రాయలసీమ న్యూస్, వై.యస్.ఆర్: కడప జిల్లా ప్రొద్దుటూరులోని ఎడిఫై స్కూల్ విద్యా రంగంలోనే కాకుండా విద్యార్థుల సంక్షేమం, భోజన వసతి విషయంలోనూ ఆదర్శంగా నిలుస్తోంది. ఈ విద్యాసంస్థ అధినేత అమర్నాథ్ రెడ్డి విద్యార్థులను కేవలం చదువుల పరిమితిలోనే కాకుండా, సొంత బిడ్డల్లా ఆప్యాయంగా చూసుకుంటూ సరికొత్త ప్రమాణాలను స్థాపిస్తున్నారు. గురు బ్రహ్మ గురు విష్ణుః గురు దేవో మహేశ్వరః గురు సాక్షాత్ పరబ్రహ్మ తస్మై శ్రీ గురవే నమః అన్న నానుడికి నిలువెత్తు రూపంగా ఆయన సేవలు నిలుస్తున్నాయని స్థానికులు అభిప్రాయపడుతున్నారు.
ప్రొద్దుటూరు విద్యా వాతావరణంలో అమర్నాథ్ రెడ్డి పేరు వినిపిస్తే చాలు, ఆయన నిర్వహణ, విద్యార్థుల పట్ల చూపే ఆప్యాయత, పాఠశాల మెయింటెనెన్స్ ప్రత్యేక చర్చనీయాంశమవుతాయి. సాధారణంగా అనేక విద్యాసంస్థల్లో మెస్ నిర్వహణ నామమాత్రంగా ఉంటుందనే విమర్శలు వినిపిస్తుంటాయి. అయితే ఎడిఫై స్కూల్లో మాత్రం దీనికి పూర్తి భిన్నమైన పరిస్థితి కనిపిస్తోంది. పిల్లలకు పెట్టే భోజనం విషయంలో అమర్నాథ్ రెడ్డి రాజీ పడరని విద్యార్థులు, వారి తల్లిదండ్రులు ప్రశంసిస్తున్నారు.
అన్నం పరబ్రహ్మ స్వరూపమని భావించే అమర్నాథ్ రెడ్డి, ఆ అన్నాన్ని విద్యార్థులకు అందించే విధానంలో ప్రత్యేక శ్రద్ధ చూపుతున్నారు. జీవనజ్యోతి మరియు ఎడిఫై విద్యాసంస్థల్లో చదువుతున్న విద్యార్థుల తల్లిదండ్రులు ఆయన అందిస్తున్న భోజనం గురించి భావోద్వేగంతో స్పందిస్తున్నారు.
మా ఇంట్లో మా అమ్మానాన్నలు కూడా మాకు ఇలాంటి భోజనం పెట్టలేరు. అంత రుచికరంగా, శుచికరంగా అమర్నాథ్ రెడ్డి మా పిల్లలకు భోజనాన్ని అందిస్తున్నారు.
ఎడిఫై స్కూల్లో విద్యార్థులకు అందించే మధ్యాహ్న భోజనం సాధారణ పాఠశాలల మెనూకు పూర్తిగా భిన్నంగా ఉంటుంది. పెళ్లి భోజనాన్ని తలపించే రీతిలో వంటకాలు వడ్డించడం అక్కడి విద్యార్థులకు ప్రత్యేక అనుభూతిని కలిగిస్తోంది. మల్లెపూలు లాంటి తెల్లటి అన్నం, గ్రీన్ చికెన్, పుట్టగొడుగుల కూర, వేడివేడి రసం, పప్పు, సాంబారు, క్రిస్పీ వడియాలు, వివిధ రకాల ఊరగాయలు, ఘుమఘుమలాడే శెనగపప్పు పాయసం వంటి వంటకాలు విద్యార్థులకు ప్రతిరోజూ అందిస్తున్నారు.
ఇలాంటి రాజభోజనాన్ని రోజూ అందిస్తున్న ఎడిఫై స్కూల్ యజమాని, చదువుల గురువు అమర్నాథ్ రెడ్డి తమకు దొరకడం పూర్వజన్మ సుకృతమని విద్యార్థులు భావిస్తున్నారు. తమ గురువు పట్ల వారు వ్యక్తం చేస్తున్న కృతజ్ఞత, ఆనందం ఆయన సేవలకు ప్రతీకగా నిలుస్తోంది.
ఇలాంటి అద్భుతమైన భోజనం పెట్టేవారు మాకు దొరకడం మా అదృష్టం.
చదువుతో పాటు ఆరోగ్యాన్ని, ఆప్యాయతను పంచుతున్న అమర్నాథ్ రెడ్డి ప్రొద్దుటూరు విద్యా రంగానికి నిజమైన రోల్ మోడల్గా నిలుస్తున్నారు. విద్యార్థుల సంక్షేమం, పోషకాహారం, శుభ్రతపై ఆయన చూపుతున్న శ్రద్ధ స్థానిక విద్యాసంస్థలకు మార్గదర్శకంగా భావించబడుతోంది.
