రాయలసీమ న్యూస్, పొలిటికల్ డెస్క్:
ఆక్వా ఫీడ్ ధరలపై వైయస్ జగన్ అల్టిమేటం
ఆంధ్రప్రదేశ్‌లో ఆక్వా ఫీడ్ ధరల పెరుగుదలపై రాష్ట్ర ప్రభుత్వం తక్షణ చర్యలు తీసుకోవాలని వైస్సార్సీపీ రాష్ట్ర అధ్యక్షుడు వైయస్. జగన్ మోహన్ రెడ్డి డిమాండ్ చేశారు. రైతులపై అదనపు భారం పడకుండా చూడాలని, ప్రభుత్వం నిర్లక్ష్యం చేస్తే తీవ్ర ఉద్యమానికి దిగేందుకు సిద్ధంగా ఉన్నట్లు తెలిపారు. పెంచిన ఫీడ్ ధరలను ఈ నెల చివర లోపు తగ్గించాలని లేకుంటే జూలై 1 లేదా 2 న ఆందోళన చేస్తామని అయన ప్రభుత్వాన్ని హెచ్చరించారు. తాడేపల్లి వైస్సార్సీపీ కార్యాలయంలో ఆక్వా రైతులు జగన్ తో భేటీ అయ్యారు. ఆక్వా సమస్యలను వివరించారు.
ఆక్వా రంగం రాష్ట్ర ఆర్థిక వ్యవస్థలో కీలక పాత్ర పోషిస్తోందని, ఇలాంటి సమయంలో ఫీడ్ ధరలు పెరగడం వల్ల చిన్న, మధ్య తరహా ఆక్వా రైతులు తీవ్ర ఇబ్బందులు ఎదుర్కొంటున్నారని ఈ సందర్భంగా వైయస్ జగన్ అభిప్రాయపడ్డారు. ఆక్వా ఫీడ్ ధరల నియంత్రణపై ప్రభుత్వం స్పష్టమైన విధానాన్ని ప్రకటించాలని ఆయన డిమాండ్ చేసినట్లు సమాచారం.
ఆక్వా ఫీడ్ ధరల పెరుగుదలపై ప్రభుత్వం ఇప్పటివరకు తీసుకున్న చర్యలపై కూడా వైయస్ జగన్ ప్రశ్నలు లేవనెత్తినట్లు రైతులు పేర్కొన్నారు. రైతుల సమస్యలను పట్టించుకోకుండా ప్రభుత్వం మౌనంగా ఉండటం ఆమోదయోగ్యం కాదని ఆయన అభిప్రాయపడ్డారని తెలిపారు.
ఆక్వా రంగానికి అవసరమైన ముడి సరుకుల ధరలు, ఉత్పత్తి వ్యయాలు, మార్కెట్ పరిస్థితులను సమగ్రంగా పరిశీలించి, రైతులకు నష్టం కలగకుండా ఫీడ్ ధరలను నియంత్రించే బాధ్యత ప్రభుత్వంపై ఉందని వైయస్ జగన్ భావిస్తున్నట్లు పార్టీ వర్గాలు తెలియజేశాయి. ఈ విషయంలో ప్రభుత్వం తక్షణ నిర్ణయం తీసుకోవాలని ఆయన కోరినట్లు తెలిపారు.
రైతుల ప్రయోజనాలను కాపాడేందుకు అవసరమైతే ఆక్వా రైతు సంఘాలు, సంబంధిత సంఘటనలతో కలిసి రాష్ట్రవ్యాప్తంగా ఆందోళనలు చేపట్టే అవకాశమున్నట్లు వైఎస్సార్‌సీపీ వర్గాలు సూచిస్తున్నాయి. ప్రభుత్వం స్పందించకపోతే సమస్య మరింత తీవ్రమవుతుందని, ఆక్వా రంగం మొత్తం సంక్షోభంలోకి వెళ్లే ప్రమాదం ఉందని వారు హెచ్చరిస్తున్నారు.
ఆక్వా ఫీడ్ ధరల సమస్యపై ప్రభుత్వం త్వరితగతిన నిర్ణయం తీసుకుని, రైతులకు భరోసా కల్పించాలని వైఎస్సార్‌సీపీ నేతలు కోరుతున్నారు. ఈ అంశంపై అధికార పార్టీ వైఖరిని రాష్ట్ర ప్రజలు గమనిస్తున్నారని, రైతుల పక్షాన నిలబడే బాధ్యత ప్రభుత్వం మీద ఉందని వారు పేర్కొంటున్నారు.
