రాయలసీమ న్యూస్, పొలిటికల్ డెస్క్: గత ప్రభుత్వ పాలనలో ఆంధ్రప్రదేశ్ రాష్ట్రానికి ఉన్న బ్రాండ్ ఇమేజ్ దెబ్బతినడంతో పరిశ్రమలు ఇతర ప్రాంతాలకు వెళ్లిపోయాయని ముఖ్యమంత్రి చంద్రబాబు నాయుడు విమర్శించారు. అయితే గత రెండేళ్లలో ఆ దెబ్బతిన్న బ్రాండ్ను తిరిగి తెచ్చి, రాష్ట్రాన్ని పెట్టుబడులకు ఆకర్షణీయ గమ్యస్థానంగా మార్చామని ఆయన పేర్కొన్నారు.
రాష్ట్రంలో పెట్టుబడులు పెట్టేందుకు పరిశ్రమలు మళ్లీ ఆసక్తి చూపుతున్నాయని, పరిశ్రమల వాతావరణం మెరుగుపడుతోందని సీఎం తెలిపారు. ఈ క్రమంలో ప్రముఖ అంతర్జాతీయ సంస్థ Adidas పెట్టుబడుల కోసం పొరుగు రాష్ట్రాలు పోటీ పడినా, చివరకు ఆ పెట్టుబడులు ఆంధ్రప్రదేశ్కే వచ్చినట్లు ఆయన వివరించారు.
ప్రజల కోసం, అభివృద్ధి కోసం ప్రభుత్వం యజ్ఞం చేస్తుంటే, ప్రతిపక్షంగా ఉన్న గొడ్డలి పార్టీ నేతలు రాక్షసుల్లా అడ్డంకులు సృష్టిస్తున్నారని చంద్రబాబు ఆరోపించారు. ప్రజల మద్దతు తమ ప్రభుత్వానికి బలంగా ఉన్నందున అభివృద్ధి ప్రయాణాన్ని ఎవరూ ఆపలేరని, అడ్డుకోలేరని ఆయన స్పష్టం చేశారు.
గత ప్రభుత్వ పాలనలో రాష్ట్రానికున్న బ్రాండ్ చెడగొట్టి పరిశ్రమలను వెళ్లగొట్టారు..! కానీ, ఈ రెండేళ్ల కాలంలో పోయిన బ్రాండ్ ను తిరిగి తెచ్చాం. మన రాష్ట్రంలోనే పెట్టుబడులు పెట్టేందుకు పరిశ్రమలు మొగ్గు చూపుతున్నాయి. 'అడిడాస్' కంపెనీ కోసం పొరుగు రాష్ట్రాలు పోటీ పడినా, మన కుప్పానికే వచ్చింది. ప్రజల కోసం అభివృద్ధి కోసం యజ్ఞం చేస్తుంటే.. గొడ్డలి పార్టీ నేతలు రాక్షసుల్లా అడ్డుపడుతున్నారు. ప్రజల అండ ఉండగా అభివృద్ధిని ఎవరూ ఆపలేరు, అడ్డుకోలేరు.
రాష్ట్రాన్ని పరిశ్రమల కేంద్రంగా, పెట్టుబడులకు అనుకూల గమ్యస్థానంగా తీర్చిదిద్దేందుకు ప్రభుత్వం కృషి కొనసాగిస్తుందని, ఈ దిశగా ఇప్పటికే అనేక రంగాల్లో పురోగతి సాధించామని సీఎం చంద్రబాబు నాయుడు పునరుద్ఘాటించారు.
