడాది కుంభవర్షాలు ఉన్నాయి.

  • ప్రజలు జాగ్రత్తగా ఉండాలి.

  • అగ్నిప్రమాదాలు ఎక్కువగా ఉన్నాయి.

  • జనాలు జాగ్రత్తగా ఉండాలి.

  • సగానికి సగం కొట్టుకుపోతారు.

  • ఈ ఏడాది ప్రమాదాలు అధికం.

  • ఈ ఏడాది ఎక్కువగా ప్రాణానష్టాలు ఉంటాయి.

  • వావివరుసలు లేకుండా జనాలు ప్రవర్తిస్తారు.

  • నాకు సంతోషం లేకుండా చేస్తున్నారు.

యువత శ్రేయస్సుపై..

ప్రశ్న: యువత మంచిగా చూసే బాధ్యత నీదే తల్లి, పిల్లలను సరైన వరుసలో పెట్టాలి.

మాతంగి స్వర్ణలత:

  • ఈ ఏడు నేను మాట్లాడేది చాలా ఉంది.

  • సరైన దారిలో నేను పెడుతున్నాను.

  • తల్లిదంద్రులు ఊరిమీద వదిలేస్తున్నారు.

  • ఈ ఏడు సంతోషంగా ఉండటానికి, కోపంగా ఉండటానికి కారణం ఉందని మాతంగి స్వర్ణలత పేర్కొన్నారు.