రాయలసీమ న్యూస్, పొలిటికల్ డెస్క్:

‘సేన గళం’ పేరుతో ఐదు రాష్ట్రాల నేతలతో భేటీ

ఆంధ్రప్రదేశ్ ఉప ముఖ్యమంత్రి, జనసేన పార్టీ అధ్యక్షుడు పవన్ కళ్యాణ్ నేడు ఢిల్లీ పర్యటనకు వెళ్లనున్నారు. పార్టీ విస్తరణతో పాటు జాతీయ స్థాయిలో జనసేన భావజాలాన్ని ప్రజలకు చేరవేయాలనే లక్ష్యంతో ఈ పర్యటనకు ప్రత్యేక ప్రాధాన్యత లభించింది. ఢిల్లీలో నిర్వహించే పలు కీలక కార్యక్రమాల్లో పవన్ కళ్యాణ్ పాల్గొననున్నారు.

మంగళగిరిలోని క్యాంపు కార్యాలయం నుంచి మధ్యాహ్నం 3:45 గంటలకు పవన్ కళ్యాణ్ బయలుదేరనున్నారు. సాయంత్రం 4:25 గంటలకు గన్నవరం విమానాశ్రయానికి చేరుకుని, అక్కడి నుంచి 4:30 గంటలకు విజయవాడ విమానాశ్రయం నుంచి ప్రత్యేక విమానంలో ఢిల్లీకి ప్రయాణం కానున్నారు. రాత్రి 6:40 గంటలకు ఢిల్లీ అంతర్జాతీయ విమానాశ్రయానికి చేరుకున్న తర్వాత నేరుగా Taj హోటల్‌కు వెళ్లే కార్యక్రమం ఉంది.

ఢిల్లీలో జనసేన పార్టీకి చెందిన ఐదు రాష్ట్రాల ముఖ్య నాయకులతో పవన్ కళ్యాణ్ సమావేశం కానున్నారు. పార్టీ భవిష్యత్ కార్యాచరణ, సంస్థాగత బలోపేతం, వివిధ రాష్ట్రాల్లో జనసేన విస్తరణ వంటి అంశాలపై ఈ సమావేశంలో చర్చించే అవకాశం ఉందని పార్టీ వర్గాలు సూచిస్తున్నాయి. అలాగే పార్టీ నేతలు, కార్యకర్తలకు దిశానిర్దేశం చేస్తూ పవన్ కీలక సూచనలు ఇవ్వనున్నట్లు సమాచారం.

ఈ పర్యటనలో భాగంగా India Gate సమీపంలో నిర్వహించనున్న ప్రత్యేక కార్యక్రమంలో పవన్ కళ్యాణ్ పాల్గొననున్నారు. ‘సేన గళం’ పేరుతో జరగనున్న ఈ కార్యక్రమం ద్వారా జనసేన సిద్ధాంతాలు, లక్ష్యాలను దేశ ప్రజలకు వివరించనున్నట్లు పార్టీ వర్గాలు వెల్లడిస్తున్నాయి. జాతీయ రాజకీయాల్లో జనసేన పాత్ర, ప్రజా సమస్యలపై పార్టీ వైఖరిని కూడా ఈ వేదికగా పవన్ కళ్యాణ్ వివరించే అవకాశం ఉన్నట్లు చెబుతున్నారు.

పవన్ కళ్యాణ్ ఢిల్లీ పర్యటనకు ప్రాధాన్యత పెరగడానికి మరో కారణంగా రాష్ట్రం నలుమూలల నుంచి భారీ సంఖ్యలో జనసేన నాయకులు ఢిల్లీకి వెళ్లడం నిలిచింది. సుమారు 150 మంది జనసేన ముఖ్య నేతలు ఈ పర్యటనలో పాల్గొననున్నారు. వీరిలో MPs, MLAs, MLCs, కార్పొరేషన్ చైర్మన్లు, పార్టీ కీలక నాయకులు ఉన్నారు.

Delhiలోని Ashok హోటల్‌లో నిర్వహించనున్న సమావేశంలో పార్టీ శ్రేణులకు పవన్ కళ్యాణ్ ప్రత్యేకంగా మార్గనిర్దేశం చేయనున్నారు. పార్టీ బలోపేతం, భవిష్యత్ రాజకీయ వ్యూహాలు, ప్రజల్లో మరింతగా చొచ్చుకుపోయే కార్యాచరణపై ఈ సమావేశంలో చర్చించనున్నట్లు పార్టీ వర్గాలు తెలియజేస్తున్నాయి.

నేటి నుంచి ఈ నెల 16వ తేదీ వరకు జనసేన నాయకులు ఢిల్లీలో పలు కార్యక్రమాల్లో పాల్గొననున్నారు. జనసేన జాతీయ విస్తరణ దిశగా ఈ ఢిల్లీ పర్యటనను కీలక అడుగుగా రాజకీయ వర్గాలు విశ్లేషిస్తున్నాయి.