రాయలసీమ న్యూస్, స్పోర్ట్స్ డెస్క్: ఐదు సార్లు ఇండియన్ ప్రీమియర్ లీగ్ టైటిల్ గెలుచుకున్న చెన్నై సూపర్ కింగ్స్ జట్టు గత మూడు సీజన్లుగా ఆశించిన స్థాయిలో రాణించలేకపోతోంది. ముఖ్యంగా ఐపీల్ 2026లో జట్టు ప్రదర్శనపై అభిమానుల్లో నిరాశ వ్యక్తమవుతోంది. ఈ నేపథ్యంలో జట్టు సారథి ఋతురాజ్ గైక్వాడ్ తమ వైఫల్యానికి గాయాలే ప్రధాన కారణమని స్పష్టం చేశాడు.
ఇటీవల ఇచ్చిన ఓ ఇంటర్వ్యూలో ఋతురాజ్ గైక్వాడ్ మాట్లాడుతూ, గత రెండు సంవత్సరాలుగా చెన్నై సూపర్ కింగ్స్ ఆట తాము ఊహించిన విధంగా సాగలేదని పేర్కొన్నాడు. ఇందుకు పలు కారణాలు ఉన్నాయని, ముఖ్యంగా కీలక ఆటగాళ్ల గాయాలు, వ్యక్తిగత కారణాలతో జట్టుకు దూరమవడం ప్రభావం చూపిందని వివరించాడు. IPL 2025 సీజన్లో తాను కెప్టెన్గా ఉన్నప్పటికీ కొన్ని మ్యాచ్లకు దూరమవాల్సి వచ్చిందని గుర్తుచేశాడు.
‘‘గత రెండేళ్లు మేం అనుకొన్న విధంగా మా ఆట సాగలేదు. దీని వెనుక అనేక కారణాలు ఉన్నాయి. ఐపీఎల్ 2025 సీజన్లో నేను కెప్టెన్గా ఉండి మరీ కొన్ని మ్యాచులకు దూరం కావాల్సి వచ్చింది. దాదాపు నలుగురైదుగురు ప్లేయర్లు సీజన్ మొత్తం ఆడలేకపోయారు. గాయాలు, ఇతర వ్యక్తిగత కారణాలతో ఇలాంటి పరిస్థితి ఎదురైంది. మా జట్టు మాత్రమే కాదు.. గత రెండుసార్లు విజేతగా నిలిచిన ఆర్సీబీ అయినా సరే కీలకమైన నలుగురు ఆటగాళ్లు లేకపోతే చాలా ఇబ్బంది పడుతుంది. కానీ, బయట నుంచి కామెంట్లు చేసే వారు మాత్రం దాని గురించి మాట్లాడరు. ప్రతి సీజన్లోనూ సీఎస్కే నుంచి ఫ్యాన్స్ విజయాలనే కోరుకుంటారు. దాదాపు 16 ఎడిషన్లలో అద్భుతమైన ఆటతీరు ప్రదర్శించాం. కొన్నిసార్లు మనం అనుకున్న విధంగా ఫలితాలు రావు’’
అలాగే ఈసారి జట్టు పరిస్థితి కొంత మెరుగ్గా ఉన్నప్పటికీ, కీలక ఆటగాళ్ల లేమి ప్రభావం తప్పలేదని ఋతురాజ్ గైక్వాడ్ పేర్కొన్నాడు. మాజీ కెప్టెన్ మాస్ ధోని పూర్తిగా అందుబాటులో లేకపోవడం, ఆయుష్ బాధొని , దేవాల్డ్ బ్రెవిస్ వంటి ఆటగాళ్లు కొన్ని మ్యాచ్లకు దూరమవడం జట్టుకు నష్టమైందని అభిప్రాయపడ్డాడు.
‘‘2025 ఐపీఎల్ సీజన్తో పోలిస్తే ఈసారి మా పరిస్థితి నయం. చాలా అంశాల్లో మెరుగ్గా కనిపించాం. అయితే ధోని పూర్తిగా లేకపోవడం.. ఆయుష్ మాత్రే, డేవాల్డ్ బ్రెవిస్ కొన్ని మ్యాచులకు దూరం కావడం నష్టమే చేసింది. వచ్చే సీజన్ నాటికి పరిస్థితులన్నీ చక్కబడతాయని భావిస్తున్నాం. మరింత ఉత్సాహంగా బరిలోకి దిగుతాం’’
చెన్నై సూపర్ కింగ్స్ గతంలో 16 ఎడిషన్లలో ఎక్కువ భాగం స్థిరమైన ప్రదర్శన కనబరిచిన జట్టుగా గుర్తింపు తెచ్చుకుంది. అయితే ఇటీవల సీజన్లలో గాయాలు, జట్టు కూర్పులో మార్పులు, కీలక ఆటగాళ్ల అందుబాటులో లేకపోవడం వంటి అంశాలు ఫలితాలపై ప్రతికూల ప్రభావం చూపుతున్నాయని క్రికెట్ వర్గాలు విశ్లేషిస్తున్నాయి.
తదుపరి సీజన్ నాటికి పరిస్థితులు సాధారణ స్థితికి వస్తాయని, మరింత బలమైన జట్టుతో మైదానంలోకి దిగేందుకు ప్రయత్నాలు కొనసాగుతున్నాయని ఋతురాజ్ గైక్వాడ్ వ్యాఖ్యలు సూచిస్తున్నాయి.
