రాయలసీమ న్యూస్, వై.యస్.ఆర్: ప్రొద్దుటూరు పట్టణంలో ముస్లింల పవిత్ర పండుగ మీలాద్ ఉన్ నభీ, మౌళిద్ సందర్భంగా స్థానిక ఆశార్ షరీఫ్ వద్ద ప్రత్యేక కార్యక్రమాలు నిర్వహించారు. ఈ సందర్భంగా ప్రొద్దుటూరు మున్సిపల్ కమీషనర్ తూతిక శ్రీనివాస విశ్వనాధ్ ఆశార్ షరీఫ్ ను సందర్శించారు.
అంజుమాన్ కమిటీ సభ్యుల ఆహ్వానం మేరకు కమీషనర్ ఆశార్ షరీఫ్ లో గంధం వేడుకలు జరుగుతున్న ప్రదేశాన్ని పరిశీలించారు. అనంతరం అక్కడికి వచ్చిన ముస్లిం భక్తులతో మమేకమై మాట్లాడారు. ముస్లిం సోదరులకు మీలాద్ ఉన్ నభీ, మౌళిద్ పండుగ శుభాకాంక్షలు తెలియజేశారు.
సందర్భంగా అంజుమాన్ కమిటీ సభ్యులు ముస్లిం సాంప్రదాయ పద్ధతిలో కమీషనర్ తూతిక శ్రీనివాస విశ్వనాధ్ కు ఘన సత్కారం అందించారు. ఆశార్ షరీఫ్ ప్రాంగణంలో కమిటీ సభ్యులు కమీషనర్ కు పూలదండలు అలంకరించి స్వాగతం పలికారు.
ప్రొద్దుటూరు పట్టణంలో ప్లాస్టిక్ వినియోగాన్ని తగ్గించేందుకు, ప్రజల ఆరోగ్య పరిరక్షణకు, పారిశుధ్య నిర్వహణలో కమీషనర్ శ్రీనివాస విశ్వనాధ్ తీసుకుంటున్న చర్యలను కమిటీ సభ్యులు ప్రశంసించారు. ప్లాస్టిక్ రహిత ప్రొద్దుటూరు కోసం ఆయన అమలు చేస్తున్న నిర్ణయాలు హర్షణీయమని పేర్కొన్నారు.
పట్టణంలో శుభ్రత, పారిశుధ్యంపై కమీషనర్ చూపుతున్న శ్రద్ధ వల్ల ప్రజల్లో అవగాహన పెరుగుతోందని కమిటీ సభ్యులు అభిప్రాయపడ్డారు. మున్సిపల్ సిబ్బందితో సమన్వయం కలిగి సేవలు అందిస్తున్న కమీషనర్ తూతిక శ్రీనివాస విశ్వనాధ్ పనితీరును కొనియాడారు.
కార్యక్రమంలో అంజుమాన్ కమిటీ సభ్యులు ఇలియాస్ ఖురేసి, టీడీపీ నాయకులు ఖలీల్ బాషా, శానిటేషన్ సూపర్ వైజర్ నూర్ భాషా తదితరులు పాల్గొన్నారు. ఆశార్ షరీఫ్ పరిసరాల్లో ముస్లిం భక్తులు పెద్ద సంఖ్యలో హాజరై ప్రార్థనలు చేశారు.
మీలాద్ ఉన్ నభీ, మౌళిద్ పండుగను పురస్కరించుకుని పట్టణంలో శాంతి, సామరస్య వాతావరణం నెలకొనేలా మున్సిపల్ అధికారులు, అంజుమాన్ కమిటీ సభ్యులు కలిసి చర్యలు తీసుకుంటున్నట్లు స్థానికులు పేర్కొన్నారు.
