రాయలసీమ న్యూస్, వై.యస్.ఆర్:
ప్రొద్దుటూరు చేనేత కార్మికులకు నేతన్న నేస్తం పథకం దరఖాస్తులపై విజ్ఞప్తి: MLA వరదరాజుల రెడ్డి
ప్రొద్దుటూరు నియోజకవర్గానికి చెందిన చేనేత కార్మికులందరికీ కూటమి ప్రభుత్వం అమలు చేస్తున్న నేతన్న నేస్తం పథకం సంబంధించి విజ్ఞప్తి చేశారు. ఈ పథకం ద్వారా చేనేత కార్మికులకు ప్రభుత్వం అందించే రూ.25,000 ఆర్థిక సహాయం ఇంకా పొందని వారు నిర్దిష్ట గడువులోగా దరఖాస్తు చేసుకోవాలని సూచించారు.
ఇప్పటి వరకు నేతన్న నేస్తం పథకం కింద డబ్బు జమ కాని ప్రతి చేనేత కార్మికుడు తమ పరిధిలోని సచివాలయంలో దరఖాస్తు చేసుకోవాల్సిందిగా కోరుతున్నారు. ఈ నెల ఆగస్టు 15, 2026 తేదీ లోపల దరఖాస్తు చేసుకున్న వారికి మాత్రమే ప్రభుత్వ సహాయం వర్తించనుందని స్పష్టం చేశారు.
ఆగస్టు 15, 2026 తర్వాత దరఖాస్తు చేసుకునే వారికి ఈ పథకం కింద ఆర్థిక సహాయం అందుబాటులో ఉండదని తెలియజేశారు. గడువు ముగిసిన తర్వాత దరఖాస్తులు స్వీకరించబడవని, అందువల్ల చేనేత కార్మికులు ఆలస్యం చేయకుండా వెంటనే చర్యలు తీసుకోవాలని సూచించారు.
ప్రొద్దుటూరు నియోజకవర్గంలోని ప్రతి చేనేత కార్మికుడు ఈరోజు లేదా రేపటి లోపల తమ తమ సచివాలయాలను సంప్రదించి అవసరమైన పత్రాలతో దరఖాస్తు చేసుకోవాలని విజ్ఞప్తి చేశారు. ఇప్పటికే పథకం కింద లబ్ధి పొందిన వారు మళ్లీ దరఖాస్తు చేయాల్సిన అవసరం లేదని, ఇప్పటి వరకూ డబ్బు పడని వారే గడువులోగా దరఖాస్తు చేయాలని స్పష్టం చేశారు.
నేతన్న నేస్తం పథకం ద్వారా చేనేత కార్మికులకు అందించే రూ.25,000 ఆర్థిక సహాయం వారి కుటుంబాలకు ఉపశమనం కలిగించేలా ప్రభుత్వం చర్యలు తీసుకుంటున్న నేపథ్యంలో, ప్రొద్దుటూరు నియోజకవర్గంలో ఒక్క చేనేత కార్మికుడు కూడా ఈ అవకాశాన్ని కోల్పోకూడదని అధికారులు సూచిస్తున్నారు.
