రాయలసీమ న్యూస్, ఆదివారం మాగజైన్ డెస్క్:

రేపే ఫాదర్స్ డే:కుటుంబ బాధ్యతలు మోసే నాన్న కోసం ప్రత్యేక రోజు

కుటుంబానికి అండగా, భరోసాగా నిలిచే తండ్రుల కోసం ప్రతీ ఏటా జరుపుకునే ఫాదర్స్ డే రేపు (జూన్ 21) ప్రపంచవ్యాప్తంగా నిర్వహించనున్నారు. జీవితాంతం కుటుంబ బాధ్యతలను మోస్తూ, పిల్లల భవిష్యత్తు కోసం ఎన్నో త్యాగాలు చేసే నాన్నల ప్రేమ, సేవలను గుర్తుచేసుకునే రోజుగానే ఈ వేడుకను భావిస్తున్నారు.

తండ్రి ప్రేమ ఎక్కువగా మాటల్లో కనిపించకపోయినా, ఆచరణలో, క్రమశిక్షణలో, మార్గదర్శకత్వంలో ప్రతిఫలిస్తుందని కుటుంబ పెద్దలు చెబుతుంటారు. పిల్లలు తప్పుదారి పడకుండా కఠినంగా కనిపించే తండ్రి, అంతర్గతంగా మాత్రం కొండంత ప్రేమను గుండెల్లో దాచుకుని ఉంటాడనే భావన సమాజంలో బలంగా ఉంది. అలాంటి తండ్రుల కోసం ఒక ప్రత్యేక దినోత్సవంగా ఫాదర్స్ డే నిలుస్తోంది.

ఫాదర్స్ డే ను ప్రతి సంవత్సరం జూన్ మూడో ఆదివారం రోజున జరుపుకుంటారు. భారతదేశం సహా అమెరికా, యూకే వంటి అనేక దేశాల్లో ఈ రోజున తండ్రులను గౌరవిస్తూ, వారి ప్రేమ, త్యాగాలను స్మరించుకుంటారు. తండ్రి అంటే కేవలం తండ్రి మాత్రమే కాకుండా, మొదటి హీరో, రక్షకుడు, గురువు, స్నేహితుడిగా ప్రతి ఒక్కరి జీవితంలో కీలక పాత్ర పోషిస్తాడనే భావన విస్తృతంగా ఉంది.

ఈ సందర్భంగా తండ్రి, తాత లేదా తండ్రి స్థానంలో ఉన్న వారికి శుభాకాంక్షలు తెలియజేస్తూ, మెసేజ్‌లు పంపడం, వారికి సమయం కేటాయించడం, ప్రేమను వ్యక్తపరచడం ద్వారా ఈ రోజును ప్రత్యేకంగా మార్చుకోవాలని కుటుంబ సలహాదారులు సూచిస్తున్నారు. చిన్న మెసేజ్, ఫోన్ కాల్ లేదా ప్రత్యక్షంగా కలిసి మాట్లాడటం ద్వారా కూడా తండ్రి హృదయాన్ని సంతోషంతో నింపవచ్చని వారు చెబుతున్నారు.

తండ్రుల గొప్పతనాన్ని ప్రపంచవ్యాప్తంగా పలువురు రచయితలు, ఆలోచనాపరులు తమ మాటల్లో వ్యక్తపరిచారు. తండ్రి పాత్ర, ఆయన హృదయం, పిల్లలపై చూపే ప్రేమ గురించి అనేక ప్రసిద్ధ వ్యాఖ్యలు ప్రాచుర్యంలో ఉన్నాయి. వాటిలో కొన్ని ఈ విధంగా ఉన్నాయి.

ఎవరైనా తండ్రి కావచ్చు, కానీ నాన్న అనడానికి ప్రత్యేక వ్యక్తి కావాలి. — Anne Geddes

నా తండ్రి నాకు ఇచ్చిన అతి గొప్ప బహుమతి – జీవితంపై నాకు నమ్మకం కలిగించడం. — Jim Valvano

తండ్రి హృదయం ప్రకృతి సృష్టించిన అపూర్వ కళాఖండం. — Antoine François Prévost

తండ్రులు సాధారణ మనుషులే కానీ ప్రేమ వారిని హీరోలుగా, సాహసికులుగా మారుస్తుంది. — Pam Brown

ఒక తండ్రి వంద మంది ఉపాధ్యాయులకు సమానం. — George Herbert

ఫాదర్స్ డే 2026 సందర్భంగా పిల్లలు, కుటుంబ సభ్యులు తమ తండ్రులకు శుభాకాంక్షలు తెలుపుతూ, కృతజ్ఞతాభావాన్ని వ్యక్తపరుస్తున్నారు. నాన్నల ఆరోగ్యం, ఆనందం, దీర్ఘాయుష్షు కోసం ఆకాంక్షిస్తూ, ఈ రోజును కుటుంబంతో కలిసి సంతోషంగా గడపాలని చాలా మంది భావిస్తున్నారు.

కుటుంబ బాధ్యతలన్నీ మోస్తూ, పిల్లల భవిష్యత్తు కోసం నిస్వార్థంగా కష్టపడే తండ్రులందరికీ ఈ ఫాదర్స్ డే 2026 శుభాకాంక్షలు తెలియజేస్తున్నారు.