రాయలసీమ న్యూస్, స్పోర్ట్స్ డెస్క్: భారత క్రికెట్ జట్టు యువ ఫాస్ట్ బౌలర్ అర్ష్‌దీప్ సింగ్ తన ప్రేమ సంబంధాన్ని బహిరంగంగా ప్రకటించారు. ఇన్‌స్టాగ్రామ్‌లో నటి, మోడల్ సమ్రీన్ కౌర్‌తో కలిసి దిగిన రెండు ఫోటోలను పంచుకుంటూ “My Person” అనే క్యాప్షన్ ఇవ్వడంతో, గత కొన్ని వారాలుగా వినిపిస్తున్న డేటింగ్ వార్తలకు ముగింపు పలికినట్టైంది. ఈ పోస్టుకు అభిమానుల నుంచి శుభాకాంక్షలు వెల్లువెత్తుతున్నాయి.
My Person
అర్ష్‌దీప్, సమ్రీన్ మధ్య ప్రేమ సంబంధం ఉందన్న వార్తలు ఐపీఎల్ 2026 సీజన్ సమయంలోనే మొదలయ్యాయి. ఇద్దరూ కలిసి ఉన్నట్లు కనిపించిన ఒక Snapchat ఫోటో సోషల్ మీడియాలో వైరల్ కావడంతో ఈ ప్రచారం మరింత వేగం అందుకుంది. ఆ తర్వాత ఇద్దరి సోషల్ మీడియా పోస్టుల్లో కనిపించిన టాటూలు, దుస్తులు, యాక్సెసరీలను అభిమానులు పోల్చి చూస్తూ, వారు రిలేషన్‌షిప్‌లో ఉన్నారనే ఊహాగానాలు గట్టిగా వినిపించాయి.
ఇదే సమయంలో సమ్రీన్ కౌర్ పంజాబ్ Kings మ్యాచ్‌లకు పలుమార్లు హాజరయ్యారు. ముంబైలోని Wankhede Stadiumలో జరిగిన మ్యాచ్‌తో పాటు చండీగఢ్‌లో జరిగిన పలు మ్యాచ్‌లలో కూడా ఆమె స్టేడియంలో ప్రత్యక్షమై జట్టును ప్రోత్సహిస్తూ కనిపించారు. దీంతో అర్ష్‌దీప్, సమ్రీన్ ప్రేమలో ఉన్నారన్న వార్తలు మరింత బలపడ్డాయి. చివరకు అర్ష్‌దీప్ స్వయంగా ఇన్‌స్టాగ్రామ్‌లో సమ్రీన్‌తో కలిసి ఫోటోలను పంచుకోవడంతో ఇద్దరి ప్రేమ బంధం అధికారికంగా బయటపడింది.
సమ్రీన్ కౌర్ 1999 సెప్టెంబర్ 7న Jammu Kashmirలో జన్మించారు. ఆమె Puneలోని Symbiosis College of Arts and Commerceలో B.Com (Honours) పూర్తి చేశారు. చదువు అనంతరం మోడలింగ్, నటన రంగాల్లోకి అడుగుపెట్టారు. 2018లో జరిగిన Femina Miss India పోటీల్లో Jammu Kashmirకు ప్రాతినిధ్యం వహించి ఫైనలిస్ట్‌గా నిలిచారు. ఆ పోటీ ద్వారా ఆమెకు మోడలింగ్ అవకాశాలు లభించగా, తర్వాత సినీ రంగంలోకి ప్రవేశించారు.
సినిమాలు, వెబ్ సిరీస్‌లు, మ్యూజిక్ వీడియోల ద్వారా సమ్రీన్ కౌర్ మంచి గుర్తింపు సంపాదించారు. ఆమె ZEE5 వెబ్ సిరీస్ ‘Nail Polish’లో నటించారు. అలాగే ’83’, ‘Sardaar Ji 2’ వంటి చిత్రాల్లో కూడా కనిపించారు. అంతేకాకుండా ప్రముఖ గాయకులు Jubin Nautiyal, Badshah, Guru Randhawaలతో కలిసి రూపొందిన పలు మ్యూజిక్ వీడియోల్లో నటించారు. ముఖ్యంగా ‘Bawla’, ‘Tujhe Bhoolna Toh Chaha’ వంటి పాటలతో ఆమెకు మంచి ఫాలోయింగ్ ఏర్పడింది. సోషల్ మీడియాలో సమ్రీన్‌కు లక్షలాదిమంది అభిమానులు ఉండగా, తన ఫ్యాషన్, ట్రావెల్, ప్రొఫెషనల్ అప్‌డేట్స్‌ను తరచూ అభిమానులతో పంచుకుంటూ ఉంటారు.
గతంలో సమ్రీన్ కౌర్ పేరు ప్రముఖ YouTuber Ashish Chanchlaniతో కూడా జోడీగా వినిపించింది. అయితే ఆ ప్రచారంపై ఇద్దరూ స్పందిస్తూ, తాము మంచి స్నేహితులమే తప్ప ప్రేమలో లేమని స్పష్టం చేశారు. అనంతరం వ్యక్తిగత కారణాల వల్ల తమ స్నేహంలో మార్పులు వచ్చినప్పటికీ, ఒకరిపై ఒకరికి పరస్పర గౌరవం కొనసాగుతోందని సమ్రీన్ వెల్లడించిన విషయం అప్పట్లో వార్తల్లో నిలిచింది.
