రాయలసీమ న్యూస్, వై.యస్.ఆర్: ప్రొద్దుటూరు: వైఎస్ఆర్ కడప జిల్లా ఎస్పీ షెల్కే నచికేత్ విశ్వనాథ్ ఐపీఎస్ ఆదేశాల మేరకు ప్రొద్దుటూరులోని దీప్తి జూనియర్ కళాశాలలో మైనర్ డ్రైవింగ్పై అవగాహన కార్యక్రమం నిర్వహించారు. ట్రాఫిక్ సీఐ భాస్కర్ ఆధ్వర్యంలో జరిగిన ఈ కార్యక్రమంలో విద్యార్థులకు రోడ్డు భద్రత, చట్టపరమైన నిబంధనలు, మైనర్ డ్రైవింగ్ వల్ల కలిగే ప్రమాదాలపై వివరంగా తెలియజేశారు.
కార్యక్రమంలో మాట్లాడిన ట్రాఫిక్ సీఐ భాస్కర్, లైసెన్స్ లేకుండా మైనర్లు వాహనాలు నడపడం ప్రమాదకరమని, చట్టవిరుద్ధమని విద్యార్థులకు వివరించారు. మైనర్ పిల్లలకు తల్లిదండ్రులు వాహనాలు ఇవ్వకూడదని, చిన్న నిర్లక్ష్యం కూడా ప్రాణనష్టానికి దారితీసే అవకాశం ఉందని ఆయన హెచ్చరించారు.
విద్యార్థులు వాహనాలకు దూరంగా ఉంటూ చదువు, భవిష్యత్తుపై దృష్టి పెట్టాలని ట్రాఫిక్ విభాగం అధికారులు సూచించారు. చట్టబద్ధమైన వయస్సు వచ్చిన తర్వాతే లైసెన్స్ పొంది వాహనం నడపాలని, అప్పటి వరకు వాహనాలు నడపాలనే ఆలోచనకు దూరంగా ఉండాలని విద్యార్థులకు సూచించారు.
రోడ్డు భద్రతా నిబంధనలు పాటించడం ద్వారా తమ ప్రాణాలతో పాటు ఇతరుల ప్రాణాలను కూడా కాపాడుకోవచ్చని అధికారులు విద్యార్థులకు అవగాహన కల్పించారు. ట్రాఫిక్ నియమాలు ఉల్లంఘించడం వల్ల జరిగే ప్రమాదాలు, వాటి చట్టపరమైన పరిణామాల గురించి కూడా కార్యక్రమంలో వివరించారు.
ఈ సందర్భంగా విద్యార్థులు ట్రాఫిక్ నియమాలు, లైసెన్స్ పొందే విధానం, మైనర్ డ్రైవింగ్కు సంబంధించిన చట్టపరమైన నిబంధనలపై అధికారులు అడిగిన ప్రశ్నలకు సమాధానాలు ఇచ్చారు. కార్యక్రమం ద్వారా విద్యార్థుల్లో రోడ్డు భద్రతపై అవగాహన పెంపొందించడమే లక్ష్యమని ట్రాఫిక్ విభాగం పేర్కొంది.
