రాయలసీమ న్యూస్, వై.యస్.ఆర్: గండికోట పర్యాటక ప్రాంతంలో పారిశుద్ధ్యం, సెప్టేజ్ సరఫరా, వ్యర్థాల నిర్వహణతో పాటు సంబంధిత పనుల నిర్వహణ కోసం సీల్డ్ టెండర్లను ఆహ్వానిస్తున్నట్లు జిల్లా కలెక్టర్ డా. శ్రీధర్ చెరుకూరి తెలిపారు. ఈ పనుల అంచనా వ్యయం రూ.8.40 లక్షలుగా నిర్ణయించినట్లు వెల్లడించారు.
టెండర్లో పాల్గొనదలచిన కాంట్రాక్టర్లు రూ.50 వేల ప్రాసెసింగ్ ఫీజు, రూ.5 లక్షల ఈఎండీని సమర్పించాల్సి ఉంటుందని కలెక్టర్ వివరించారు. రెండు కవర్ల విధానంలో సాంకేతిక, ఆర్థిక బిడ్లను స్వీకరించనున్నట్లు తెలిపారు.
ఆగస్టు 28 సాయంత్రం 5 గంటల వరకు టెండర్ పత్రాలను సమర్పించేందుకు అవకాశం ఉంటుందని ఆయన చెప్పారు. టెండర్కు సంబంధించిన పూర్తి వివరాలు కడప జిల్లా అధికారిక వెబ్సైట్ kadapa.ap.gov.inలో లభ్యమవుతాయని తెలిపారు. అదేవిధంగా జిల్లా పర్యాటక శాఖ అధికారి కార్యాలయంలోనూ, ఫోన్ నంబర్ 6309942030 ద్వారా కూడా వివరాలు తెలుసుకోవచ్చని పేర్కొన్నారు.
గండికోట పర్యాటక ప్రాంతంలో పారిశుద్ధ్య, వ్యర్థాల నిర్వహణ పనులు స్వచ్ఛ భారత్ మిషన్-2.0, ఘన వ్యర్థాల నిర్వహణ నిబంధనలు-2016కు అనుగుణంగా చేపట్టాల్సి ఉంటుందని కలెక్టర్ స్పష్టం చేశారు. పర్యాటక ప్రాంతంలో శుభ్రత, పారిశుద్ధ్య ప్రమాణాలు మెరుగుపడేలా ఈ టెండర్ ప్రక్రియను చేపడుతున్నట్లు అధికార వర్గాలు సూచిస్తున్నాయి.
