రాయలసీమ న్యూస్, ఆంధ్రప్రదేశ్ డెస్క్: కృష్ణా జిల్లా గుడివాడలో శనివారం నిర్వహించిన ‘స్వర్ణాంధ్ర స్వచ్ఛంద్ర’ కార్యక్రమంలో ఆంధ్రప్రదేశ్ ముఖ్యమంత్రి నారా చంద్రబాబు నాయుడు పాల్గొని రాష్ట్ర అభివృద్ధి, సంక్షేమ కార్యక్రమాలపై విస్తృతంగా మాట్లాడారు. గత ఏడాదిన్నర కాలంగా ప్రతి మూడో శనివారం జరిగే ఈ కార్యక్రమం తనకు గుర్తుకు వచ్చే పవిత్రమైన కార్యక్రమమని ఆయన పేర్కొన్నారు. యుగపురుషుడు ఎన్టీఆర్ జన్మించిన గుడివాడలో ఈ కార్యక్రమం నిర్వహించడం ఎంతో ఆనందంగా ఉందని తెలిపారు.
రాజకీయాలు ఒకప్పుడు కేవలం దోపిడీ, అధికారానికి మాత్రమే పరిమితమై ఉండేవని, పేదలకు సంక్షేమం అందించి అభివృద్ధికి దారి చూపిన మహానుభావుడు ఎన్టీఆర్ అని చంద్రబాబు నాయుడు కొనియాడారు. ఎన్టీఆర్ చూపిన మార్గంలోనే గత నలభై ఏళ్లుగా తెలుగు దేశం పార్టీ నడుస్తోందని, ప్రపంచంలో తెలుగుజాతిని నెంబర్ వన్గా నిలబెట్టడం తన ఆకాంక్ష అని స్పష్టం చేశారు. చరిత్రలో ఏ నాయకుడికి రాని గుర్తింపును ప్రజలు తనకు ఇచ్చారని, తెలుగు జాతికి రక్షకుడిగా జీవితాంతం సేవ చేయాలనే సంకల్పంతో ఉన్నట్లు పేర్కొన్నారు. పట్టిసీమ , పోలవరం
రాజధాని అమరావతి నిర్మాణానికి సంబంధించి ఒక చిన్న బాలుడు తన పొదుపు డబ్బును విరాళంగా ఇచ్చిన సంఘటనను సీఎం గుర్తుచేసుకున్నారు. అమరావతి కేవలం ఒక ప్రాంతం కాదని, ప్రజల రాజధాని, దేవతల రాజధాని అని అభివర్ణించారు. ప్రపంచంలోనే నెంబర్ వన్ రాజధానిగా అమరావతిని అభివృద్ధి చేయాలని లక్ష్యంగా పెట్టుకున్నట్లు తెలిపారు. రాష్ట్రంలో కరువు అనే పదమే లేకుండా చేయడం తన లక్ష్యమని చెప్పారు.
గతంలో డెల్టా ప్రాంతాలకు సకాలంలో నీరు అందేదని, నాగరికతకు నీళ్లు పునాది అని చంద్రబాబు నాయుడు వ్యాఖ్యానించారు. దేశానికి అన్నం పెట్టే కృష్ణా డెల్టాకు నీరు లేకపోయిన సమయంలో, 12 నెలల్లో పట్టిసీమ ప్రాజెక్టు పూర్తి చేసి గోదావరి జలాలను డెల్టాకు మళ్లించి రైతాంగాన్ని ఆదుకున్నామని గుర్తుచేశారు. ఆల్మట్టి లో నీరు లేకపోయినా, 48 శాతం వర్షాభావం ఉన్నా పట్టిసీమ అండగా నిలిచిందని తెలిపారు. వంశధార నుండి పెన్నా వరకు నదుల అనుసంధానం చేపడతామని, 2027 మార్చి నాటికి పోలవరం ప్రాజెక్టును పూర్తి చేసి జాతికి అంకితం చేస్తామని ముఖ్యమంత్రి కీలక ప్రకటన చేశారు.
కూటమి ప్రభుత్వం ఏర్పడిన తర్వాత నిధుల ఇబ్బందులు ఉన్నప్పటికీ ప్రజల సంక్షేమంలో ఎక్కడా వెనుకడుగు వేయలేదని చంద్రబాబు నాయుడు చెప్పారు. Super Six హామీలను సమర్థంగా అమలు చేస్తున్నామని పేర్కొన్నారు. ఎంతమంది పిల్లలు ఉన్నా సంబంధం లేకుండా ప్రతి తల్లికి ‘తల్లికి వందనం’ పథకం వర్తింపజేస్తామని స్పష్టం చేశారు. ఈ నెల 22 నుండి 24 మధ్య రూ.10,122 కోట్లను తల్లుల ఖాతాల్లో జమ చేయనున్నట్లు తెలిపారు. అంగన్వాడీ కార్మికులు, పారిశుధ్య కార్మికులకు కూడా ఈ పథకం ప్రయోజనం అందుతుందని చెప్పారు. ఇది నిధులు ఎక్కువగా ఉన్నందుకే కాదు, పేదలపై ఉన్న మంచి మనస్సుతో అమలు చేస్తున్న పథకమని వివరించారు.
ప్రధాని నరేంద్ర మోడీ , జన సేన పార్టీ అధినేత పవన్ కళ్యాణ్ , తాను – ముగ్గురూ పేదల సంక్షేమాన్ని ధ్యేయంగా పెట్టుకుని ముందుకు సాగుతున్నామని చంద్రబాబు నాయుడు పేర్కొన్నారు. పేదల తలసరి ఆదాయాన్ని పెంచేందుకు P.4 విధానాన్ని తీసుకువచ్చామని తెలిపారు. ఆక్వా రంగానికి కేవలం రూ.1.50 పైసలకే విద్యుత్ సరఫరా చేసిన ఘనత తమ ప్రభుత్వానిదేనని, యూనియన్ మినిస్టర్స్ నిర్మల సీతారామన్ , పీయూష్ గోయల్ దృష్టికి ఆక్వా రైతుల సమస్యలను తీసుకెళ్లి పరిష్కారానికి చర్యలు కొనసాగిస్తున్నామని చెప్పారు.
గత ప్రభుత్వ హయాంలో రాష్ట్రంలో జరిగిన విధ్వంసం కారణంగా ప్రజలు తీవ్ర అసహనంతో 2024 ఎన్నికల్లో తెలుగు దేశం పార్టీ కి చారిత్రాత్మక విజయాన్ని అందించారని చంద్రబాబు నాయుడు వ్యాఖ్యానించారు. ఈ తీర్పును జీవితంలో ఎప్పటికీ మర్చిపోలేనని అన్నారు. Gudivada నియోజకవర్గంలో ఎన్నడూ లేని విధంగా MLA వెనిగండ్ల రామ్ ను భారీ మెజారిటీతో గెలిపించినందుకు ప్రజలకు కృతజ్ఞతలు తెలుపుతూ, గుడివాడ అభివృద్ధికి రూ.162 కోట్ల నిధులు ఖర్చు చేయనున్నట్లు హామీ ఇచ్చారు.
ప్రజలు ఎన్నికల్లో YSRCPని పూర్తిగా తిరస్కరించినప్పటికీ, రాష్ట్ర రాజకీయాల్లో ఆ పార్టీ చెడు ప్రభావం ఇంకా పూర్తిగా తొలగలేదని చంద్రబాబు నాయుడు విమర్శించారు. క్రిమినల్స్ మారే పరిస్థితి లేదని, ఇంకా కుట్రలు కొనసాగిస్తున్నారని ఆరోపించారు. గతంలో Vivekananda Reddy హత్యను గొడ్డలితో చేసి, తన చేతిలో గొడ్డలి పెట్టి ‘Narasure Rakthacharitra’ అంటూ దుష్ప్రచారం చేశారని గుర్తుచేశారు. తాను స్వయంగా Naxalite దాడులు, మత గొడవలను ఎదుర్కొని ప్రజలను కాపాడినప్పటికీ, ఇలాంటి గొడ్డలి రాజకీయాలు, పోస్టర్లకు రక్తాభిషేకాలు చేసే ‘రప్పా రప్పా’ రాజకీయాలను జీవితంలో చూడలేదని ఆగ్రహం వ్యక్తం చేశారు.
తమ ప్రభుత్వంలో తప్పు చేసినవారికి ఎలాంటి మినహాయింపు ఉండదని చంద్రబాబు నాయుడు హెచ్చరించారు. Gunturలో తప్పు చేసిన Telugu Desam Party నాయకుడిని వెంటనే సస్పెండ్ చేసి, చట్ట ప్రకారం చర్యలు తీసుకున్నామని ఉదాహరణగా చెప్పారు. సొంతవాడైనా, ఎదుటివాడైనా – ఎవరు తప్పు చేసినా వదిలిపెట్టే ప్రసక్తే లేదని స్పష్టం చేశారు.
