రాయలసీమ న్యూస్, హెల్త్ డెస్క్: కలసపాడు: పరిసరాల పరిశుభ్రతతో పాటు దోమల నివారణ చర్యలు చేపడితే మలేరియాను నిర్మూలించవచ్చని వైద్యాధికారి శైలజ గారు తెలిపారు. కలసపాడు ప్రాథమిక ఆరోగ్య కేంద్రంలో మంగళవారం ప్రపంచ మలేరియా దినోత్సవ ర్యాలీ నిర్వహించారు. ఈ సందర్భంగా వైద్యాధికారి శైలజ గారు వ్యక్తిగత పరిసరాల పరిశుభ్రత దోమల నివారణ చర్యలపై ప్రజలకు సూచనలు ఇచ్చారు. అనంతరం ఆరోగ్య సిబ్బంది స్థానిక ప్రభుత్వ ఎస్సీ  బాలుర, బాలికల వసతి గృహాల్లో దోమల నివారణ మందు పిచికారి చేయించారు.  కార్యక్రమంలో సామాజిక ఆరోగ్య అధికారి వెంకటసుబ్బమ్మ, హెల్త్ అసిస్టెంట్లు రామతీర్థం, జయరామిరెడ్డి, ఏఎన్ఎంలు, ఆశా వర్కర్లు, కార్యకర్తలు పాల్గొన్నారు.