రాయలసీమ న్యూస్, ఎంటర్టైన్మెంట్ డెస్క్:
‘వారణాసి’ సెట్స్లో రాజమౌళి కష్టానికి ఫిదా అయిన పృథ్వీరాజ్
హైదరాబాద్: దర్శకుడు SS రాజమౌళి గురించి, తనతో చేస్తున్న తాజా చిత్రం ‘వారణాసి’ షూటింగ్ అనుభవాల గురించి నటుడు ప్రిథ్వీరాజ్ సుకుమారం ఆసక్తికర విషయాలు వెల్లడించారు. మహేష్ బాబు హీరోగా, రాజమౌళి దర్శకత్వంలో రూపొందుతున్న ఈ భారీ చిత్రంలో ప్రిథ్వీరాజ్ , Kumbh అనే పాత్రలో ప్రతినాయకుడిగా కనిపించనున్నారు. ఇటీవల ఓ హాలీవుడ్ మీడియాకు ఇచ్చిన ఇంటర్వ్యూలో ఆయన తన అనుభవాలను పంచుకున్నారు.
ప్రిథ్వీరాజ్ మాట్లాడుతూ, గతంలో మోహన్ లాల్ దర్శకత్వంలో వచ్చిన ‘Barroz’ చిత్రంలో చిన్న పాత్ర కోసం వారం రోజులపాటు షూటింగ్లో పాల్గొన్నానని, ఆ తర్వాత కొన్ని కారణాల వల్ల ఆ ప్రాజెక్ట్ నుంచి తప్పుకున్నానని గుర్తుచేసుకున్నారు. మోహన్ లాల్ తర్వాత రాజమౌళి కూడా తనకు గొప్ప నటుడిగా అనిపించారని ఆయన వివరించారు.
సెట్స్లో ఏ సన్నివేశం వివరించాలన్నా రాజమౌళి ఆ పాత్రలో పూర్తిగా లీనమై, ఆ సీన్కు అవసరమైన భావోద్వేగాలను తన ముఖ కవళికలతో చూపిస్తారని ప్రిథ్వీరాజ్ పేర్కొన్నారు. ఆ సన్నివేశం ఎలా చేయాలి, ఎలాంటి ఎమోషన్స్ అవసరమో నటులకు అర్థమయ్యేలా ఆయన పాత్రలో జీవించి చూపుతారని చెప్పారు.
కొన్ని సందర్భాల్లో రాజమౌళి వివరించిన సన్నివేశాలు తాను వెంటనే అర్థం చేసుకోలేకపోయిన సందర్భాలు ఉన్నాయని, ఆయన విజన్కి, తన నటనకి మధ్య సెట్స్లో చిన్నపాటి పోరాటం జరిగేదని ప్రిథ్వీరాజ్ వ్యాఖ్యానించారు. అయినప్పటికీ రాజమౌళి పై నమ్మకంతో ఆయన చెప్పినట్లే నటించేవాడినని, తర్వాత ఎడిటింగ్ టేబుల్పై అవుట్పుట్ చూసినప్పుడు ఆయన ఆలోచనల గొప్పతనం అర్థమయ్యేదని తెలిపారు.
రాజమౌళి తో పనిచేయడం వల్ల నటుడిగా, దర్శకుడిగా, వ్యక్తిగా తాను ఎంతో పరిణతి సాధించానని ప్రిథ్వీరాజ్ అభిప్రాయపడ్డారు. ఆయనతో పని చేసే అవకాశం దక్కడం చాలా సంతోషంగా ఉందని అన్నారు.
రాజమౌళి పని తీరు గురించి మాట్లాడుతూ, ఇప్పటివరకు తనలాంటి కష్టపడే దర్శకుడిని చూడలేదని ప్రిథ్వీరాజ్ పేర్కొన్నారు. ఉదయం 7 గంటలకు మొదటి షాట్ ఉంటే రాజమౌళి ఇప్పటికే 5:15 గంటలకే సెట్స్కు చేరుకుని, తన సహాయకులతో కలిసి కనీసం 12 సార్లు రిహార్సల్స్ పూర్తి చేసి, కెమెరా, క్రేన్లను సిద్ధం చేస్తారని చెప్పారు. మహేష్ బాబు , ప్రియాంక , తాను సెట్స్కు వచ్చే సమయానికి అన్ని ఏర్పాట్లు పూర్తయ్యి ఉంటాయని వివరించారు.
లంచ్ విరామం కూడా కేవలం 20 నిమిషాలకే పరిమితమైపోతుందని, రాజమౌళి ప్రతి సినిమాను తన మొదటి చిత్రంలా భావించి కష్టపడతారని ప్రిథ్వీరాజ్ తెలిపారు. మొదటి సినిమా అవకాశం కోసం 20–30 ఏళ్లు ఎదురుచూసి, ఇప్పుడు ఆ ఛాన్స్ దక్కిన కొత్త దర్శకుడిలా ఆయన సెట్స్లో కనిపిస్తారని వ్యాఖ్యానించారు.
ఒక్కో సన్నివేశాన్ని 90 టేక్స్ వరకు కూడా తీసిన సందర్భాలు ఉన్నాయని, ఉదయం 5 గంటలకు ప్రారంభించిన షూటింగ్ రాత్రి వరకూ కొనసాగుతుందని ప్రిథ్వీరాజ్ చెప్పారు. రాజమౌళి అనుకున్న స్థాయిలో సీన్ రాకపోతే మరుసటి రోజు కూడా అదే సన్నివేశాన్ని మళ్లీ చిత్రీకరిస్తారని ఆయన వివరించారు.
