రాయలసీమ న్యూస్, చిత్తూరు: చిత్తూరు: చిత్తూరు నియోజకవర్గంలోని సాగుభూములకు నీటిని అందించే లక్ష్యంతో పెండింగ్లో ఉన్న నీవా బ్రాంచ్ కెనాల్ పనులకు రాష్ట్ర ప్రభుత్వం రూ.105 కోట్ల నిధులు మంజూరు చేయడంపై టీడీపీ నాయకులు సంతోషం వ్యక్తం చేశారు. ఈ నిర్ణయం నియోజకవర్గ అభివృద్ధికి కీలకంగా మారనుందని వారు అభిప్రాయపడ్డారు.
ఈ సందర్భంగా గురువారం చిత్తూరు గాంధీ విగ్రహ కూడలిలోని స్వర్గీయ నందమూరి తారకరామారావు విగ్రహానికి టీడీపీ నాయకులు పాలాభిషేకం నిర్వహించారు. కార్యక్రమానికి నియోజకవర్గ టీడీపీ శ్రేణులు, స్థానిక నాయకులు హాజరయ్యారు.
నియోజకవర్గ టీడీపీ నాయకులు ముఖ్యమంత్రి నారా చంద్రబాబు నాయుడు, చిత్తూరు ఎమ్మెల్యే గురజాల జగన్మోహన్కు కృతజ్ఞతలు తెలిపారు. నీవా బ్రాంచ్ కెనాల్కు నిధులు మంజూరు చేయడం చిత్తూరు నియోజకవర్గ అభివృద్ధిలో కీలక ముందడుగు అని వారు పేర్కొన్నారు. దీతో సాగునీటి సమస్యలు గణనీయంగా తగ్గే అవకాశం ఉందని అభిప్రాయపడ్డారు.
మాజీ ఎమ్మెల్సీ బీఎన్ రాజసింహులు, తెలుగు యువత రాష్ట్ర అధికార ప్రతినిధి వరుణ్ కుమార్, మాజీ మేయర్ ఎస్. అముద, మాజీ డిప్యూటీ మేయర్ రాజేష్ కుమార్ రెడ్డి తదితరులు నీవా బ్రాంచ్ కెనాల్ ప్రాధాన్యాన్ని వివరించారు. చిత్తూరు నగరంతో పాటు నియోజకవర్గంలోని మండలాల సాగునీటి అవసరాలను తీర్చేందుకు ఈ కెనాల్ ఎంతో కీలకమని వారు తెలిపారు.
నియోజకవర్గంలో అసంపూర్తిగా ఉన్న కాలువ పనులు పూర్తయ్యేలా నిధులు మంజూరు కావడం శుభపరిణామమని టీడీపీ నేతలు పేర్కొన్నారు. దీతో రైతులకు నిరంతర సాగునీరు అందించే అవకాశం ఏర్పడుతుందని, భూసారాన్ని పెంచడంలో కూడా ఇది దోహదం చేస్తుందని వారు ఆశాభావం వ్యక్తం చేశారు.
నీవా బ్రాంచ్ కెనాల్ పనులు వేగంగా పూర్తి అయ్యేలా ప్రభుత్వం తగిన చర్యలు తీసుకుంటుందనే నమ్మకం వ్యక్తం చేశారు నాయకులు. చిత్తూరు నియోజకవర్గం మొత్తం నీటివనరుల పరంగా మరింత బలోపేతం కావడానికి ఈ నిధుల మంజూరు దోహదం చేస్తుందని వారు పేర్కొన్నారు.
