రాయలసీమ న్యూస్, ఎంటర్‌టైన్‌మెంట్ డెస్క్: ‘‘మన సంస్కృతి, మన మూలాల్ని తర్వాతి తరాలకు పరిచయం చేయాలనే ప్రయత్నమే ‘నాగబంధం’’ అని దర్శకుడు అభిషేక్ నామా తెలిపారు. ఆయన దర్శకత్వంలో రూపొందుతున్న ఈ పాన్ ఇండియా చిత్రంలో విరాట్ కర్ణ కథానాయకుడిగా నటిస్తున్నారు. కిశోర్‌ అన్నపురెడ్డి, నిశిత నాగిరెడ్డి ఈ సినిమాను నిర్మిస్తున్నారు. నభా నటేశ్, ఐశ్వర్య మేనన్ కథానాయికలుగా నటిస్తున్నారు.
ఈ చిత్రం జూలై 3న ప్రేక్షకుల ముందుకు రానుంది. విడుదల తేదీ సమీపిస్తున్న నేపథ్యంలో చిత్రబృందం ప్రమోషన్లను వేగవంతం చేసింది. ఈ క్రమంలోనే సినిమా కాన్సెప్ట్‌కు అనుగుణంగా శనివారం హైదరాబాద్‌లో అనంత పద్మనాభస్వామి వారి రథయాత్రను ప్రారంభించారు. ఈ కార్యక్రమానికి చిత్ర యూనిట్ సభ్యులు హాజరయ్యారు.
చిత్రం కోసం రెండు సంవత్సరాలుగా కృషి చేస్తున్నట్టు యూనిట్ వర్గాలు పేర్కొన్నాయి. కథ, నిర్మాణ విలువలు, సాంకేతిక నాణ్యత పరంగా ప్రత్యేకతను సంతరించుకునేలా చిత్రాన్ని రూపొందిస్తున్నట్టు సమాచారం. పాన్ ఇండియా స్థాయిలో విడుదల కానున్న ఈ సినిమా కోసం తెలుగు సహా ఇతర భాషల ప్రేక్షకుల్లోనూ ఆసక్తి నెలకొంది.
రథయాత్ర ప్రారంభోత్సవం సందర్భంగా చిత్రబృందం భక్తులతో కలిసి ప్రత్యేక ప్రార్థనలు చేసింది.
సినిమా షూటింగ్‌ కార్యక్రమాలు పూర్తయ్యాయి. ప్రస్తుతం పోస్ట్‌ ప్రొడక్షన్‌ పనులు జరుగుతున్నాయి. విజువల్‌ ఎఫెక్ట్స్‌, బ్యాక్‌గ్రౌండ్‌ స్కోర్‌ వంటి అంశాలపై ప్రత్యేక శ్రద్ధ తీసుకుంటున్నట్టు యూనిట్ వర్గాలు చెబుతున్నాయి. జూలై 3న థియేటర్లలో విడుదలకు సన్నాహాలు జరుగుతున్నాయి.
