రాయలసీమ న్యూస్, ఎంటర్టైన్మెంట్ డెస్క్: సినీప్రియుల దృష్టిని ఆకర్షించిన తాజా చిత్రం ‘టాక్సిక్’. యశ్ ప్రధాన పాత్రలో నటిస్తున్న ఈ చిత్రాన్ని గీతూ మోహన్దాస్ దర్శకత్వంలో రూపొందిస్తున్నారు. ప్రముఖ నటీమణులు కిఅరా అద్వానీ , నయనతార , రుక్మిణి వసంత్ , హుమా ఖురేషి , తార సుతారియా ఈ చిత్రంలో కీలక పాత్రలు పోషిస్తున్నారు.
ఇప్పటికే విడుదలైన పోస్టర్లు ‘టాక్సిక్’పై భారీ అంచనాలు రేకెత్తించాయి. ఈ క్రమంలో తాజాగా చిత్రబృందం ‘తబాహీ..’ అనే గీతాన్ని ప్రేక్షకుల ముందుకు తీసుకొచ్చింది. శక్తివంతమైన సాహిత్యం, ఆధునిక స్వరపరచనతో ఈ పాట ప్రత్యేక ఆకర్షణగా నిలుస్తోంది.
లోకం సంకెళ్లు తెంచేద్దాం.. కాలం పరదాలు కాల్చేద్దాం. మనకై మనమై జీవిద్దాం..
అనే పంక్తులతో సాగుతున్న ఈ గీతానికి ప్రముఖ సాహిత్యకారుడు రామజోగయ్య శాస్త్రి పదాలు అందించారు. సమాజపు బంధనాల నుంచి బయటపడుతూ, స్వయంగా తమ కోసం జీవించాలని పిలుపునిచ్చే భావంతో ఈ పాటను రాశారు. యవతను ఆకట్టుకునేలా, ప్రేరణాత్మకంగా సాహిత్యం ఉండేలా తీర్చిదిద్దినట్లు సినీ వర్గాలు అభిప్రాయపడుతున్నాయి.
ఈ చిత్రాన్ని వెంకట్ K. నారాయణ , యాష్ సంయుక్తంగా నిర్మిస్తున్నారు. భారీ నిర్మాణ వ్యయంతో, సాంకేతిక నిపుణుల బలమైన బృందంతో రూపొందుతున్న ఈ సినిమా పాన్ ఇండియా స్థాయిలో విడుదల కానుంది. యశ్ కెరీర్లో మరో మైలురాయిగా నిలుస్తుందనే నమ్మకంతో అభిమానులు ఎదురుచూస్తున్నారు.
‘టాక్సిక్’ ఆగస్టు 26న థియేటర్లలో విడుదల కానుంది. ఇప్పటికే ప్రచార చిత్రాలు, పోస్టర్లు, ఇప్పుడు ‘తబాహీ’ పాట విడుదలతో సినిమాపై ఆసక్తి మరింతగా పెరిగింది. విడుదల తేదీ సమీపిస్తున్న కొద్దీ మరిన్ని ప్రచార కార్యక్రమాలు చేపట్టేందుకు చిత్రబృందం సన్నాహాలు చేస్తోంది.
సినిమా కథ, పాత్రల వివరాలను గోప్యంగా ఉంచినప్పటికీ, నటీనటుల ఎంపిక, సాంకేతిక బృందం, ప్రచార సామగ్రి చూస్తే ‘టాక్సిక్’ ఒక విభిన్నమైన యాక్షన్–డ్రామా చిత్రంగా ఉండబోతుందనే అంచనాలు వ్యక్తమవుతున్నాయి. ముఖ్యంగా యశ్ కొత్త లుక్, పాత్ర రూపకల్పనపై అభిమానుల్లో ఆసక్తి నెలకొంది.
సంగీతం, సాహిత్యం, విజువల్స్ సమ్మేళనంగా వచ్చిన ‘తబాహీ’ గీతం, సినిమా విడుదలకు ముందే ‘టాక్సిక్’కు అదనపు బజ్ తీసుకొచ్చిందని సినీ విశ్లేషకులు భావిస్తున్నారు.
