రాయలసీమ న్యూస్, చిత్తూరు: చిత్తూరు జిల్లా బంగారుపాళ్యం మండలం గుంతూరు గ్రామానికి చెందిన చిన్నస్వామి (40) మృతి కారణంగా కుటుంబం నిరాశ్రయ స్థితికి చేరింది. ఆవులు మేపుతూ కుటుంబానికి అండగా నిలిచిన అతను, వేటగాళ్లు అమర్చిన విద్యుత్ తీగలకు తగిలి ప్రాణాలు కోల్పోయిన విషయం ఇప్పటికే తెలిసినదే.
నలుగురు పిల్లలు, భార్యతో చిన్నస్వామి సాధారణ జీవితం గడుపుతున్నాడు. గ్రామ పరిసరాల్లో ఆవులు మేపుతూ సంపాదించిన ఆదాయంతో కుటుంబాన్ని పోషించేవాడు. అయితే వేటగాళ్లు అడవి జంతువులను పట్టుకోవడానికి అమర్చిన విద్యుత్ ఉచ్చు అతని ప్రాణాన్ని తీసింది. ఈ ఘటనతో కుటుంబం ఆదారంలేని పరిస్థితిలోకి జారిపోయింది.
చిన్నస్వామి మృతి తర్వాత అతని భార్య తీవ్ర ఆవేదన వ్యక్తం చేస్తోంది. భర్తను కోల్పోయిన బాధతో కన్నీరుమున్నీరుగా విలపిస్తోంది. పిల్లల భవిష్యత్తు ఏవిధంగా ఉంటుందో, వారిని ఎలా చదివించి పెంచాలో తెలియక ఆమె తీవ్ర ఆందోళనలో ఉంది.
వేటగాళ్లు అమర్చిన విద్యుత్ తీగల వల్ల చిన్నస్వామి ప్రాణాలు కోల్పోవడం గ్రామంలో కలకలం రేపింది. ఇలాంటి ఉచ్చులు అమర్చడం ఎంతటి ప్రమాదకరమో స్థానికులు చర్చించుకుంటున్నారు. ఒకరి నిర్లక్ష్యం, మరో కుటుంబాన్ని రోడ్డున పడేసిందని గ్రామస్థులు విచారం వ్యక్తం చేస్తున్నారు.
చిన్నస్వామి మృతితో అతని కుటుంబం ఆర్థికంగా, సామాజికంగా కుదేలైంది. రోజువారీ జీవనోపాధి కోసం ఆధారపడే వ్యక్తిని కోల్పోవడంతో, భార్య, పిల్లలు భవిష్యత్తు చీకటిలో మునిగిపోయినట్టైంది. గ్రామస్థులు, బంధువులు కుటుంబానికి తోడుగా నిలవాలని ప్రయత్నిస్తున్నప్పటికీ, భర్తను కోల్పోయిన బాధతో చిన్నస్వామి భార్య తట్టుకోలేకపోతోంది.
వేటగాళ్ల నిర్లక్ష్యానికి బలైన చిన్నస్వామి కుటుంబ పరిస్థితి స్థానికంగా చర్చనీయాంశంగా మారింది. ఇలాంటి ఘటనలు పునరావృతం కాకుండా సంబంధిత అధికారులు కఠిన చర్యలు తీసుకోవాలని గ్రామస్థులు అభిప్రాయపడుతున్నారు.
