రాయలసీమ న్యూస్, వై.యస్.ఆర్: కూటమి పాలన రెండేళ్ల నమ్మకం అభివృద్ధి, సంక్షేమం కార్యక్రమంలో భాగంగా ప్రొద్దుటూరు మండలం కొత్తపల్లె గ్రామ పంచాయతీ పరిధిలోని లింగాపురం గ్రామంలో "ఇంటింటికీ తెలుగుదేశం" కార్యక్రమాన్ని ఎమ్మెల్యే నంద్యాల వరదరాజుల రెడ్డి నిర్వహించారు. గ్రామంలోని ప్రతి ఇంటిని సందర్శించిన ఆయన, గత రెండేళ్లలో కూటమి ప్రభుత్వం అమలు చేసిన అభివృద్ధి, సంక్షేమ కార్యక్రమాలను ప్రజలకు వివరించారు.
రాష్ట్రంలో కూటమి ప్రభుత్వం అధికారంలోకి వచ్చిన తర్వాత ప్రజల సంక్షేమాన్ని లక్ష్యంగా పెట్టుకుని పరిపాలన సాగుతోందని ఎమ్మెల్యే వరదరాజుల రెడ్డి తెలిపారు. ఎన్నికల సమయంలో ఇచ్చిన హామీలను ఒక్కొక్కటిగా అమలు చేస్తూ ప్రజల జీవితాల్లో సానుకూల మార్పులు తీసుకురావడానికి ప్రభుత్వం కృషి చేస్తోందని ఆయన పేర్కొన్నారు.
రైతులు, మహిళలు, యువత, విద్యార్థులు, వృద్ధులు, కార్మికులు సహా అన్ని వర్గాల ప్రజలకు ఉపయోగపడే విధంగా అనేక సంక్షేమ పథకాలు అమలు చేస్తున్నట్లు వరదరాజుల రెడ్డి వివరించారు. రాష్ట్ర ముఖ్యమంత్రి నారా చంద్రబాబు నాయుడు నాయకత్వంలో గ్రామీణ ప్రాంతాల అభివృద్ధికి ప్రత్యేక ప్రాధాన్యత ఇస్తున్నామని, రహదారులు, తాగునీటి సదుపాయాలు, విద్య, వైద్యం, విద్యుత్, వ్యవసాయ రంగాల్లో గణనీయమైన పురోగతి సాధించామని ఆయన తెలిపారు.
గ్రామస్థాయిలో మౌలిక వసతుల కల్పనకు ప్రభుత్వం పెద్ద ఎత్తున నిధులు కేటాయించి అభివృద్ధి పనులు చేపడుతోందని ఎమ్మెల్యే పేర్కొన్నారు. ప్రభుత్వం అందిస్తున్న సంక్షేమ కార్యక్రమాల గురించి ప్రజలకు అవగాహన కల్పించడంతోపాటు, వారి సమస్యలను తెలుసుకుని పరిష్కారానికి కృషి చేస్తున్నట్లు ఆయన చెప్పారు.
లింగాపురం గ్రామంలో జరిగిన ఈ కార్యక్రమంలో స్థానిక నాయకులు టౌన్ బ్యాంక్ చైర్మన్ బొగ్గుల సుబ్బారెడ్డి, తుపాకుల వీరప్రతాప్ రెడ్డి, లక్ష్మీరెడ్డి (డీలర్), రామిరెడ్డి, రామకృష్ణ యాదవ్ (బ్యాంకు డైరెక్టర్), బొగ్గుల దినేష్ రెడ్డి, తుపాకుల రామాంజనేయులు రెడ్డి, సునీల్ కుమార్ రెడ్డి, ఈశ్వర్ రెడ్డి, సుబ్బారెడ్డి, సుబ్బిరెడ్డి తదితరులు పాల్గొన్నారు.
ఈ కార్యక్రమానికి మాజీ ఎంపీపీ నంద్యాల రాఘవరెడ్డి, ప్రొద్దుటూరు నియోజకవర్గ TDP పరిశీలకులు కొండవీటి భావన, మాజీ ఎమ్మెల్సీ బచ్చల పుల్లయ్య, లింగాపురం సొసైటీ చైర్మన్ సిద్ధారెడ్డి నాగముని రెడ్డి, ప్రముఖ వ్యాపారవేత్త బసిరెడ్డి రాజేశ్వర్ రెడ్డి, మాజీ మున్సిపల్ ఛైర్మన్ ఆసం రఘురామి రెడ్డి తదితరులు హాజరయ్యారు.
