రాయలసీమ న్యూస్, నేషనల్ డెస్క్:

‘‘బొద్దింకతో పెట్టుకోకండి’’: CJP అభిజీత్ దీప్కే

నీట్ పరీక్షల వివాదం నేపథ్యంలో కేంద్ర విద్యాశాఖ మంత్రి ధర్మేంద్ర ప్రధాన్ తన పదవికి రాజీనామా చేశారు. ఆయన రాజీనామా లేఖను ప్రధాని నరేంద్రమోడీకి పంపినట్లు అధికారిక వర్గాలు వెల్లడించాయి. విద్యార్థుల భవిష్యత్తు న్యాయపరమైన అంశాల్లో చిక్కుకోకూడదని, దేశ విద్రోహశక్తులకు అవకాశం ఇవ్వకూడదనే ఉద్దేశంతో రాజీనామా చేస్తున్నట్లు ప్రధాన్ ప్రకటించినట్లు సమాచారం.

ధర్మేంద్ర ప్రధాన్ రాజీనామా ప్రకటించిన కొద్దిసేపటికే ఢిల్లీలోని జంతర్ మంతర్ వద్ద యువత భారీగా గుమికూడింది. అక్కడ యువత సంబరాలు చేసుకుంటూ నినాదాలు చేస్తూ కనిపించింది. నీట్ వ్యవహారంపై గత కొంతకాలంగా కొనసాగుతున్న నిరసనల మధ్య ఈ రాజీనామా రాజకీయంగా ప్రాధాన్యం సంతరించుకుంది.

జంతర్ మంతర్ వద్ద జరిగిన కార్యక్రమంలో SJP ఫౌండర్ అభిజిత్ దీప్కే పాల్గొన్నారు. ప్రధాన్ రాజీనామా అనంతరం అక్కడ మీడియాతో మాట్లాడుతూ నీట్ వ్యవహారంపై, కేంద్ర నిర్ణయంపై స్పందించారు.

ప్రపంచం తల వంచుతుంది, దానిని వచ్చే వారు కావాలి

అని అభిజిత్ దీప్కే వ్యాఖ్యానించారు. ఆయన వ్యాఖ్యలు అక్కడ ఉన్న యువతలో ఉత్సాహాన్ని రేకెత్తించాయి. నీట్ వ్యవహారంలో బాధ్యత వహిస్తూ కేంద్ర మంత్రి రాజీనామా చేయడం ప్రజాస్వామ్య వ్యవస్థలో ఒక ముఖ్య పరిణామంగా ఆయన అభిప్రాయపడ్డారు.

రాజీనామా అనంతరం కాక్‌రోచ్ జనతా పార్టీ (SJP) కూడా సామాజిక మాధ్యమ వేదిక X ద్వారా స్పందించింది. పార్టీ అధికారిక ఖాతా నుంచి విద్యార్థుల పోరాటానికి మద్దతు తెలుపుతూ ఒక సందేశం పోస్ట్ చేసింది.

విద్యార్థి శక్తి వర్ధిల్లాలి

అని SJP తన ట్వీట్‌లో పేర్కొంది. నీట్ వ్యవహారంలో విద్యార్థుల ఆందోళనలే ఈ పరిణామాలకు దారితీశాయని పార్టీ వర్గాలు భావిస్తున్నాయి.

జంతర్ మంతర్ వద్ద యువతతో కలిసి అభిజిత్ దీప్కే కూడా కొంతసేపు ఉన్నారు. అక్కడ జరిగిన సమావేశంలో ఆయన మరోసారి ప్రజాస్వామ్య వ్యవస్థ ప్రాముఖ్యతను ప్రస్తావించారు.

ఇదే ప్రజాస్వామ్యం, ఆయన రాజీనామా చేశారు. గుర్తుంచుకోండి. కాక్‌రోచ్‌తో పెట్టుకోవద్దు

అని దీప్కే వ్యాఖ్యానించారు. ఆయన వ్యాఖ్యలు రాజకీయ వర్గాల్లో చర్చనీయాంశంగా మారాయి.

ఇదిలా ఉండగా, కేంద్రం–SJP మధ్య జరగాల్సిన మూడో విడత చర్చలకు కొన్ని గంటల ముందే ధర్మేంద్ర ప్రధాన్ రాజీనామా ప్రకటించడం గమనార్హం. ఈ పరిణామంతో ఆ చర్చల భవితవ్యంపై అనిశ్చితి నెలకొంది. నీట్ వ్యవహారంపై కేంద్రం తీసుకునే తదుపరి నిర్ణయాలపై దేశవ్యాప్తంగా విద్యార్థులు, తల్లిదండ్రులు దృష్టి సారించారు.